Plato, Euthydemus, Protagoras, Gorgias, Meno, Μένων 40:

ἔστι ταῦτα. οὐκοῦν καὶ ὄψιν καλεῖσ τι; ἔγωγε. ἐκ τούτων δὴ "σύνεσ ὅ τοι λέγω," ἔφη Πίνδαροσ. ἔστιν γὰρ χρόα ἀπορροὴ σχημάτων ὄψει σύμμετροσ καὶ αἰσθητόσ. ἄριστά μοι δοκεῖσ, ὦ Σώκρατεσ, ταύτην τὴν ἀπόκρισιν εἰρηκέναι. ἴσωσ γάρ σοι κατὰ συνήθειαν εἴρηται· καὶ ἅμα οἶμαι ἐννοεῖσ ὅτι ἔχοισ ἂν ἐξ αὐτῆσ εἰπεῖν καὶ φωνὴν ὃ ἔστι, καὶ ὀσμὴν καὶ ἄλλα πολλὰ τῶν τοιούτων.