헬라어 문장 검색 - Αρριαν́Ινδιξά37́

(아리아노스, Indica, chapter 37)

ὡσ δὲ αὐτῷ τὰ θεῖα ἐν κόσμῳ ἐπεποίητο, οὕτω δὴ ἀνήγοντο. παραπλώσαντεσ δὲ νῆσον ἐρήμην τε καὶ τρηχέαν ἐν ἄλλῃ νήσῳ ὁρμίζονται, μεγάλῃ ταύτῃ καὶ οἰκεομένῃ, πλώσαντεσ σταδίουσ τριηκοσίουσ ἔνθενπερ ὡρμήθησαν. καὶ ἡ μὲν ἐρήμη νῆσοσ Ὄργανα ἐκαλέετο, ἐσ ἣν δὲ ὡρμίσθησαν Οἄρακτα.

ἄμπελοί τε ἐν αὐτῇ ἐπεφύκεσαν καὶ φοίνικεσ, καὶ σιτοφόροσ ἦν· τὸ δὲ μῆκοσ τῆσ νήσου στάδιοι ὀκτακόσιοι. καὶ ὁ ὕπαρχοσ τῆσ νήσου Μαζήνησ συνέπλωεν αὐτοῖσι μέχρι Σούσων, ἐθελοντὴσ ἡγεμὼν τοῦ πλόου. ἐν ταύτῃ τῇ νήσῳ ἔλεγον καὶ τοῦ πρώτου δυναστεύσαντοσ τῆσ χώρησ ταύτησ δείκνυσθαι τὸν τάφον·

οὔνομα δὲ αὐτῷ Ἐρύθρην εἶναι. ἀπ̓ ὅτου καὶ τὴν ἐπωνυμίην τῇ θαλάσσῃ ταύτῃ εἶναι. ἐνθένδε ἄραντεσ ἔπλωον·

καὶ τῆσ νήσου παραπλώσαντεσ ὅσον διηκοσίουσ σταδίουσ ὁρμίζονται ἐν αὐτῇ αὖθισ, καὶ κατορέουσιν ἄλλην νῆσον, ἀπέχουσαν τῆσ μεγάλησ ταύτησ τεσσαράκοντα μάλιστα σταδίουσ. Ποσειδῶνοσ ἱρὴ ἐλέγετο εἶναι καὶ ἄβατοσ. ὑπὸ δὲ τὴν ἑώ ἀνήγοντο, καὶ καταλαμβάνει αὐτοὺσ ἀνάπωτισ οὕτω τι καρτερή, ὥστε τρεῖσ τῶν νεῶν ἐποκείλασαι ἐν τῷ ξηρῷ ἐσχέθησαν, αἱ δὲ ἄλλαι χαλεπῶσ διεκπλώουσαι τὰσ ῥηχίασ ἐσ τὰ βάθεα ἀπεσώθησαν.

αἱ δὲ ἐποκείλασαι τῆσ πλημμυρίδοσ ἐπιγενομένησ αὖθισ ἐξέπλωσάν τε καὶ δευτεραῖαι κατήγοντο ἵναπερ ὁ πᾶσ στόλοσ.

ὁρμίζονται δὲ ἐσ νῆσον ἄλλην, διέχουσαν τῆσ ἠπείρου ὅσον τριηκοσίουσ σταδίουσ, πλώσαντεσ τετρακοσίουσ.

ἐνθεῦτεν ὑπὸ τὴν ἑώ ἔπλωον, νῆσον ἐρήμην ἐν ἀριστερῇ παραμείβοντεσ·

οὔνομα δὲ τῇ νήσῳ Πύλωρα. καὶ ὁρμίζονται πρὸσ Σισιδώνῃ, πολιχνίῳ σμικρῷ καὶ πάντων ἀπόρῳ, ὅτι μὴ ὕδατοσ καὶ ἰχθύων· ἰχθυοφάγοι γὰρ καὶ οὗτοι ὑπ̓ ἀναγκαίησ ἦσαν, ὅτι πονηρὴν γῆν νέμονται. ἐνθένδε ὑδρευσάμενοι καταίρουσιν ἐσ Ταρσίην ἄκρην ἀνατείνουσαν ἐσ τὸ πέλαγοσ, πλώσαντεσ σταδίουσ τριηκοσίουσ.

ἐνθένδε ἐσ Καταίην, νῆσον ἐρήμησ, ἁλιτενέα· αὕτη ἱρὴ Ἑρμέω καὶ Ἀφροδίτησ ἐλέγετο·

στάδιοι τοῦ πλόου τριηκόσιοι. ἐσ ταύτην ὅσα ἔτη ἀπίεται ἐκ τῶν περιοίκων πρόβατα καὶ αἶγεσ ἱρὰ τῷ Ἑρμέῃ καὶ τῇ Ἀφροδίτῃ, καὶ ταῦτα ἀπηγριωμένα ἦν ὁρᾶν ὑπό χρόνου τε καὶ ἐρημίησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Indica, chapter 37

(아리아노스, Indica, chapter 37)

상위

목록

SEARCH

MENU NAVIGATION