헬라어 문장 검색 - Ηιπποξ́Οευϝρεσ́12́19́0́

(히포크라테스, Oeuvres Completes D'Hippocrate., ΠΕΡΙ ΤΩΝ ΕΝ ΚΕΦΑΛΗ ΤΡΩΜΑΤΩΝ., 19.)

Ὅστισ δὲ μέλλει ἐκ τρωμάτων ἐν κεφαλῇ ἀποθνήσκειν, καὶ μὴ δυνατὸν αὐτὸν ὑγιᾶ γενέσθαι, μηδὲ σωθῆναι, ἐκ τῶνδε τῶν σημείων χρὴ τὴν διάγνωσιν ποιέεσθαι τοῦ μέλλοντοσ ἀποθνήσκειν, καὶ προλέγειν τὸ μέλλον ἔσεσθαι. Πάσχει γὰρ τάδε‧ ὁκόταν τισ ὀστέον κατεηγὸσ, ἢ ἐῤῬωγὸσ, ἢ πεφλασμένον, ἢ ὅτῳ γοῦν τρόπῳ κατεηγὸσ μὴ ἐννοήσασ ἁμάρτῃ, καὶ μήτε ξύσῃ, μήτε πρίσῃ, δεόμενον, μεθῇ δὲ ὡσ ὑγιέοσ ὄντοσ τοῦ ὀστέου, πρὸ τῶν τεσσαρεσκαίδεκα ἡμερέων πυρετὸσ ἐπιλήψεται ὡσ ἐπὶ πουλὺ ἐν χειμῶνι‧ ἐν δὲ τῷ θέρει μετὰ τὰσ ἑπτὰ ἡμέρασ ὁ πυρετὸσ ἐπιλαμβάνει. Καὶ ἐπειδὰν τοῦτο γένηται, τὸ ἕλκοσ ἄχροον γίνεται‧ καὶ ἐξ αὐτοῦ ἰχὼρ Ῥέει σμικρόσ‧ καὶ τὸ φλεγμαῖνον ἐκτέθνηκεν ἐξ αὐτοῦ‧ καὶ γλισχρῶδεσ γίνεται, καὶ φαίνεται ὥσπερ τάριχοσ, χροιὴν πυῤῬὸν, ὑποπέλιον‧ καὶ τὸ ὀστέον σφακελίζειν τηνικαῦτα ἄρχεται, καὶ γίνεται περκνὸν, λευκὸν ὂν, τελευταῖον δὲ ἔπωχρον γενόμενον ἢ ἔκλευκον. Ὅταν δ’ ἤδη ὑπόπυον ᾖ, ἐπὶ τῇ γλώσσῃ φλυκταῖναι γίνονται, καὶ παραφρονέων τελευτᾷ. Καὶ σπασμὸσ ἐπιλαμβάνει τοὺσ πλείστουσ τὰ ἐπὶ θάτερα τοῦ σώματοσ‧ ἢν μὲν ἐν τῷ ἐπ’ ἀριστερὰ τῆσ κεφαλῆσ ἔχῃ τὸ ἕλκοσ, τὰ ἐπὶ δεξιὰ τοῦ σώματοσ ὁ σπασμὸσ λαμβάνει‧ ἢν δ’ ἐν τῷ ἐπὶ δεξιὰ τῆσ κεφαλῆσ ἔχῃ τὸ ἕλκοσ, τὰ ἐπ’ ἀριστερὰ τοῦ σώματοσ ὁ σπασμὸσ ἐπιλαμβάνει. Εἰσὶ δ’ οἳ καὶ ἀπόπληκτοι γίνονται. Καὶ οὕτωσ ἀπόλλυνται πρὸ ἑπτὰ ἡμερέων ἐν θέρει, ἢ τεσσάρων καὶ δέκα ἐν χειμῶνι. Ὁμοίωσ δὲ τὰ σημεῖα ταῦτα σημαίνει, καὶ ἐν πρεσβυτέρῳ ἐόντι τῷ τρώματι, ἢ καὶ ἐν νεωτέρῳ. Ἀλλὰ χρὴ, εἰ ἐννοοίησ τὸν πυρετὸν ἐπιλαμβάνοντα, καὶ τῶν ἄλλων τι σημεῖον τούτῳ προσγενόμενον, μὴ διατρίβειν, ἀλλὰ πρίσαντα τὸ ὀστέον πρὸσ τὴν μήνιγγα, ἢ καταξύσαντα τῷ ξυστῆρι εὑ̓́πριστον δὲ γίνεται καὶ εὔξυστον̓, ἔπειτα τὰ λοιπὰ οὕτωσ ἰητρεύειν, ὅκωσ ἂν δοκέῃ ξυμφέρειν, πρὸσ τὸ γινόμενον ὁρῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΤΩΝ ΕΝ ΚΕΦΑΛΗ ΤΡΩΜΑΤΩΝ., 19.

(히포크라테스, Oeuvres Completes D'Hippocrate., ΠΕΡΙ ΤΩΝ ΕΝ ΚΕΦΑΛΗ ΤΡΩΜΑΤΩΝ., 19.)

상위

목록

SEARCH

MENU NAVIGATION