헬라어 문장 검색 - Ηιπποξ́Οευϝρεσ́06́07́0́

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 7.)

Κρατίστη μέντοι πασέων τῶν ἐμβολέων ἡ τοιήδε‧ ξύλον χρὴ εἶναι, πλάτοσ μὲν ὡσ πενταδάκτυλον, ἢ τετραδάκτυλον τὸ ἐπίπαν, πάχοσ δὲ ὡσ διδάκτυλον, ἢ καὶ λεπτότερον, μῆκοσ δὲ δίπηχυ, ἢ ὀλίγῳ ἔλασσον‧ ἔστω δὲ ἐπὶ θάτερα τὸ ἄκρον περιφερὲσ καὶ στενότατον ταύτῃ καὶ λεπτότατον‧ ἄμβην δὲ ἐχέτω, σμικρὸν ὑπερέχουσαν, ἐπὶ τῷ ὑστάτῳ τοῦ περιφερέοσ, ἐν τῷ μέρεϊ, μὴ τῷ πρὸσ τὰσ πλευρὰσ, ἀλλὰ τῷ πρὸσ τὴν κεφαλὴν τοῦ βραχίονοσ ἔχοντι, ὡσ ὑφαρμόσειε τῇ μασχάλῃ παρὰ τὰσ πλευρὰσ ὑπὸ τὴν κεφαλὴν τοῦ βραχίονοσ ὑποτιθέμενον‧ ὀθονίῳ δὲ ἢ ταινίῃ μαλθακῇ κατακεκολλήσθω ἄκρον τὸ ξύλον, ὅκωσ προσηνέστερον ἐῄ. Ἔπειτα χρὴ ὑπώσαντα τὴν κεφαλὴν τοῦ ξύλου ὑπὸ τὴν μασχάλην ὡσ ἐσωτάτω μεσηγὺ τῶν πλευρέων καὶ τῆσ κεφαλῆσ τοῦ βραχίονοσ, τὴν δὲ ὅλην χεῖρα πρὸσ τὸ ξύλον κατατείναντα, προσκαταδῆσαι κατά τε τὸν βραχίονα, κατά τε τὸν πῆχυν, κατά τε τὸν καρπὸν τῆσ χειρὸσ, ὡσ ἂν ἀτρεμέῃ ὅτι μάλιστα‧ περὶ παντὸσ δὲ χρὴ ποιέεσθαι, ὅκωσ τὸ ἄκρον τοῦ ξύλου ὡσ ἐσωτάτω τῆσ μασχάλησ ἔσται, ὑπερβεβηκὸσ τὴν κεφαλὴν τοῦ βραχίονοσ. Ἔπειτα χρὴ μεσηγὺ δύο στύλων στρωτῆρα πλάγιον εὖ προσδῆσαι, ἔπειτα ὑπερενεγκεῖν τὴν χεῖρα ξὺν τῷ ξύλῳ ὑπὲρ τοῦ στρωτῆροσ, ὅκωσ ἡ μὲν χεὶρ ἐπὶ θάτερα ἐῄ, ἐπὶ θάτερα δὲ τὸ σῶμα, κατὰ δὲ τὴν μασχάλην ὁ στρωτήρ‧ κἄπειτα ἐπὶ μὲν θάτερα τὴν χεῖρα καταναγκάζειν ξὺν τῷ ξύλῳ περὶ τὸν στρωτῆρα, ἐπὶ θάτερα δὲ τὸ ἄλλο σῶμα. Ὕψοσ δὲ ἔχων ὁ στρωτὴρ προσδεδέσθω, ὥστε μετέωρον τὸ ἄλλο σῶμα εἶναι ἐπ’ ἄκρων τῶν ποδῶν. Οὗτοσ ὁ τρόποσ παραπολὺ κράτιστοσ ἐμβολῆσ ὤμου‧ δικαιότατα μὲν γὰρ μοχλεύει, ἢν μοῦνον ἐσωτέρω ἐῄ τὸ ξύλον τῆσ κεφαλῆσ τοῦ βραχίονοσ‧ δικαιόταται δὲ αἱ ἀντιῤῬοπαὶ, ἀσφαλέεσ δὲ τῷ ὀστέῳ τοῦ βραχίονοσ. Τὰ μὲν οὖν νεαρὰ ἐμπίπτει θᾶσσον, ἢ ὡσ ἄν τισ οἰοίτο, πρὶν ἢ καὶ κατατετάσθαι δοκέειν‧ ἀτὰρ καὶ τὰ παλαιὰ μούνη αὕτη τῶν ἐμβολέων οἱή τε ἐμβιβάσαι, ἢν μὴ ἤδη ὑπὸ χρόνου σὰρξ μὲν ἐπεληλύθῃ ἐπὶ τὴν κοτύλην, ἡ δὲ κεφαλὴ τοῦ βραχίονοσ ἤδη τρίβον ἑωυτῇ πεποιημένη ἐῄ ἐν τῷ χωρίῳ, ἵνα ἐξεκλίθη‧ οὐ μὴν ἀλλ’ ἐμβάλλειν γάρ μοι δοκέει καὶ οὕτω πεπαλαιωμένον ἔκπτωμα τοῦ βραχίονοσ ̔τί γὰρ ἂν δικαίη μόχλευσισ οὐχὶ κινήσειε; ̓, μένειν μέντοι οὐκ ἄν μοι δοκέοι κατὰ χώρην, ἀλλ’ ὀλισθάνοι ἂν ὡσ τὸ ἔθοσ. Τὸ αὐτὸ δὲ ποιέει καὶ περὶ κλιμακτῆρα καταναγκάζειν, τοῦτον τὸν τρόπον σκευάσαντα. Πάνυ μὴν ἱκανῶσ ἔχει, καὶ περὶ μέγα ἕδοσ θεσσαλικὸν ἀναγκάζειν, ἢν νεαρὸν ἐῄ τὸ ὀλίσθημα‧ ἐσκευάσθαι μέντοι χρὴ τὸ ξύλον οὕτωσ, ὥσπερ εἴρηται‧ ἀτὰρ τὸν ἄνθρωπον καθίσαι πλάγιον ἐπὶ τῷ δίφρῳ‧ κἄπειτα τὸν βραχίονα ξὺν τῷ ξύλῳ ὑπερβάλλειν ὑπὲρ τοῦ ἀνακλισμοῦ, καὶ ἐπὶ μὲν θάτερα τὸ σῶμα καταναγκάζειν, ἐπὶ δὲ θάτερα τὸν βραχίονα σὺν τῷ ξύλῳ. Τὸ αὐτὸ δὲ ποιέει καὶ ὑπὲρ δίκλειδοσ θύρησ ἀναγκάζειν. Χρέεσθαι δὲ χρὴ αἰεὶ τούτοισιν, ἃ ἂν τύχῃ παρεόντα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΑΡΘΡΩΝ, 7.

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 7.)

상위

목록

SEARCH

MENU NAVIGATION