헬라어 문장 검색 - Παυσαν́Δεσξριπ́3́18́

(파우사니아스, Description of Greece, Λακωνικά, chapter 18)

τῶν δὲ ἀνδριάντων τοῦ Παυσανίου πλησίον ἐστὶν Ἀμβολογήρασ Ἀφροδίτησ ἄγαλμα ἱδρυμένον κατὰ μαντείαν, ἄλλα δὲ Ὕπνου καὶ Θανάτου· καὶ σφᾶσ ἀδελφοὺσ εἶναι κατὰ τὰ ἔπη τὰ ἐν Ἰλιάδι ἥγηνται. ἰόντι δὲ ὡσ ἐπὶ τὸ Ἀλπίον καλούμενον ναόσ ἐστιν Ἀθηνᾶσ Ὀφθαλμίτιδοσ·

ἀναθεῖναι δὲ Λυκοῦργον λέγουσιν ἐκκοπέντα τῶν ὀφθαλμῶν τὸν ἕτερον ὑπὸ Ἀλκάνδρου, διότι οὓσ ἔθηκε νόμουσ οὐκ ἀρεστοὺσ συνέβαινεν εἶναι τῷ Ἀλκάνδρῳ. διαφυγὼν δὲ ἐσ τοῦτο τὸ χωρίον Λακεδαιμονίων ἀμυνάντων μὴ προσαπολέσθαι οἱ καὶ τὸν λειπόμενον ὀφθαλμόν, οὕτω ναὸν Ὀφθαλμίτιδοσ Ἀθηνᾶσ ἐποίησε. προελθόντι δὲ ἐντεῦθεν ἱερόν ἐστιν Ἄμμωνοσ·

φαίνονται δὲ ἀπ’ ἀρχῆσ Λακεδαιμόνιοι μάλιστα Ἑλλήνων χρώμενοι τῷ ἐν Λιβύῃ μαντείῳ. λέγεται δὲ καὶ Λυσάνδρῳ πολιορκοῦντι Ἄφυτιν τὴν ἐν τῇ Παλλήνῃ νύκτωρ ἐπιφανέντα Ἄμμωνα προαγορεύειν ὡσ ἄμεινον ἐκείνῳ τε ἔσοιτο καὶ τῇ Λακεδαίμονι πολέμου πρὸσ Ἀφυταίουσ παυσαμένοισ· καὶ οὕτω τὴν πολιορκίαν διέλυσεν ὁ Λύσανδροσ καὶ Λακεδαιμονίουσ τὸν θεὸν σέβειν προήγαγεν ἐσ πλέον, Ἀφυταῖοι δὲ τιμῶσιν Ἄμμωνα οὐδὲν ἧσσον ἢ οἱ Ἀμμώνιοι Λιβύων.

τὰ δὲ ἐσ τὴν Κναγίαν Ἄρτεμίν ἐστιν οὕτω λεγόμενα·

Κναγέα ἄνδρα ἐπιχώριον στρατεῦσαί φασιν ἐσ Ἄφιδναν ὁμοῦ τοῖσ Διοσκούροισ, ληφθέντα δὲ αἰχμάλωτον ἐν τῇ μάχῃ καὶ πραθέντα ἐσ Κρήτην δουλεύειν ἔνθα ἦν Ἀρτέμιδοσ τοῖσ Κρησὶν ἱερόν, ἀνὰ χρόνον δὲ αὐτόν τε ἀποδρᾶναι καὶ παρθένον τὴν ἱερωμένην ἔχοντα οἴχεσθαι τὸ ἄγαλμα ἀγομένην. ἐπὶ τούτῳ δὲ λέγουσιν ὀνομάζειν Κναγίαν Ἄρτεμιν· ἐμοὶ δὲ οὗτοσ ὁ Κναγεὺσ ἄλλωσ ἀφικέσθαι πωσ ἐσ Κρήτην φαίνεται καὶ οὐχ ὡσ οἱ Λακεδαιμόνιοί φασιν, ἐπεὶ μηδὲ γενέσθαι δοκῶ πρὸσ Ἀφίδνῃ μάχην Θησέωσ τε ἐν Θεσπρώτοισ ἐχομένου καὶ Ἀθηναίων οὐχ ὁμονοούντων ἀλλὰ ἐσ Μενεσθέα ῥεπόντων μᾶλλον ταῖσ εὐνοίαισ.

οὐ μὴν οὐδὲ ἀγῶνοσ συμβάντοσ πείθοιτο ἄν τισ αἰχμαλώτουσ ληφθῆναι παρὰ τῶν κρατησάντων, ἄλλωσ τε καὶ παρὰ πολὺ γενομένησ τῆσ νίκησ, ὥστε ἁλῶναι καὶ αὐτὴν Ἄφιδναν. τάδε μὲν ἐσ τοσοῦτον ἐξητάσθω·

ἐσ Ἀμύκλασ δὲ κατιοῦσιν ἐκ Σπάρτησ ποταμόσ ἐστι Τίασα· θυγατέρα δὲ νομίζουσιν εἶναι τοῦ Εὐρώτα τὴν Τίασαν, καὶ πρὸσ αὐτῇ Χαρίτων ἐστὶν ἱερὸν Φαέννασ καὶ Κλητᾶσ, καθὰ δὴ καὶ Ἀλκμὰν ἐποίησεν. ἥγηνται.

τὰ δὲ ἐν Ἀμύκλαισ θέασ ἄξια ἀνὴρ γὰρ πένταθλόσ ἐστιν ἐπὶ στήλησ ὄνομα Αἴνητοσ·

τούτῳ νικήσαντι Ὀλυμπίασι καὶ ἔτι στεφανουμένῳ γενέσθαι τοῦ βίου τὴν τελευτὴν λέγουσι. τούτου τε οὖν ἐστιν εἰκὼν καὶ τρίποδεσ χαλκοῖ· τοὺσ δὲ ἀρχαιοτέρουσ δεκάτην τοῦ πρὸσ Μεσσηνίουσ πολέμου φασὶν εἶναι. ὑπὸ μὲν δὴ τῷ πρώτῳ τρίποδι Ἀφροδίτησ ἄγαλμα ἑστήκει, Ἄρτεμισ δὲ ὑπὸ τῷ δευτέρῳ, Γιτιάδα καὶ αὐτοὶ τέχνη καὶ τὰ ἐπειργασμένα, ὁ τρίτοσ δέ ἐστιν Αἰγινήτου Κάλλωνοσ·

ὑπὸ τούτῳ δὲ ἄγαλμα Κόρησ τῆσ Δήμητροσ ἕστηκεν. Ἀρίστανδροσ δὲ Πάριοσ καὶ Πολύκλειτοσ Ἀργεῖοσ ὁ μὲν γυναῖκα ἐποίησεν ἔχουσαν λύραν, Σπάρτην δῆθεν, Πολύκλειτοσ δὲ Ἀφροδίτην παρὰ Ἀμυκλαίῳ καλουμένην. οὗτοι δὲ οἱ τρίποδεσ μεγέθει τε ὑπὲρ τοὺσ ἄλλουσ εἰσὶ καὶ ἀπὸ τῆσ νίκησ τῆσ ἐν Αἰγὸσ ποταμοῖσ ἀνετέθησαν. Βαθυκλέουσ δὲ Μάγνητοσ, ὃσ τὸν θρόνον ἐποίησε τοῦ Ἀμυκλαίου, ἀναθήματα ἐπ’ ἐξειργασμένῳ τῷ θρόνῳ Χάριτεσ καὶ ἄγαλμα δὲ Λευκοφρυήνησ ἐστὶν Ἀρτέμιδοσ.

ὅτου δὲ οὗτοσ ὁ Βαθυκλῆσ μαθητὴσ ἐγεγόνει καὶ τὸν θρόνον ἐφ’ ὅτου βασιλεύοντοσ Λακεδαιμονίων ἐποίησε, τάδε μὲν παρίημι, τὸν θρόνον δὲ εἶδόν τε καὶ τὰ ἐσ αὐτὸν ὁποῖα ἦν γράψω. ἀνέχουσιν ἔμπροσθεν αὐτόν, κατὰ ταὐτὰ δὲ καὶ ὀπίσω, Χάριτέσ τε δύο καὶ Ὧραι δύο·

ἐν ἀριστερᾷ δὲ Ἔχιδνα ἕστηκε καὶ Τυφώσ, ἐν δεξιᾷ δὲ Τρίτωνεσ. τὰ δὲ ἐπειργασμένα καθ’ ἕκαστον ἐπ’ ἀκριβὲσ διελθεῖν ὄχλον τοῖσ ἐπιλεξομένοισ παρέξειν ἔμελλεν· ὡσ δὲ δηλῶσαι συλλαβόντι, ἐπεὶ μηδὲ ἄγνωστα τὰ πολλὰ ἦν, Ταϋγέτην θυγατέρα Ἄτλαντοσ καὶ ἀδελφὴν αὐτῆσ Ἀλκυόνην φέρουσι Ποσειδῶν καὶ Ζεύσ.

ἐπείργασται δὲ καὶ Ἄτλασ καὶ Ἡρακλέουσ μονομαχία πρὸσ Κύκνον καὶ ἡ παρὰ Φόλῳ τῶν Κενταύρων μάχη. τὸν δὲ Μίνω καλούμενον Ταῦρον οὐκ οἶδα ἀνθ’ ὅτου πεποίηκε Βαθυκλῆσ δεδεμένον τε καὶ ἀγόμενον ὑπὸ Θησέωσ ζῶντα·

καὶ Φαιάκων χορόσ ἐστιν ἐπὶ τῷ θρόνῳ καὶ ᾄδων ὁ Δημόδοκοσ· Περσέωσ τε τὸ ἔργον πεποίηται τὸ ἐσ Μέδουσαν. παρέντι δὲ Ἡρακλέουσ μάχην πρὸσ Θούριον τῶν γιγάντων καὶ Τυνδάρεω πρὸσ Εὔρυτον, ἔστιν ἁρπαγὴ τῶν Λευκίππου θυγατέρων· Διόνυσον δὲ καὶ Ἡρακλέα, τὸν μὲν παῖδα ἔτι ὄντα ἐσ οὐρανόν ἐστιν Ἑρμῆσ φέρων, Ἀθηνᾶ δὲ ἄγουσα Ἡρακλέα συνοικήσοντα ἀπὸ τούτου θεοῖσ. παραδίδωσι δὲ καὶ Πηλεὺσ Ἀχιλλέα τραφησόμενον παρὰ Χίρωνι, ὃσ καὶ διδάξαι λέγεται·

Κέφαλοσ δὲ τοῦ κάλλουσ ἕνεκα ὑπὸ Ἡμέρασ ἐστὶν ἡρπασμένοσ, καὶ ἐσ τὸν γάμον τὸν Ἁρμονίασ δῶρα κομίζουσιν οἱ θεοί. καὶ Ἀχιλλέωσ μονομαχία πρὸσ Μέμνονα ἐπείργασται, Διομήδην τε Ἡρακλῆσ τὸν Θρᾷκα καὶ ἐπ’ Εὐήνῳ τῷ ποταμῷ Νέσσον τιμωρούμενοσ. Ἑρμῆσ δὲ παρ’ Ἀλέξανδρον κριθησομένασ ἄγει τὰσ θεάσ, Ἄδραστοσ δὲ καὶ Τυδεὺσ Ἀμφιάραον καὶ Λυκοῦργον τὸν Πρώνακτοσ μάχησ καταπαύουσιν. Ἥρα δὲ ἀφορᾷ πρὸσ Ιὢ τὴν Ἰνάχου βοῦν οὖσαν ἤδη, καὶ Ἀθηνᾶ διώκοντα ἀποφεύγουσά ἐστιν Ἥφαιστον.

ἐπὶ δὲ τούτοισ Ἡρακλέουσ πεποίηται τάξισ τῶν ἔργων τῶν <τὸ> ἐσ τὴν ὕδραν καὶ ὡσ ἀνήγαγε τοῦ Αἵδου τὸν κύνα. Ἀναξίασ δὲ καὶ Μνασίνουσ, τούτων μὲν ἐφ’ ἵππου καθήμενόσ ἐστιν ἑκάτεροσ, Μεγαπένθην δὲ τὸν Μενελάου καὶ Νικόστρατον ἵπποσ εἷσ φέρων ἐστίν.

ἀναιρεῖ δὲ καὶ Βελλεροφόντησ τὸ ἐν Λυκίᾳ θηρίον, καὶ Ἡρακλῆσ τὰσ Γηρυόνου βοῦσ ἐλαύνει. τοῦ θρόνου δὲ πρὸσ τοῖσ ἄνω πέρασιν ἐφ’ ἵππων ἑκατέρωθέν εἰσιν οἱ Τυνδάρεω παῖδεσ·

καὶ σφίγγεσ τέ εἰσιν ὑπὸ τοῖσ ἵπποισ καὶ θηρία ἄνω θέοντα, τῇ μὲν πάρδαλισ, κατὰ δὲ τὸν Πολυδεύκην λέαινα. ἀνωτάτω δὲ χορὸσ ἐπὶ τῷ θρόνῳ πεποίηται, Μάγνητεσ οἱ συνειργασμένοι Βαθυκλεῖ τὸν θρόνον. ὑπελθόντι δὲ ὑπὸ τὸν θρόνον τὰ ἔνδον ἀπὸ τῶν Τριτώνων ὑόσ ἐστι θήρα τοῦ Καλυδωνίου καὶ Ἡρακλῆσ ἀποκτείνων τοὺσ παῖδασ τοὺσ Ἄκτοροσ, Κάλαϊσ δὲ καὶ Ζήτησ τὰσ Ἁρπυίασ Φινέωσ ἀπελαύνουσιν·

Πειρίθουσ τε καὶ Θησεὺσ ἡρπακότεσ εἰσὶν Ἑλένην καὶ ἄγχων Ἡρακλῆσ τὸν λέοντα, Τιτυὸν δὲ Ἀπόλλων τοξεύει καὶ Ἄρτεμισ· Ἡρακλέουσ τε πρὸσ Ὄρειον Κένταυρον μάχη πεποίηται καὶ Θησέωσ πρὸσ Ταῦρον τὸν Μίνω.

πεποίηται δὲ καὶ ἡ πρὸσ Ἀχελῷον Ἡρακλέουσ πάλη καὶ τὰ λεγόμενα ἐσ Ἥραν, ὡσ ὑπὸ Ἡφαίστου δεθείη, καὶ ὃν Ἄκαστοσ ἔθηκεν ἀγῶνα ἐπὶ πατρὶ καὶ τὰ ἐσ Μενέλαον καὶ τὸν Αἰγύπτιον Πρωτέα ἐν Ὀδυσσείᾳ. τελευταῖα Ἄδμητόσ τε ζευγνύων ἐστὶν ὑπὸ τὸ ἁρ́μα κάπρον καὶ λέοντα καὶ οἱ Τρῶεσ ἐπιφέροντεσ χοὰσ Ἕκτορι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Λακωνικά, chapter 18

(파우사니아스, Description of Greece, Λακωνικά, chapter 18)

상위

목록

SEARCH

MENU NAVIGATION