헬라어 문장 검색 - Λυξιαν́Διαλογι

(루키아노스, Dialogi deorum, Ἥφαιστοσ, Ζευσ.)

Τί με, ὦ Ζεῦ, χρὴ ποιεῖν; ἥκω γάρ, ὡσ ἐκέλευσασ, ἔχων τὸν πέλεκυν ὀξύτατον, εἰ καὶ λίθον δέοι μιᾷ πληγῇ διακόψαι. Εὖ γε, ὦ Ἥφαιστε· ἀλλὰ δίελέ μου τὴν κεφαλὴν ἐσ δύο κατενεγκών. Πειρᾷ μου, εἰ μέμηνα; πρόσταττε δ̓ οὖν τι ἄλλο ὅπερ ἐθέλεισ σοι γενέσθαι. Τοῦτο αὐτό, διαιρεθῆναί μοι το κρανίον· εἰ δὲ ἀπειθήσεισ, οὐ νῦν πρῶτον ὀργιζομένου πειράσῃ. ἀλλὰ χρὴ καθικνεῖσθαι παντὶ τῷ θυμῷ, μηδὲ μέλλειν· ἀπόλλυμαι γὰρ ὑπὸ ὠδίνων, αἵ μοι τὸν ἐγκέφαλον ἀναστρέφουσιν. Ὅρα, ὦ Ζεῦ, μὴ κακόν τι ποιήσωμεν· ὀξὺσ γὰρ ὁ πέλεκύσ ἐστι καὶ οὐκ ἀναιμωτὶ οὐδὲ κατὰ τὴν Εἰλήθυιαν μαιώσεταί σε. Κατένεγκε μόνον, ὦ Ἥφαιστε, θαρρῶν· οἶδα ἐγὼ τὸ συμφέρον. Ἄκων μέν, κατοίσω δέ· τί γὰρ χρὴ ποιεῖν σοῦ κελεύοντοσ; τί τοῦτο; κόρη ἔνοπλοσ; μέγα, ὦ Ζεῦ, κακὸν εἶχεσ ἐν τῇ κεφαλῇ· εἰκότωσ γοῦν ὀξύθυμοσ ἦσθα τηλικαύτην ὑπὸ τῇ μήνιγγι παρθένον ζῳογονῶν καὶ ταῦτα ἔνοπλον· ἦ που στρατόπεδον, οὐ κεφαλὴν ἐλελήθεισ ἔχων. ἡ δὲ πηδᾷ καὶ πυρριχίζει καὶ τὴν ἀσπίδα τινάσσει καὶ τὸ δόρυ πάλλει καὶ ἐνθουσιᾷ, καὶ τὸ μέγιστον, καλὴ πάνυ καὶ ἀκμαία γεγένηται ἤδη ἐν βραχεῖ· γλαυκῶπισ μέν, ἀλλὰ κοσμεῖ καὶ τοῦτο ἡ κόρυσ.

ὥστε, ὦ Ζεῦ, μαίωτρά μοι ἀπόδοσ ἐγγυήσασ ἤδη αὐτήν. Ἀδύνατα αἰτεῖσ, ὦ Ἥφαιστε· παρθένοσ γὰρ ἀεὶ ἐθελήσει μένειν. ἐγὼ δ̓ οὖν τό γε ἐπ̓ ἐμοὶ οὐδὲν ἀντιλέγω. Τοῦτ̓ ἐβουλόμην· ἐμοὶ μελήσει τὰ λοιπά, καὶ ἤδη συναρπάσω αὐτήν. Εἴ σοι ῥᾴδιον, οὕτω ποίει· πλὴν οἶδα ὅτι ἀδυνάτων ἐρᾷσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Lucian, Dialogi deorum, Ἥφαιστοσ, Ζευσ.

(루키아노스, Dialogi deorum, Ἥφαιστοσ, Ζευσ.)

상위

목록

SEARCH

MENU NAVIGATION