헬라어 문장 검색 - Αρριαν́Αναβασί7́12́

(아리아노스, Anabasis, book 7, chapter 12)

Ἔνθα δὴ ἐθελονταὶ ἤδη αὐτῷ ἀπῄεσαν τῶν Μακεδόνων ὅσοι διὰ γῆρασ ἤ τινα ἄλλην ξυμφορὰν ἀπόλεμοι ἦσαν· καὶ οὗτοι αὐτῷ ἐγένοντο ἐσ τοὺσ μυρίουσ. τούτοισ δὲ τήν τε μισθοφορὰν οὐ τοῦ ἐξήκοντοσ ἤδη χρόνου ἔδωκεν Ἀλέξανδροσ μόνον, ἀλλὰ καὶ τοῦ ἐσ τὴν ἀπονόστησιν τὴν οἴκαδε ξυμβαίνοντοσ. ἐπέδωκεν δὲ καὶ τάλαντον ἑκάστῳ ὑπὲρ τὴν μισθοφοράν·

παῖδεσ δὲ εἴ τῳ ἦσαν ἐκ τῶν Ἀσιανῶν γυναικῶν, παρὰ οἷ καταλιπεῖν ἐκέλευσε μηδὲ στάσιν κατάγειν ἐσ Μακεδονίαν ἀλλοφύλουσ τε καὶ ἐκ τῶν βαρβάρων γυναικῶν παῖδασ τοῖσ οἴκοι ὑπολελειμμένοισ παισί τε καὶ μητράσιν αὐτῶν· αὐτὸσ δὲ ἐπιμελήσεσθαι ὡσ ἐκτρέφοιντο Μακεδονικῶσ τά τε ἄλλα καὶ ἐσ τὰ πολέμια κοσμούμενοι, γενομένουσ δὲ ἄνδρασ ἄξειν αὐτὸσ ἐσ Μακεδονίαν καὶ παραδώσειν τοῖσ πατράσιν. ταῦτά τε ἀπαλλαττομένοισ ἀστάθμητα καὶ ἀτέκμαρτα ἐπηγγέλλετο, καὶ ὅπωσ ἔχει φιλίασ τε καὶ πόθου ἐσ αὐτοὺσ τὸ ἀτρεκέστατον τεκμήριον ἐκεῖνο ποιεῖσθαι ἠξίου, ὅτι τὸν πιστότατόν τε αὐτῷ καὶ ὅντινα ἴσον τῇ ἑαυτοῦ κεφαλῇ ἄγει, Κρατερόν, ξυμπέμπει αὐτοῖσ φύλακά τε καὶ ἡγεμόνα τοῦ στόλου.

οὕτω δὴ ἀσπασάμενοσ ξύμπαντασ αὐτόσ τε δακρύων καὶ δακρύοντασ ἐκείνουσ ἀπὸ οὗ ἀπήλλαξε. Κρατερῷ δὲ τούτουσ τε ἄγειν ἐκέλευσε καὶ ἀπαγαγόντι Μακεδονίασ τε καὶ Θρᾴκησ καὶ Θετταλῶν ἐξηγεῖσθαι καὶ τῶν Ἑλλήνων τῆσ ἐλευθερίασ·

Ἀντίπατρον δὲ διαδόχουσ τοῖσ ἀποπεμπομένοισ ἄγειν Μακεδόνασ τῶν ἀκμαζόντων ἐκέλευσεν. ἔστειλε δὲ καὶ Πολυπέρχοντα ὁμοῦ τῷ Κρατερῷ, δεύτερον δὲ ἀπὸ Κρατεροῦ ἡγεμόνα, ὡσ εἴ τι κατὰ πορείαν Κρατερῷ συμπίπτοι, ὅτι καὶ μαλακῶσ τὸ σῶμα ἔχοντα ἀπέπεμπεν αὐτόν, μὴ ποθῆσαι στρατηγὸν τοὺσ ἰόντασ. Λόγοσ δέ τισ οὗτοσ ἐφοίτα ἀφανὴσ παρὰ τοῖσ τὰ βασιλικὰ πράγματα, ὅσῳ ἐπικρύπτεται, τοσῷδε φιλοτιμότερον ἐξηγουμένοισ, καὶ τὸ πιστὸν ἐσ τὸ χεῖρον μᾶλλον, ᾗ τὸ εἰκόσ τε καὶ ἡ αὐτῶν μοχθηρία ἄγει, ἢ πρὸσ τὸ ἀληθὲσ ἐκτρέπουσιν, ἐξηττώμενον Ἀλέξανδρον ἤδη τῆσ μητρὸσ τῶν διαβολῶν τῶν ἐσ Ἀντίπατρον ἀπαλλάξαι ἐθέλειν ἐκ Μακεδονίασ Ἀντίπατρον.

καὶ τυχὸν οὐκ ἐσ ἀτιμίαν τὴν Ἀντιπάτρου ἡ μετάπεμψισ αὐτοῦ ἔφερεν, ἀλλ̓ ὡσ μή τι ἐκ τῆσ διαφορᾶσ αὐτοῖσ γένοιτο ἄχαρι ἐσ ἀλλήλουσ καὶ οὐδὲ αὐτῷ ἰάσιμον.

ἐπεὶ οὐδὲ ἐπαύοντο Ἀλεξάνδρῳ γράφοντεσ ὁ μὲν τὴν αὐθάδειάν τε τῆσ Ὀλυμπιάδοσ καὶ ὀξύτητα καὶ πολυπραγμοσύνην, ἥκιστα δὴ τῇ Ἀλεξάνδρου μητρὶ εὐσχήμονα, ὥστε καὶ λόγοσ τισ τοιόσδε ἐφέρετο Ἀλεξάνδρου ἐφ̓ οἷσ ὑπὲρ τῆσ μητρὸσ αὐτῷ ἐξηγγέλλετο, βαρὺ δὴ τὸ ἐνοίκιον τῶν δέκα μηνῶν εἰσπράττεσθαι αὑτοῦ τὴν μητέρα· ἡ δέ, ὑπέρογκον εἶναι τῇ τε ἀξιώσει καὶ τῇ ἄλλῃ θεραπείᾳ Ἀντίπατρον οὐδὲ μεμνῆσθαι τοῦ καταστήσαντοσ ἔτι, ἀλλ̓ αὐτὸν γὰρ ἀξιοῦν τὰ πρῶτα φέρεσθαι ἐν τοῖσ ἄλλοισ Μακεδόσι τε καὶ Ἕλλησι.

καὶ ταῦτα μᾶλλόν τι ἰσχύειν παῤ Ἀλεξάνδρῳ ἐφαίνετο ὅσα ἐσ τοῦ Ἀντιπάτρου τὴν διαβολὴν φέροντα ἦν, οἱᾶ δὴ καὶ φοβερώτερα ἐν βασιλείᾳ ὄντα. οὐ μέντοι καταφανέσ γέ τι ἢ ἔργον ἢ λόγοσ ἐξηγγέλλετο Ἀλεξάνδρου ἐφ̓ ὅτῳ ἄν τισ συνέθηκεν οὐχ ὡσαύτωσ εἶναι αὐτῷ πρὸσ θυμοῦ Ἀντίπατρον . . . . . . Ἡφαιστίων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 7, chapter 12

(아리아노스, Anabasis, book 7, chapter 12)

상위

목록

SEARCH

MENU NAVIGATION