호흡부호 보기
강세부호 보기
장단부호 보기
작은 Iota 보기
모든 부호 보기
τὴν τοίνυν περιφανῶσ ἐγνωσμένην ξένην εἶναι καὶ ἐφ’ ᾗ μοιχὸν οὗτοσ ἐτόλμησε λαβεῖν, εἰσ τοσοῦτον ὕβρεωσ καὶ ἀναιδείασ ἦλθεν Στέφανοσ οὑτοσὶ καὶ Νέαιρα αὑτηί, ὥστε ἐτόλμησαν μὴ ἀγαπᾶν εἰ ἔφασκον αὐτὴν ἀστὴν εἶναι, ἀλλὰ κατιδόντεσ Θεογένην Κοιρωνίδην λαχόντα βασιλέα, ἄνθρωπον εὐγενῆ μέν, πένητα δὲ καὶ ἄπειρον πραγμάτων, συμπαραγενόμενοσ αὐτῷ δοκιμαζομένῳ καὶ συνευπορήσασ ἀναλωμάτων, ὅτε εἰσῄει εἰσ τὴν ἀρχήν, Στέφανοσ οὑτοσί, καὶ ὑπελθὼν καὶ τὴν ἀρχὴν παρ’ αὐτοῦ πριάμενοσ, πάρεδροσ γενόμενοσ, δίδωσι τὴν ἄνθρωπον ταύτην γυναῖκα, τὴν τῆσ Νεαίρασ θυγατέρα, καὶ ἐγγυᾷ Στέφανοσ οὑτοσὶ ὡσ αὑτοῦ θυγατέρα οὖσαν· οὕτω πολὺ τῶν νόμων καὶ ὑμῶν κατεφρόνησεν.
호흡부호 보기
강세부호 보기
장단부호 보기
작은 Iota 보기
모든 부호 보기