헬라어 문장 검색 - Ηιπποξ́Οευϝρεσ́12́02́0́

(히포크라테스, Oeuvres Completes D'Hippocrate., ΠΕΡΙ ΤΩΝ ΕΝ ΚΕΦΑΛΗ ΤΡΩΜΑΤΩΝ., 2.)

Παχύτητι δὲ καὶ λεπτότητι, ξυμπάσησ τῆσ κεφαλῆσ τὸ ὀστέον λεπτότατόν ἐστιν καὶ ἀσθενέστατον τὸ κατὰ βρέγμα, καὶ σάρκα ὀλιγίστην καὶ λεπτοτάτην ἔχει ἐφ’ ἑωυτέῳ ταύτῃ τῆσ κεφαλῆσ τὸ ὀστέον, καὶ ὁ ἐγκέφαλοσ κατὰ τοῦτο τῆσ κεφαλῆσ πλεῖστοσ ὕπεστιν. Καὶ δὴ, ὅτι οὕτω ταῦτα ἔχει, τῶν τε τρωσίων καὶ τῶν βελέων ἴσων τε ἐόντων κατὰ μεγέθοσ, καὶ ἐλασσόνων, καὶ ὁμοίωσ τε τρωθεὶσ καὶ ἧσσον, τὸ ὀστέον ταύτῃ τῆσ κεφαλῆσ φλᾶταί τε μᾶλλον καὶ Ῥήγνυται, καὶ ἔσω ἐσφλᾶται, καὶ θανασιμώτερά ἐστι καὶ χαλεπώτερα ἰητρεύεσθαί τε καὶ ἐκφυγγάνειν τὸν θάνατον ταύτῃ ἤπου ἄλλοθι τῆσ κεφαλῆσ‧ ἐξίσων τε ἐόντων τῶν τρωμάτων καὶ ἡσσόνων, καὶ ὁμοίωσ τε τρωθεὶσ καὶ ἧσσον, ἀποθνήσκει ὁ ἄνθρωποσ, ὅταν καὶ ἄλλωσ μέλλῃ ἀποθανεῖσθαι ἐκ τοῦ τρώματοσ, ἐν ἐλάσσονι χρόνῳ ὁ ταύτῃ ἔχων τὸ τρῶμα τῆσ κεφαλῆσ, ἤπου ἄλλοθι. Ὁ γὰρ ἐγκέφαλοσ τάχιστά τε καὶ μάλιστα κατὰ τὸ βρέγμα αἰσθάνεται τῶν κακῶν τῶν γιγνομένων ἔν τε τῇ σαρκὶ καὶ τῷ ὀστέῳ‧ ὑπὸ λεπτοτάτῳ γὰρ ὀστέῳ ἐστὶ ταύτῃ ὁ ἐγκέφαλοσ καὶ ὀλιγίστῃ σαρκὶ, καὶ ὁ πλεῖστοσ ἐγκέφαλοσ ὑπὸ τῷ βρέγματι κεῖται. Τῶν δὲ ἄλλων τὸ κατὰ τοὺσ κροτάφουσ ἀσθενέστατόν ἐστιν‧ ξυμβολή τε γὰρ τῆσ κάτω γνάθου πρὸσ τὸ κρανίον, καὶ κίνησισ ἔνεστιν ἐν τῷ κροτάφῳ ἄνω καὶ κάτω ὥσπερ ἄρθρου‧ καὶ ἡ ἀκοὴ πλησίον γίγνεται αὐτέου, καὶ φλὲψ διὰ τοῦ κροτάφου τέταται κοίλη τε καὶ ἰσχυρή. Ἰσχυρότερον δ’ ἐστὶ τῆσ κεφαλῆσ τὸ ὀστέον ἅπαν τὸ ὄπισθεν τῆσ κορυφῆσ καὶ τῶν οὐάτων, ἢ ἅπαν τὸ πρόσθεν, καὶ σάρκα πλέονα καὶ βαθυτέρην ἐφ’ ἑωυτέῳ ἔχει τοῦτο τὸ ὀστέον. Καὶ δὴ, τουτέων οὕτωσ ἐχόντων ὑπὸ τῶν τε τρωσίων καὶ τῶν βελέων ἴσων ἐόντων καὶ ὁμοίων, καὶ μεζόνων, καὶ ὁμοίωσ τιτρωσκόμενοσ καὶ μᾶλλον, ταύτῃ τῆσ κεφαλῆσ τὸ ὀστέον ἧσσον Ῥήγνυται καὶ φλᾶται ἔσω‧ κἢν μέλλῃ ὥνθρωποσ ἀποθνήσκειν καὶ ἄλλωσ ἐκ τοῦ τρώματοσ, ἐν τῷ ὄπισθεν τῆσ κεφαλῆσ ἔχων τὸ τρῶμα, ἐν πλέονι χρόνῳ ἀποθανεῖται‧ ἐν πλέονι γὰρ χρόνῳ τὸ ὀστέον ἐμπυί̈σκεταί τε καὶ διαπυί̈σκεται κάτω ἐπὶ τὸν ἐγκέφαλον διὰ τὴν παχύτητα τοῦ ὀστέου, καὶ ἐλάσσων ταύτῃ τῆσ κεφαλῆσ ὁ ἐγκέφαλοσ ὕπεστι, καὶ πλέονεσ ἐκφυγγάνουσι τὸν θάνατον τῶν ὄπισθεν τιτρωσκομένων τῆσ κεφαλῆσ ὡσ ἐπιτοπολὺ, ἢ τῶν ἔμπροσθεν. Καὶ ἐν χειμῶνι πλέονα χρόνον ζῇ ὥνθρωποσ ἢ ἐν θέρει, ὅστισ καὶ ἄλλωσ μέλλει ἀποθανεῖσθαι ἐκ τοῦ τρώματοσ, ὁκουοῦν τῆσ κεφαλῆσ ἔχων τὸ τρῶμα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΤΩΝ ΕΝ ΚΕΦΑΛΗ ΤΡΩΜΑΤΩΝ., 2.

(히포크라테스, Oeuvres Completes D'Hippocrate., ΠΕΡΙ ΤΩΝ ΕΝ ΚΕΦΑΛΗ ΤΡΩΜΑΤΩΝ., 2.)

상위

목록

SEARCH

MENU NAVIGATION