헬라어 문장 검색 - Πινδαρ́ΟδεσΓρέ3́04́

(핀다르, Odes, nemean odes, nemean 4 ΤΙΜΑΣΑΡΧῼ ΑΙΓΙΝΗΤῌ ΠΑΙΔΙ ΠΑΛΑΙΣΤῌ)

ἄριστοσ εὐφροσύνα πόνων κεκριμένων ἰατρόσ· αἱ δὲ σοφαὶ Μοισᾶν θύγατρεσ ἀοιδαὶ θέλξαν νιν ἁπτόμεναι. οὐδὲ θερμὸν ὕδωρ τόσον γε μαλθακὰ τέγγει γυῖα, τόσσον εὐλογία φόρμιγγι συνάοροσ. ῥῆμα δ’ ἑργμάτων χρονιώτερον βιοτεύει, ὅ τι κε σὺν Χαρίτων τύχᾳ γλῶσσα φρενὸσ ἐξέλοι βαθείασ.

τό μοι θέμεν Κρονίδᾳ τε Δὶ καὶ Νεμέᾳ Τιμασάρχου τε πάλᾳ ὕμνου προκώμιον εἰή·

δέξαιτο δ’ Αἰακιδᾶν ἠύ̈πυργον ἕδοσ, δίκᾳ ξεναρκέϊ κοινὸν φέγγοσ. Κλεωναίου τ’ ἀπ’ ἀγῶνοσ ὁρ́μον στεφάνων πέμψαντα καὶ λιπαρᾶν εὐωνύμων ἀπ’ Ἀθανᾶν, Θήβαισ τ’ ἐν ἑπταπύλοισ, οὕνεκ’ Ἀμφιτρύωνοσ ἀγλαὸν παρὰ τύμβον Καδμεῖοί νιν οὐκ ἀέκοντεσ ἄνθεσι μίγνυον, Αἰγίνασ ἕκατι.

φίλοισι γὰρ φίλοσ ἐλθὼν ξένιον ἄστυ κατέδρακεν Ἡρακλέοσ ὀλβίαν πρὸσ αὐλάν.

σὺν ᾧ ποτε Τρωί̈αν κραταιὸσ Τελαμὼν πόρθησε καὶ Μέροπασ καὶ τὸν μέγαν πολεμιστὰν ἔκπαγλον Ἀλκυονῆ, οὐ τετραορίασ γε πρὶν δυώδεκα πέτρῳ ἡρ́ωάσ τ’ ἐπεμβεβαῶτασ ἱπποδάμουσ ἕλεν δὶσ τόσουσ.

ἀπειρομάχασ ἐών κε φανείη λόγον ὁ μὴ συνιείσ·

ἐπεὶ " ῥέζοντά τι καὶ παθεῖν ἐοίκεν. τὰ μακρὰ δ’ ἐξενέπειν ἐρύκει με τεθμὸσ ὡρ͂αί τ’ ἐπειγόμεναι·

ἰύ̈γγι δ’ ἕλκομαι ἦτορ νουμηνίᾳ θιγέμεν. ἔμπα, καίπερ ἔχει βαθεῖα ποντιὰσ ἅλμα μέσσον, ἀντίτειν’ ἐπιβουλίᾳ· σφόδρα δόξομεν δαί̈ων ὑπέρτεροι ἐν φάει καταβαίνειν·

φθονερὰ δ’ ἄλλοσ ἀνὴρ βλέπων γνώμαν κενεὰν σκότῳ κυλίνδει χαμαὶ πετοῖσαν· ἐμοὶ δ’ ὁποίαν ἀρετὰν ἔδωκε πότμοσ ἄναξ, εὖ οἶδ’ ὅτι χρόνοσ ἑρ́πων πεπρωμέναν τελέσει.

ἐξύφαινε, γλυκεῖα, καὶ τόδ’ αὐτίκα, φόρμιγξ, Λυδίᾳ σὺν ἁρμονίᾳ μέλοσ πεφιλημένον Οἰνώνᾳ τε καὶ Κύπρῳ, ἔνθα Τεῦκροσ ἀπάρχει ὁ Τελαμωνιάδασ·

ἀτὰρ Αἰάσ Σαλαμῖν’ ἔχει πατρῴαν· ἐν δ’ Εὐξείνῳ πελάγει φαεννὰν Ἀχιλεὺσ νᾶσον·

Θέτισ δὲ κρατεῖ Φθίᾳ· Νεοπτόλεμοσ δ’ Ἀπείρῳ διαπρυσίᾳ, βουβόται τόθι πρῶνεσ ἔξοχοι κατάκεινται Δωδώναθεν ἀρχόμενοι πρὸσ Ιὄνιον πόρον. πολεμίᾳ χερὶ προστραπὼν Πηλεὺσ παρέδωκεν Αἱμόνεσσιν δάμαρτοσ Ἱππολύτασ Ἄκαστοσ δολίαισ τέχναισι χρησάμενοσ·

τᾷ Δαιδάλου τε μαχαίρᾳ φύτευέ οἱ θάνατον ἐκ λόχου, Πελίαο παῖσ·

ἄλαλκε δὲ Χείρων, καὶ τὸ μόρσιμον Διόθεν πεπρωμένον ἔκφερεν· ἔγαμεν ὑψιθρόνων μίαν Νηρεί̈δων, εἶδεν δ’ εὔκυκλον ἕδραν, τᾶσ οὐρανοῦ βασιλῆεσ πόντου τ’ ἐφεζόμενοι δῶρα καὶ κράτοσ ἐξέφαναν ἐγγενὲσ αὐτῷ.

Γαδείρων τὸ πρὸσ ζόφον οὐ περατόν· ἀπότρεπε αὖτισ Εὐρώπαν ποτὶ χέρσον ἔντεα ναόσ·

ἄπορα γὰρ λόγον Αἰακοῦ παίδων τὸν ἅπαντά μοι διελθεῖν. Θεανδρίδαισι δ’ ἀεξιγυίων ἀέθλων κάρυξ ἑτοῖμοσ ἔβαν Οὐλυμπίᾳ τε καὶ Ἰσθμοῖ Νεμέᾳ τε συνθέμενοσ, ἔνθα πεῖραν ἔχοντεσ οἴκαδε κλυτοκάρπων οὐ νέοντ’ ἄνευ στεφάνων, πάτραν ἵν’ ἀκούομεν, Τιμάσαρχε, τεὰν ἐπινικίοισιν ἀοιδαῖσ πρόπολον ἔμμεναι.

μάτρῳ μ’ ἔτι Καλλικλεῖ κελεύεισ στάλαν θέμεν Παρίου λίθου λευκοτέραν·

ὁ χρυσὸσ ἑψόμενοσ αὐγὰσ ἔδειξεν ἁπάσασ, ὕμνοσ δὲ τῶν ἀγαθῶν ἑργμάτων βασιλεῦσιν ἰσοδαίμονα τεύχει φῶτα·

γλῶσσαν εὑρέτω κελαδῆτιν, Ὀρσοτριαίνα ἵν’ ἐν ἀγῶνι βαρυκτύπου θάλησε Κορινθίοισ σελίνοισ·

τὸν Εὐφάνησ ἐθέλων γεραιὸσ προπάτωρ σὸσ ἀείσέν ποτε, παῖ.

ἄλλοισι δ’ ἅλικεσ ἄλλοι· τὰ δ’ αὐτὸσ ἄν τισ ἴδῃ, ἔλπεταί τισ ἕκαστοσ ἐξοχώτατα φάσθαι. οἱο͂ν αἰνέων κε Μελησίαν ἔριδα στρέφοι, ῥήματα πλέκων, ἀπάλαιστοσ ἐν λόγῳ ἕλκειν, μαλακὰ μὲν φρονέων ἐσλοῖσ, τραχὺσ δὲ παλιγκότοισ ἔφεδροσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pindar, Odes, nemean odes, nemean 4 ΤΙΜΑΣΑΡΧῼ ΑΙΓΙΝΗΤῌ ΠΑΙΔΙ ΠΑΛΑΙΣΤῌ

(핀다르, Odes, nemean odes, nemean 4 ΤΙΜΑΣΑΡΧῼ ΑΙΓΙΝΗΤῌ ΠΑΙΔΙ ΠΑΛΑΙΣΤῌ)

상위

목록

SEARCH

MENU NAVIGATION