헬라어 문장 검색 - Παυσαν́Δεσξριπ́3́19́

(파우사니아스, Description of Greece, Λακωνικά, chapter 19)

ὑπολειπομένησ καὶ εὐρυχωρίασ, τὸ μέσον ἐστὶν εὐρυχωρὲσ μάλιστα καὶ τὸ ἄγαλμα ἐνταῦθα ἐνέστηκε. μέγεθοσ δὲ αὐτοῦ μέτρῳ μὲν οὐδένα ἀνευρόντα οἶδα, εἰκάζοντι δὲ καὶ τριάκοντα εἶναι φαίνοιντο ἂν πήχεισ.

ἔργον δὲ οὐ Βαθυκλέουσ ἐστίν, ἀλλὰ ἀρχαῖον καὶ οὐ σὺν τέχνῃ πεποιημένον· ὅτι γὰρ μὴ πρόσωπον αὐτῷ καὶ πόδεσ εἰσὶν ἄκροι καὶ χεῖρεσ, τὸ λοιπὸν χαλκῷ κίονί ἐστιν εἰκασμένον. ἔχει δὲ ἐπὶ τῇ κεφαλῇ κράνοσ, λόγχην δὲ ἐν ταῖσ χερσὶ καὶ τόξον. τοῦ δὲ ἀγάλματοσ τὸ βάθρον παρέχεται μὲν βωμοῦ σχῆμα, τεθάφθαι δὲ τὸν Υἅκινθον λέγουσιν ἐν αὐτῷ, καὶ Υἁκινθίοισ πρὸ τῆσ τοῦ Ἀπόλλωνοσ θυσίασ ἐσ τοῦτον Υἁκίνθῳ τὸν βωμὸν διὰ θύρασ χαλκῆσ ἐναγίζουσιν·

ἐν ἀριστερᾷ δέ ἐστιν ἡ θύρα τοῦ βωμοῦ. ἐπείργασται δὲ τῷ βωμῷ τοῦτο μὲν ἄγαλμα Βίριδοσ, τοῦτο δὲ Ἀμφιτρίτησ καὶ Ποσειδῶνοσ· Διὸσ δὲ καὶ Ἑρμοῦ διαλεγομένων ἀλλήλοισ πλησίον Διόνυσοσ ἑστήκασι καὶ Σεμέλη, παρὰ δὲ αὐτὴν Ἰνώ. πεποίηται δὲ ἐπὶ τοῦ βωμοῦ καὶ ἡ Δημήτηρ καὶ Κόρη καὶ Πλούτων, ἐπὶ δὲ αὐτοῖσ Μοῖραί τε καὶ Ὧραι, σὺν δέ σφισιν Ἀφροδίτη καὶ Ἀθηνᾶ τε καὶ Ἄρτεμισ·

κομίζουσι δ’ ἐσ οὐρανὸν Υἅκινθον καὶ Πολύβοιαν, Υἁκίνθου καθὰ λέγουσιν ἀδελφὴν ἀποθανοῦσαν ἔτι παρθένον. τοῦτο μὲν οὖν τοῦ Υἁκίνθου τὸ ἄγαλμα ἔχον ἐστὶν ἤδη γένεια, Νικίασ δὲ ὁ Νικομήδουσ περισσῶσ δή τι ἔγραψεν αὐτὸν ὡραῖον, τὸν ἐπὶ Υἁκίνθῳ λεγόμενον Ἀπόλλωνοσ ἔρωτα ὑποσημαίνων. πεποίηται δὲ ἐπὶ τοῦ βωμοῦ καὶ Ἡρακλῆσ ὑπὸ Ἀθηνᾶσ καὶ θεῶν τῶν ἄλλων καὶ οὗτοσ ἀγόμενοσ ἐσ οὐρανόν.

εἰσὶ δὲ καὶ αἱ Θεστίου θυγατέρεσ ἐπὶ τῷ βωμῷ, καὶ Μοῦσαί τε καὶ Ὧραι. περὶ δὲ ἀνέμου Ζεφύρου, καὶ ὡσ ὑπὸ τοῦ Ἀπόλλωνοσ Υἅκινθοσ ἀπέθανεν ἄκοντοσ, καὶ τὰ ἐσ τὸ ἄνθοσ εἰρημένα τάχα μὲν ἂν ἔχοι καὶ ἄλλωσ, δοκείτω δὲ ᾗ λέγεται.

Ἀμύκλαι δὲ ἀνάστατοσ ὑπὸ Δωριέων γενομένη καὶ ἀπ’ ἐκείνου κώμη διαμένουσα θέασ παρείχετο ἄξιον ἱερὸν Ἀλεξάνδρασ καὶ ἄγαλμα·

τὴν δὲ Ἀλεξάνδραν οἱ Ἀμυκλαιεῖσ Κασσάνδραν τὴν Πριάμου φασὶν εἶναι. καὶ Κλυταιμνήστρασ ἐστὶν ἐνταῦθα εἰκὼν καὶ ἄγαλμα Ἀγαμέμνονοσ νομιζόμενον μνῆμα. θεῶν δὲ σέβουσιν οἱ ταύτῃ τόν τε Ἀμυκλαῖον καὶ Διόνυσον, ὀρθότατα ἐμοὶ δοκεῖν Ψίλακα ἐπονομάζοντεσ· ψίλα γὰρ καλοῦσιν οἱ Δωριεῖσ τὰ πτερά, ἀνθρώπουσ δὲ οἶνοσ ἐπαίρει τε καὶ ἀνακουφίζει γνώμην οὐδέν τι ἧσσον ἢ ὄρνιθασ πτερά. καὶ Ἀμύκλαι μὲν παρείχοντο τοσαῦτα ἐσ μνήμην, ἑτέρα δὲ ἐκ τῆσ πόλεωσ ὁδὸσ ἐσ Θεράπνην ἄγει·

κατὰ δὲ τὴν ὁδὸν Ἀθηνᾶσ ξόανόν ἐστιν Ἀλέασ.

πρὶν δὲ ἢ διαβῆναι τὸν Εὐρώταν, ὀλίγον ὑπὲρ τῆσ ὄχθησ ἱερὸν δείκνυται Διὸσ Πλουσίου. διαβᾶσι δὲ Κοτυλέωσ ἐστὶν Ἀσκληπιοῦ ναόσ, ὃν ἐποίησεν Ἡρακλῆσ· καὶ Ἀσκληπιὸν Κοτυλέα ὠνόμασεν ἀκεσθεὶσ τὸ τραῦμα τὸ ἐσ τὴν κοτύλην οἱ γενόμενον ἐν τῇ πρὸσ Ἱπποκόωντα καὶ τοὺσ παῖδασ προτέρᾳ μάχῃ. ὁπόσα δὲ πεποίηται κατὰ τὴν ὁδὸν ταύτην, ἐστὶν ἀρχαιότατον αὐτῶν Ἄρεωσ ἱερόν. τοῦτό ἐστιν ἐν ἀριστερᾷ τῆσ ὁδοῦ, <καὶ> τὸ ἄγαλμα καὶ τοὺσ Διοσκούρουσ φασὶ κομίσαι ἐκ Κόλχων· Θηρίταν δὲ ἐπονομάζουσιν ἀπὸ Θηροῦσ, ταύτην γὰρ τροφὸν εἶναι τοῦ Ἄρεωσ λέγουσι.

τάχα δ’ ἂν ἀκηκοότεσ παρὰ Κόλχων Θηρίταν λέγοιεν, ἐπεὶ Ἔλληνέσ γε οὐκ ἴσασιν Ἄρεωσ τροφὸν Θηρώ· δοκεῖν δέ μοι Θηρίτασ οὐ διὰ τὴν τροφὸν ἡ ἐπωνυμία τῷ Ἄρει γέγονεν, ὅτι δὲ ἀνδρὶ χρὴ πολεμίῳ καταστάντα ἐσ μάχην οὐδὲν ἔτι ἔχειν ἤπιον, καθὰ δὴ καὶ Ὁμήρῳ περὶ Ἀχιλλέωσ πεποίηται λέων δ’ ὣσ ἄγρια οἶδεν. Θεράπνη δὲ ὄνομα μὲν τῷ χωρίῳ γέγονεν ἀπὸ τῆσ Λέλεγοσ θυγατρόσ, Μενελάου δέ ἐστιν ἐν αὐτῇ ναόσ, καὶ Μενέλαον καὶ Ἑλένην ἐνταῦθα ταφῆναι λέγουσιν.

Ῥόδιοι δὲ οὐχ ὁμολογοῦντεσ Λακεδαιμονίοισ φασὶν Ἑλένην Μενελάου τελευτήσαντοσ, Ὀρέστου δὲ ἔτι πλανωμένου, τηνικαῦτα ὑπὸ Νικοστράτου καὶ Μεγαπένθουσ διωχθεῖσαν ἐσ Ῥόδον ἀφικέσθαι Πολυξοῖ τῇ Τληπολέμου γυναικὶ ἔχουσαν ἐπιτηδείωσ· εἶναι γὰρ καὶ Πολυξὼ τὸ γένοσ Ἀργείαν, Τληπολέμῳ δὲ ἔτι πρότερον συνοικοῦσαν φυγῆσ μετασχεῖν τῆσ ἐσ Ῥόδον καὶ τῆσ νήσου τηνικαῦτα ἄρχειν ὑπολειπομένην ἐπὶ ὀρφανῷ παιδί.

ταύτην τὴν Πολυξώ φασιν ἐπιθυμοῦσαν Ἑλένην τιμωρήσασθαι τελευτῆσ τῆσ Τληπολέμου τότε, ὡσ ἔλαβεν αὐτὴν ὑποχείριον, ἐπιπέμψαι οἱ λουμένῃ θεραπαίνασ Ἐρινύσιν <ἴσα> ἐσκευασμένασ· καὶ αὗται διαλαβοῦσαι δὴ τὴν Ἑλένην αἱ γυναῖκεσ ἀπάγχουσιν ἐπὶ δένδρου, καὶ ἐπὶ τούτῳ Ῥοδίοισ Ἑλένησ ἱερόν ἐστι Δενδρίτιδοσ. ὃν δὲ οἶδα λέγοντασ Κροτωνιάτασ περὶ Ἑλένησ λόγον, ὁμολογοῦντασ δέ σφισι καὶ Ἱμεραίουσ, ἐπιμνησθήσομαι καὶ τοῦδε.

ἔστιν ἐν τῷ Εὐξείνῳ νῆσοσ κατὰ τοῦ Ἴστρου τὰσ ἐκβολὰσ Ἀχιλλέωσ ἱερά·

ὄνομα μὲν τῇ νήσῳ Λευκή, περίπλουσ δὲ αὐτῇ σταδίων εἴκοσι, δασεῖα δὲ ὕλῃ πᾶσα καὶ πλήρησ ζῴων ἀγρίων καὶ ἡμέρων, καὶ ναὸσ Ἀχιλλέωσ καὶ ἄγαλμα ἐν αὐτῇ. ἐσ ταύτην πρῶτοσ ἐσπλεῦσαι λέγεται Κροτωνιάτησ Λεώνυμοσ.

πολέμου γὰρ Κροτωνιάταισ συνεστηκότοσ πρὸσ τοὺσ ἐν Ἰταλίᾳ Λοκρούσ, τῶν Λοκρῶν κατὰ οἰκειότητα πρὸσ Ὀπουντίουσ Αἰάντα τὸν Οἰλέωσ ἐσ τὰσ μάχασ ἐπικαλουμένων, ὁ Λεώνυμοσ Κροτωνιάταισ στρατηγῶν ἐπῄει τοῖσ ἐναντίοισ κατὰ τοῦτο ᾗ προτετάχθαι σφίσι τὸν Αἰάντα ἤκουε. τιτρώσκεται δὴ τὸ στέρνον καὶ ‐ ἔκαμνε γὰρ ὑπὸ τοῦ τραύματοσ ‐ ἀφίκετο ἐσ Δελφούσ. ἐλθόντα δὲ ἡ Πυθία Λεώνυμον ἀπέστελλεν ἐσ νῆσον τὴν Λευκήν, ἐνταῦθα εἰποῦσα αὐτῷ φανήσεσθαι τὸν Αἰάντα καὶ ἀκέσεσθαι τὸ τραῦμα. χρόνῳ δὲ ὡσ ὑγιάνασ ἐπανῆλθεν ἐκ τῆσ Λευκῆσ, ἰδεῖν μὲν ἔφασκεν Ἀχιλλέα, ἰδεῖν δὲ τὸν Οἰλέωσ καὶ τὸν Τελαμῶνοσ Αἰάντα, συνεῖναι δὲ καὶ Πάτροκλόν σφισι καὶ Ἀντίλοχον·

Ἑλένην δὲ Ἀχιλλεῖ μὲν συνοικεῖν, προστάξαι δέ οἱ πλεύσαντι ἐσ Ἱμέραν πρὸσ Στησίχορον ἀγγέλλειν ὡσ ἡ διαφθορὰ τῶν ὀφθαλμῶν ἐξ Ἑλένησ γένοιτο αὐτῷ μηνίματοσ. Στησίχοροσ μὲν ἐπὶ τούτῳ τὴν παλινῳδίαν ἐποίησεν·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Λακωνικά, chapter 19

(파우사니아스, Description of Greece, Λακωνικά, chapter 19)

상위

목록

SEARCH

MENU NAVIGATION