헬라어 문장 검색 - Πινδαρ́ΟδεσΓρέ2́10́

(핀다르, Odes, pythian odes, pythian 10 ΙΠΠΟΚΛΕΙ ΘΕΣΣΑΛῼ ΠΑΙΔΙ ΔΙΑΥΛΟΔΡΟΜῼ)

ὄλβια Λακεδαίμων, μάκαιρα Θεσσαλία· πατρὸσ δ’ ἀμφοτέραισ ἐξ ἑνὸσ ἀριστομάχου γένοσ Ἡρακλεῦσ βασιλεύει. τί κομπέω παρὰ καιρόν; ἀγαγεῖν ἐπικωμίαν ἀνδρῶν κλυτὰν ὄπα.

γεύεται γὰρ ἀέθλων·

στρατῷ τ’ ἀμφικτιόνων ὁ Παρνάσιοσ αὐτὸν μυχὸσ διαυλοδρομᾶν ὕπατον παίδων ἀνέειπεν. Ἄπολλον, γλυκὺ δ’ ἀνθρώπων τέλοσ ἀρχά τε δαίμονοσ ὀρνύντοσ αὔξεται· ὁ μέν που τεοῖσ γε μήδεσι τοῦτ’ ἔπραξεν· τὸ δὲ συγγενὲσ ἐμβέβακεν ἴχνεσιν πατρὸσ Ὀλυμπιονίκα δὶσ ἐν πολεμαδόκοισ Ἄρεοσ ὅπλοισ·

ἔθηκε καὶ βαθυλείμων ὑπὸ Κίρρασ ἀγὼν πέτραν κρατησίποδα Φρικίαν.

ἕσποιτο μοῖρα καὶ ὑστέραισιν ἐν ἁμέραισ ἀγάνορα πλοῦτον ἀνθεῖν σφίσιν· τῶν δ’ ἐν Ἑλλάδι τερπνῶν λαχόντεσ οὐκ ὀλίγαν δόσιν, μὴ φθονεραῖσ ἐκ θεῶν μετατροπίαισ ἐπικύρσαιεν.

θεὸσ εἰή ἀπήμων κέαρ·

καὶ ζώων ἔτι νεαρὸν κατ’ αἶσαν υἱὸν ἴδῃ τυχόντα στεφάνων Πυθίων.

ὁ χάλκεοσ οὐρανὸσ οὔ ποτ’ ἀμβατὸσ αὐτῷ.

ὅσαισ δὲ βροτὸν ἔθνοσ ἀγλαί̈αισ ἁπτόμεσθα, περαίνει πρὸσ ἔσχατον πλόον. ναυσὶ δ’ οὔτε πεζὸσ ἰών <κεν> εὑρ́οισ ἐσ Ὑπερβορέων ἀγῶνα θαυματὰν ὁδόν. παρ’ οἷσ ποτε Περσεὺσ ἐδαίσατο λαγέτασ, δώματ’ ἐσελθών, κλειτὰσ ὄνων ἑκατόμβασ ἐπιτόσσαισ θεῷ ῥέζοντασ·

ὧν θαλίαισ ἔμπεδον εὐφαμίαισ τε μάλιστ’ Ἀπόλλων χαίρει, γελᾷ θ’ ὁρῶν ὕβριν ὀρθίαν κνωδάλων. Μοῖσα δ’ οὐκ ἀποδαμεῖ τρόποισ ἐπὶ σφετέροισι·

παντᾷ, δὲ χοροὶ παρθένων λυρᾶν τε βοαὶ καναχαί τ’ αὐλῶν δονέονται· δάφνᾳ τε χρυσέᾳ κόμασ ἀναδήσαντεσ εἰλαπινάζοισιν εὐφρόνωσ.

νόσοι δ’ οὔτε γῆρασ οὐλόμενον κέκραται ἱερᾷ γενεᾷ· πόνων δὲ καὶ μαχᾶν ἄτερ οἰκέοισι φυγόντεσ ὑπέρδικον Νέμεσιν. θρασείᾳ δὲ πνέων καρδίᾳ μόλεν Δανάασ ποτὲ παῖσ, ἁγεῖτο δ’ Ἀθάνα, ἐσ ἀνδρῶν μακάρων ὅμιλον·

ἔπεφνέν τε Γοργόνα, καὶ ποικίλον κάρα δρακόντων φόβαισιν ἤλυθε νασιώταισ λίθινον θάνατον φέρων.

θεῶν τελεσάντων οὐδέν ποτε φαίνεται ἔμμεν ἄπιστον.

κώπαν σχάσον, ταχὺ δ’ ἄγκυραν ἔρεισον χθονὶ πρῴραθε, χοιράδοσ ἄλκαρ πέτρασ.

ἐγκωμίων γὰρ ἀώτοσ ὕμνων ἐπ’ ἄλλοτ’ ἄλλον ὥτε μέλισσα θύνει λόγον. ἔλπομαι δ’ Ἐφυραίων ὄπ’ ἀμφὶ Πηνεϊὸν γλυκεῖαν προχεόντων ἐμὰν τὸν Ἱπποκλέαν ἔτι καὶ μᾶλλον σὺν ἀοιδαῖσ ἕκατι στεφάνων θαητὸν ἐν ἅλιξι θησέμεν ἐν καὶ παλαιτέροισ, νέαισίν τε παρθένοισι μέλημα.

καὶ γὰρ ἑτέροισ ἑτέρων ἔρωσ ὑπέκνισε φρένασ·

τῶν δ’ ἕκαστοσ ὀρούει, τυχών κεν ἁρπαλέαν σχέθοι φροντίδα τὰν πὰρ ποδόσ·

τὰ δ’ εἰσ ἐνιαυτὸν ἀτέκμαρτον προνοῆσαι. πέποιθα ξενίᾳ προσανέϊ Θώρακοσ, ὅσπερ ἐμὰν ποιπνύων χάριν τόδ’ ἔζευξεν ἁρ́μα Πιερίδων τετράορον, φιλέων φιλέοντ’, ἄγων ἄγοντα προφρόνωσ.

πειρῶντι δὲ καὶ χρυσὸσ ἐν βασάνῳ πρέπει καὶ νόοσ ὀρθόσ.

ἀδελφεοὺσ ἔτ’ ἐπαινήσομεν ἐσλούσ, ὅτι ὑψοῦ φέροντι νόμον Θεσσαλῶν αὔξοντεσ· ἐν δ’ ἀγαθοῖσι κεῖνται πατρώϊαι κεδναὶ πολίων κυβερνάσιεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pindar, Odes, pythian odes, pythian 10 ΙΠΠΟΚΛΕΙ ΘΕΣΣΑΛῼ ΠΑΙΔΙ ΔΙΑΥΛΟΔΡΟΜῼ

(핀다르, Odes, pythian odes, pythian 10 ΙΠΠΟΚΛΕΙ ΘΕΣΣΑΛῼ ΠΑΙΔΙ ΔΙΑΥΛΟΔΡΟΜῼ)

상위

목록

SEARCH

MENU NAVIGATION