헬라어 문장 검색 - Παυσαν́Δεσξριπ́3́22́

(파우사니아스, Description of Greece, Λακωνικά, chapter 22)

Γυθίου δὲ τρεῖσ μάλιστα ἀπέχει σταδίουσ ἀργὸσ λίθοσ· Ὀρέστην λέγουσι καθεσθέντα ἐπ’ αὐτοῦ παύσασθαι τῆσ μανίασ· διὰ τοῦτο ὁ λίθοσ ὠνομάσθη Ζεὺσ Καππώτασ κατὰ γλῶσσαν τὴν Δωρίδα. ἡ δὲ νῆσοσ ἡ Κρανάη πρόκειται Γυθίου, καὶ Ὅμηροσ Ἀλέξανδρον ἁρπάσαντα Ἑλένην ἐνταῦθα ἔφη συγγενέσθαι οἱ πρῶτον. κατὰ δὲ τὴν νῆσον ἱερόν ἐστιν Ἀφροδίτησ ἐν τῇ ἠπείρῳ Μιγωνίτιδοσ, καὶ ὁ τόποσ οὗτοσ ἅπασ καλεῖται Μιγώνιον.

τοῦτο μὲν δὴ τὸ ἱερὸν ποιῆσαι λέγουσιν Ἀλέξανδρον·

Μενέλαοσ δὲ Ἴλιον ἑλὼν καὶ ἔτεσιν ὕστερον ὀκτὼ μετὰ Τροίασ πόρθησιν οἴκαδε ἀνασωθεὶσ ἄγαλμα Θέτιδοσ καὶ θεὰσ Πραξιδίκασ ἱδρύσατο ἐγγὺσ τῆσ Μιγωνίτιδοσ. Διονύσου δὲ ὄροσ ἱερὸν Λαρύσιον καλούμενόν ἐστιν ὑπὲρ τοῦ Μιγωνίου· καὶ ἦροσ ἀρχομένου Διονύσῳ τὴν ἑορτὴν ἄγουσιν ἄλλα τε ἐσ τὰ δρώμενα λέγοντεσ καὶ ὡσ βότρυν ἐνταῦθα ἀνευρίσκουσιν ὡραῖον. ἐν ἀριστερᾷ δὲ Γυθίου στάδια προελθόντι ὡσ τριάκοντα ἔστιν ἐν τῇ ἠπείρῳ Τρινασοῦ καλουμένησ τείχη, φρουρίου ποτὲ ἐμοὶ δοκεῖν καὶ οὐ πόλεωσ.

γενέσθαι δέ οἱ δοκῶ τὸ ὄνομα ἀπὸ τῶν νησίδων, αἳ ταύτῃ πρόκεινται τῆσ ἠπείρου τρεῖσ ἀριθμόν. προελθόντι δὲ ἀπὸ Τρινασοῦ στάδια ὡσ ὀγδοήκοντα τοῦ Ἕλουσ τὰ ἐρείπια ὑπόλοιπα ἦν, καὶ μετὰ ταῦτα τριάκοντα προελθόντι που σταδίουσ ἐπὶ θαλάσσησ πόλισ ἐστὶν Ἀκρίαι· θέασ δὲ αὐτόθι ἄξια Μητρὸσ θεῶν ναὸσ καὶ ἄγαλμα λίθου.

παλαιότατον δὲ τοῦτο εἶναί φασιν οἱ τὰσ Ἀκρίασ ἔχοντεσ, ὁπόσα τῆσ θεοῦ ταύτησ Πελοποννησίοισ ἱερά ἐστιν, ἐπεὶ Μαγνησί γε, οἳ τὰ πρὸσ Βορρᾶν νέμονται τοῦ Σιπύλου, τούτοισ ἐπὶ Κοδδίνου πέτρᾳ Μητρόσ ἐστι θεῶν ἀρχαιότατον ἁπάντων ἄγαλμα· Ταντάλου.

Ἀκριᾶται δὲ καὶ ἄνδρα ποτὲ Ὀλυμπιονίκην παρέσχοντο Νικοκλέα, Ὀλυμπιάσι δύο ἀνελόμενον δρόμου νίκασ πέντε·

πεποίηται δὲ καὶ μνῆμα τῷ Νικοκλεῖ τοῦ τε γυμνασίου μεταξὺ καὶ τοῦ τείχουσ τοῦ πρὸσ τῷ λιμένι. ἀπὸ θαλάσσησ δὲ ἄνω Γερόνθραι σταδίουσ ἀπέχουσιν εἴκοσι καὶ ἑκατὸν Ἀκριῶν.

ταύτασ οἰκουμένασ πρὶν Ἡρακλείδασ ἐλθεῖν ἐσ Πελοπόννησον, ἐποίησαν ἀναστάτουσ Δωριεῖσ οἱ Λακεδαίμονα ἔχοντεσ, ἀναστήσαντεσ δὲ Γερονθρῶν τοὺσ Ἀχαιοὺσ παρὰ σφῶν ἐποίκουσ ἀπέστειλαν· ἐπ’ ἐμοῦ δὲ Ἐλευθερολακώνων καὶ οὗτοι μοῖρα ἦσαν. κατὰ μὲν δὴ τὴν ἐξ Ἀκριῶν ἐσ Γερόνθρασ ὁδὸν ἔστι Παλαιὰ καλουμένη κώμη, ἐν δὲ αὐταῖσ Γερόνθραισ Ἄρεωσ ναὸσ καὶ ἄλσοσ· ἑορτὴν δὲ ἄγουσι τῷ θεῷ κατὰ ἔτοσ, ἐν ᾗ γυναιξίν ἐστιν ἀπηγορευμένον ἐσελθεῖν ἐσ τὸ ἄλσοσ.

περὶ δὲ τὴν ἀγοράν σφισιν αἱ πηγαὶ τῶν ποτίμων εἰσὶν ὑδάτων. ἐν δὲ τῇ ἀκροπόλει ναόσ ἐστιν Ἀπόλλωνοσ καὶ ἀγάλματοσ ἐλέφαντοσ πεποιημένου κεφαλή· τὰ δὲ λοιπὰ τοῦ ἀγάλματοσ πῦρ ἠφάνισεν ὁμοῦ τῷ προτέρῳ ναῷ. Μαριὸσ δὲ ἄλλο Ἐλευθερολακώνων πόλισμα, ὃ ἀπὸ Γερονθρῶν στάδια ἑκατὸν ἀφέστηκεν.

ἱερόν ἐστιν αὐτόθι ἀρχαῖον κοινὸν θεῶν ἁπάντων καὶ περὶ αὐτὸ ἄλσοσ παρεχόμενον πηγάσ, εἰσὶ δὲ καὶ ἐν Ἀρτέμιδοσ ἱερῷ πηγαί· ὕδωρ δὲ ἄφθονον εἴπερ ἄλλο τι χωρίον παρέχεται καὶ Μαριόσ. κώμη δὲ ὑπὲρ τὸ πόλισμά ἐστιν ἐν μεσογαίᾳ καὶ αὐτή, Γλυππία· καὶ ἐσ κώμην ἑτέραν Σελινοῦντα ἐκ Γερονθρῶν ἐστιν ὁδὸσ σταδίων εἴκοσι. τάδε μὲν ἀπὸ Ἀκριῶν ἄνω πρὸσ ἤπειρον·

τὰ δὲ πρὸσ θαλάσσῃ, πόλισ Ἀσωπὸσ Ἀκριῶν ἀπέχει σταδίουσ ἑξήκοντα. ἐν αὐτῇ δὲ ναόσ τε Ῥωμαίων βασιλέων καὶ ἀνωτέρω τῆσ πόλεωσ ὅσον τε σταδίουσ δώδεκα καὶ ἱερόν ἐστιν Ἀσκληπιοῦ· Φιλόλαον τὸν θεὸν ὀνομάζουσι. τὰ δὲ ὀστᾶ ἐν τῷ γυμνασίῳ τὰ τιμώμενα μεγέθει μὲν ὑπερβάλλοντα, ἀνθρώπου δὲ ὅμωσ ἐστί. καὶ Ἀθηνᾶσ ἱερόν ἐστιν ἐν τῇ ἀκροπόλει Κυπαρισσίασ ἐπίκλησιν. τῆσ δὲ ἀκροπόλεωσ πρὸσ τοῖσ ποσὶ πόλεωσ ἐρείπια καλουμένησ Ἀχαιῶν τῶν Παρακυπαρισσίων. ἔστι δὲ ἐν τῇ γῇ ταύτῃ καὶ ἱερὸν Ἀσκληπιοῦ στάδια ἀπέχον ὡσ πεντήκοντα Ἀσωποῦ·

τὸ δὲ χωρίον, ἔνθα τὸ Ἀσκληπιεῖον, Ὑπερτελέατον ὀνομάζουσιν. ἄκρα δὲ ἀνέχουσα ἐσ θάλασσαν ἀφέστηκεν Ἀσωποῦ διακόσια στάδια· καλοῦσι δὲ Ὄνου γνάθον τὴν ἄκραν. ἐνταῦθά ἐστιν Ἀθηνᾶσ ἱερὸν ἄγαλμα οὐκ ἔχον, οὐδὲ ὄροφοσ ἔπεστιν ἐπ’ αὐτῷ· λέγεται δὲ ὡσ ὑπὸ Ἀγαμέμνονοσ ἐποιήθη. ἔστι δὲ καὶ μνῆμα Κινάδου· νεὼσ τῆσ Μενελάου καὶ οὗτοσ κυβερνήτησ ἦν. ἐσέχει δὲ μετὰ τὴν ἄκραν Βοιατικὸσ καλούμενοσ κόλποσ, καὶ Βοιαὶ πόλισ πρὸσ τῷ πέρατί ἐστι τοῦ κόλπου.

ταύτην ᾤκισε μὲν Βοιὸσ τῶν Ἡρακλειδῶν, συναγαγεῖν δὲ ἄνδρασ ἀπὸ τριῶν ἐσ αὐτὴν λέγεται πόλεων, Ἤτιδοσ καὶ Ἀφροδισιάδοσ καὶ Σίδησ. τῶν δὲ πόλεων τῶν ἀρχαίων τὰσ μὲν δύο ἐσ Ἰταλίαν φεύγοντα Αἰνείαν καὶ ὑπὸ πνευμάτων ἀπενεχθέντα ἐσ τοῦτον τὸν κόλπον οἰκίσαι φασί, τὴν Ἠτιάδα Αἰνείου θυγατέρα λέγοντεσ εἶναι· τρίτην δὲ κληθῆναι τῶν πόλεων λέγουσιν ἀπὸ τῆσ Δαναοῦ Σίδησ.

ἀπὸ δὴ τούτων τῶν πόλεων ἀναστάντεσ ἐζήτουν ἔνθα οἰκῆσαι σφᾶσ χρεὼν εἰή·

καί τι καὶ μάντευμα ἦν αὐτοῖσ Ἄρτεμιν ἔνθα οἰκήσουσιν ἐπιδείξειν. ὡσ οὖν ἐκβᾶσιν ἐσ τὴν γῆν λαγὼσ ἐπιφαίνεται, τὸν λαγὼν ἐποιήσαντο ἡγεμόνα τῆσ ὁδοῦ· καταδύντοσ δὲ ἐσ μυρσίνην πόλιν τε οἰκίζουσιν ἐνταῦθα, οὗπερ ἡ μυρσίνη ἦν, καὶ τὸ δένδρον ἔτι ἐκείνην σέβουσι τὴν μυρσίνην καὶ Ἄρτεμιν ὀνομάζουσι Σώτειραν. καὶ Ἀπόλλωνοσ ναὸσ ἐν τῇ Βοιατῶν ἀγορᾷ ἐστι καὶ ἑτέρωθι Ἀσκληπιοῦ καὶ Σαράπιδόσ τε καὶ Ἴσιδοσ.

<Ἤτιδοσ δ’> ἐρείπια ἀπέχει μὲν Βοιῶν οὐ πλέον ἢ σταδίουσ ἑπτά· ἰόντι δὲ ἐσ αὐτὰ ἄγαλμα Ἑρμοῦ λίθινον ἕστηκεν ἐν ἀριστερᾷ, καὶ ἐν τοῖσ ἐρειπίοισ ἱερὸν Ἀσκληπιοῦ καὶ Ὑγείασ ἐστὶν οὐκ ἀφανέσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Λακωνικά, chapter 22

(파우사니아스, Description of Greece, Λακωνικά, chapter 22)

상위

목록

SEARCH

MENU NAVIGATION