헬라어 문장 검색 - Παυσαν́Δεσξριπ́3́21́

(파우사니아스, Description of Greece, Λακωνικά, chapter 21)

προελθόντι δὲ αὐτόθεν σταδίουσ εἴκοσι τοῦ Εὐρώτα τὸ ῥεῦμα ἐγγυτάτω τῆσ ὁδοῦ γίνεται, καὶ Λάδα μνῆμά ἐστιν ὠκύτητι ὑπερβαλομένου ποδῶν τοὺσ ἐπ’ αὐτοῦ· καὶ δὴ καὶ Ὀλυμπίασιν ἐστεφανοῦτο δολίχῳ κρατῶν, δοκεῖν δέ μοι κάμνων αὐτίκα μετὰ τὴν νίκην ἐκομίζετο, καὶ συμβάσησ ἐνταῦθά οἱ τελευτῆσ ὁ τάφοσ ἐστὶν ὑπὲρ τὴν λεωφόρον. τὸν δὲ ὁμώνυμον τούτῳ, νίκην καὶ αὐτὸν Ὀλυμπίασι, πλὴν οὐ δολίχου, σταδίου δὲ ἀνελόμενον, Ἀχαιὸν ἐξ Αἰγίου φησὶν εἶναι καὶ τὰ ἐσ τοὺσ Ὀλυμπιονίκασ Ἠλείων γράμματα. προϊόντι δὲ ὡσ ἐπὶ τὴν Πελλάναν Χαράκωμά ἐστιν ὀνομαζόμενον καὶ μετὰ τοῦτο Πελλάνα πόλισ τὸ ἀρχαῖον.

Τυνδάρεων δὲ οἰκῆσαί φασιν ἐνταῦθα, ὅτε Ἱπποκόωντα καὶ τοὺσ παῖδασ ἔφευγεν ἐκ Σπάρτησ. θέασ δὲ ἄξια αὐτόθι ἰδὼν Ἀσκληπιοῦ τε οἶδα ἱερὸν καὶ τὴν πηγὴν Πελλανίδα. ἐσ ταύτην λέγουσιν ὑδρευομένην ἐσπεσεῖν παρθένον, ἀφανισθείσησ δὲ τὸ κάλυμμα ἀναφανῆναι τὸ ἐπὶ τῆσ κεφαλῆσ ἐν ἑτέρᾳ πηγῇ Λαγκίᾳ. Πελλάνασ δὲ ἑκατὸν στάδια ἀπέχει Βελεμίνα καλουμένη·

τῆσ δὲ χώρασ τῆσ Λακωνικῆσ ἡ Βελεμίνα μάλιστα ἄρδεσθαι πέφυκεν, ἥντινα διοδεύει μὲν τοῦ Εὐρώτα τὸ ὕδωρ, παρέχεται δὲ ἀφθόνουσ καὶ αὐτὴ πηγάσ. ἐπὶ θάλασσαν δὲ ἐσ Γύθιον καταβαίνοντί ἐστι Λακεδαιμονίοισ ἡ κώμη καλουμένη Κροκέαι καὶ λιθοτομία·

μία μὲν πέτρα συνεχὴσ οὐ διήκουσα, λίθοι δὲ ὀρύσσονται σχῆμα τοῖσ ποταμίοισ ἐοικότεσ, ἄλλωσ μὲν δυσεργεῖσ, ἢν δὲ ἐπεργασθῶσιν, ἐπικοσμήσαιεν ἂν καὶ θεῶν ἱερά, κολυμβήθραισ δὲ καὶ ὕδασι συντελοῦσι μάλιστα ἐσ κάλλοσ.

θεῶν δὲ αὐτόθι πρὸ μὲν τῆσ κώμησ Διὸσ Κροκεάτα λίθου πεποιημένον ἄγαλμα ἕστηκε, Διόσκουροι δὲ ἐπὶ τῇ λιθοτομίᾳ χαλκοῖ. μετὰ δὲ Κροκέασ ἀποτραπεῖσιν ἐσ δεξιὰν ἀπὸ τῆσ ἐσ Γύθιον εὐθείασ ἐπὶ πόλισμα ἥξεισ Αἰγίασ·

Ὅμηρον δὲ ἐν τοῖσ ἔπεσι τὸ πόλισμα τοῦτο ὀνομάζειν λέγουσιν Αὐγειάσ. ἐνταῦθα ἔστι μὲν λίμνη καλουμένη Ποσειδῶνοσ, ἔστι δὲ ἐπὶ τῇ λίμνῃ ναὸσ καὶ ἄγαλμα τοῦ θεοῦ. τοὺσ δὲ ἰχθῦσ δεδοίκασιν ἐξαιρεῖν, τὸν θηρεύσαντα ἁλιέα γενέσθαι λέγοντεσ ἐξ ἀνθρώπου. Γύθιον δὲ ἀπέχει μὲν σταδίουσ τριάκοντα Αἰγιῶν, ἐπὶ θαλάσσῃ δὲ ᾠκισμένον ἔστιν ἤδη τῶν Ἐλευθερολακώνων, οὓσ βασιλεὺσ Αὔγουστοσ δουλείασ ἀφῆκε Λακεδαιμονίων τῶν ἐν Σπάρτῃ κατηκόουσ ὄντασ.

θαλάσσῃ μὲν δὴ πλὴν τοῦ Κορινθίων ἰσθμοῦ περιέχεται πᾶσα ἡ Πελοπόννησοσ· κόχλουσ δὲ ἐσ βαφὴν πορφύρασ παρέχεται τὰ ἐπιθαλάσσια τῆσ Λακωνικῆσ ἐπιτηδειοτάτασ μετά γε τὴν Φοινίκων θάλασσαν. ἀριθμὸσ δὲ τῶν Ἐλευθερολακώνων ὀκτὼ πόλεισ καὶ δέκα εἰσί, πρώτη μὲν καταβᾶσιν ἐξ Αἰγιῶν ἐπὶ θάλασσαν Γύθιον, μετὰ δὲ αὐτὴν Τευθρώνη τε καὶ Λᾶσ καὶ Πύρριχοσ, ἐπὶ Ταινάρῳ δὲ Καινήπολισ Οἴτυλόσ τε καὶ Λεῦκτρα καὶ Θαλάμαι, πρὸσ δὲ Ἀλαγονία τε καὶ Γερηνία·

τὰ δὲ ἐπέκεινα Γυθίου πρὸσ θαλάσσῃ Ἀσωπὸσ Ἀκριαὶ Βοιαὶ Ζάραξ Ἐπίδαυροσ ἡ Λιμηρὰ Βρασιαὶ Γερόνθραι Μαριόσ. αὗται μὲν οὖν εἰσιν αἱ λοιπαὶ τῶν Ἐλευθερολακώνων ἀπὸ τεσσάρων ποτὲ καὶ εἴκοσι πόλεων· τὰσ δὲ ἄλλασ, ἐφ’ ἃσ ἂν καὶ αὐτὰσ ὁ λόγοσ ἐπέλθῃ δή μοι, συντελούσασ ἴστω τισ ἐσ Σπάρτην καὶ οὐχ ὁμοίωσ τοῖσ προλεχθεῖσιν αὐτονόμουσ.

Γυθεᾶται δὲ τῆσ πόλεωσ ἀνθρώπων μὲν οὐδένα οἰκιστὴν γενέσθαι λέγουσιν, Ἡρακλέα δὲ καὶ Ἀπόλλωνα ὑπὲρ τοῦ τρίποδοσ ἐσ ἀγῶνα ἐλθόντασ, ὡσ διηλλάγησαν, μετὰ τὴν ἔριν οἰκίσαι κοινῇ τὴν πόλιν·

καὶ ἐν τῇ ἀγορᾷ σφισιν Ἀπόλλωνοσ καὶ Ἡρακλέουσ ἐστὶν ἀγάλματα, πλησίον δὲ αὐτῶν Διόνυσοσ. ἑτέρωθι δὲ Ἀπόλλων Κάρνειοσ καὶ ἱερὸν Ἄμμωνοσ καὶ Ἀσκληπιοῦ χαλκοῦν ἄγαλμά ἐστιν, οὐκ ἐπόντοσ ὀρόφου τῷ ναῷ, καὶ πηγὴ τοῦ θεοῦ καὶ Δήμητροσ ἱερὸν ἅγιον καὶ Ποσειδῶνοσ ἄγαλμα Γαιαόχου. ὃν δὲ ὀνομάζουσι Γυθεᾶται Γέροντα, οἰκεῖν ἐν θαλάσσῃ φάμενοι, Νηρέα ὄντα εὑρ́ισκον·

καί σφισι τοῦ ὀνόματοσ τούτου παρέσχεν ἀρχὴν Ὅμηροσ ἐν Ἰλιάδι ἐν Θέτιδοσ λόγοισ· ὑμεῖσ μὲν νῦν δῦτε θαλάσσησ εὐρέα κόλπον,ὀψόμεναί τε γέρονθ’ ἅλιον καὶ δώματα πατρόσ. καλοῦνται δὲ ἐνταῦθα καὶ πύλαι Καστορίδεσ, καὶ ἐν τῇ ἀκροπόλει ναὸσ καὶ ἄγαλμα Ἀθηνᾶσ πεποίηται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Λακωνικά, chapter 21

(파우사니아스, Description of Greece, Λακωνικά, chapter 21)

상위

목록

SEARCH

MENU NAVIGATION