헬라어 문장 검색 - Λυξιαν́Διαλογι

(루키아노스, Dialogi deorum, Ἀπόλλων, Διόνυσοσ.)

Τί ἂν λέγοιμεν; ὁμομητρίουσ, ὦ Διόνυσε, ἀδελφοὺσ εἶναι Ἔρωτα καὶ Ἑρμαφρόδιτον καὶ Πρίαπον ἀνομοιοτάτουσ ὄντασ τὰσ μορφὰσ καὶ τὰ ἐπιτηδεύματα; ὁ μὲν γὰρ πάγκαλοσ καὶ τοξότησ καὶ δύναμιν οὐ μικρὰν περιβεβλημένοσ ἁπάντων ἄρχων, ὁ δὲ θῆλυσ καὶ ἡμίανδροσ καὶ ἀμφίβολοσ τὴν ὄψιν· οὐκ ἂν διακρίναισ εἴτ̓ ἔφηβόσ ἐστιν εἴτε καὶ παρθένοσ· ὁ δὲ καὶ πέρα τοῦ εὐπρεποῦσ ἀνδρικὸσ ὁ Πρίαποσ. Μηδὲν θαυμάσῃσ, ὦ Ἄπολλον· οὐ γὰρ Ἀφροδίτη αἰτία τούτου, ἀλλὰ οἱ πατέρεσ διάφοροι γεγενημένοι, ὅπου γε καὶ ὁμοπάτριοι πολλάκισ ἐκ μιᾶσ γαστρόσ, ὁ μὲν ἄρσην, ἡ δὲ θήλεια, ὥσπερ ὑμεῖσ, γίνονται. Ναί·

ἀλλ̓ ἡμεῖσ ὅμοιοί ἐσμεν καὶ ταὐτὰ ἐπιτηδεύομεν· τοξόται γὰρ ἄμφω. Μέχρι μὲν τόξου τὰ αὐτά, ὦ Ἄπολλον, ἐκεῖνα δὲ οὐχ ὅμοια, ὅτι ἡ μὲν Ἄρτεμισ ξενοκτονεῖ ἐν Σκύθαισ, σὺ δὲ μαντεύῃ καὶ ἰᾷ τοὺσ κάμνοντασ. Οἰεί γὰρ τὴν ἀδελφὴν χαίρειν τοῖσ Σκύθαισ. ἥ γε καὶ παρεσκεύασται, ἤν τισ Ἕλλην ἀφίκηταί ποτε έσ τὴν Ταυρικήν, συνεκπλεῦσαι μετ̓ αὐτοῦ μυσαττομένη τὰσ σφαγάσ; Εὖ γε ἐκείνη ποιοῦσα.

ὁ μέντοι Πρίαποσ, γελοῖον γάρ τί σοι διηγήσομαι, πρῴην ἐν Λαμψάκῳ γενόμενοσ, ἐγὼ μὲν παρῄειν τὴν πόλιν, ὁ δὲ ὑποδεξάμενόσ με καὶ ξενίσασ παῤ αὑτῷ, ἐπειδὴ ἀνεπαυσάμεθα ἐν τῷ συμποσίῳ ἱκανῶσ ὑποβεβρεγμένοι, κατ̓ αὐτάσ που μέσασ νύκτασ ἐπαναστὰσ ὁ γενναῖοσ ‐ αἰδοῦμαι δὲ λέγειν Ἐπείρα σε, Διόνυσε; Τοιοῦτόν ἐστι. Σὺ δὲ τί πρὸσ ταῦτα; Τί γὰρ ἄλλο ἢ ἐγέλασα; Εὖ γε, τὸ μὴ χαλεπῶσ μηδὲ ἀγρίωσ· συγγνωστὸσ γάρ, εἰ καλόν σε οὕτωσ ὄντα ἐπείρα. Τούτου μὲν ἕνεκα καὶ ἐπὶ σὲ ἄν, ὦ Ἄπολλον, ἀγάγοι τὴν πεῖραν· καλὸσ γὰρ σὺ καὶ κομήτησ, ὡσ καὶ νήφοντα ἄν σοι τὸν Πρίαπον ἐπιχειρῆσαι.

Ἀλλ̓ οὐκ ἐπιχειρήσει γε, ὦ Διόνυσε· ἔχω γὰρ μετὰ τῆσ κόμησ καὶ τόξα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Lucian, Dialogi deorum, Ἀπόλλων, Διόνυσοσ.

(루키아노스, Dialogi deorum, Ἀπόλλων, Διόνυσοσ.)

상위

목록

SEARCH

MENU NAVIGATION