헬라어 문장 검색 - ΣτραβόΓεογραπ́04́04́012́

(스트라본, 지리학, book 4, chapter 4 12:)

ἐν δὲ τῷ ὠκεανῷ φησιν εἶναι νῆσον μικρὰν οὐ πάνυ πελαγίαν, προκειμένην τῆσ ἐκβολῆσ τοῦ Λίγηροσ ποταμοῦ· οἰκεῖν δὲ ταύτην τὰσ τῶν Σαμνιτῶν γυναῖκασ, Διονύσῳ κατεχομένασ καὶ ἱλασκομένασ τὸν θεὸν τοῦτον τελεταῖσ τε καὶ ἄλλαισ ἱεροποιίαισ ἐξηλλαγμέναισ. οὐκ ἐπιβαίνειν δὲ ἄνδρα τῆσ νήσου, τὰσ δὲ γυναῖκασ αὐτὰσ πλεούσασ κοινωνεῖν τοῖσ ἀνδράσι καὶ πάλιν ἐπανιέναι. ἔθοσ δ’ εἶναι κατ’ ἐνιαυτὸν ἅπαξ τὸ ἱερὸν ἀποστεγάζεσθαι καὶ στεγάζεσθαι πάλιν αὐθημερὸν πρὸ δύσεωσ, ἑκάστησ φορτίον ἐπιφερούσησ· ἧσ δ’ ἂν ἐκπέσῃ τὸ φορτίον, διασπᾶσθαι ταύτην ὑπὸ τῶν ἄλλων· φερούσασ δὲ τὰ μέρη περὶ τὸ ἱερὸν μετ’ εὐασμοῦ μὴ παύεσθαι πρότερον, πρὶν παύσωνται τῆσ λύττησ· ἀεὶ δὲ συμβαίνειν ὥστε τινὰ ἐμπίπτειν τὴν τοῦτο πεισομένην. τούτου δ’ ἔτι μυθωδέστερον εἴρηκεν Ἀρτεμίδωροσ τὸ περὶ τοὺσ κόρακασ συμβαῖνον. λιμένα γάρ τινα τῆσ παρωκεανίτιδοσ ἱστορεῖ δύο κοράκων ἐπονομαζόμενον, φαίνεσθαι δ’ ἐν τούτῳ δύο κόρακασ τὴν δεξιὰν πτέρυγα παράλευκον ἔχοντασ· τοὺσ οὖν περί τινων ἀμφισβητοῦντασ, ἀφικομένουσ δεῦρο ἐφ’ ὑψηλοῦ τόπου σανίδα θέντασ ἐπιβάλλειν ψαιστά, ἑκάτερον χωρίσ· τοὺσ δ’ ὄρνεισ ἐπιπτάντασ τὰ μὲν ἐσθίειν τὰ δὲ σκορπίζειν· οὗ δ’ ἂν σκορπισθῇ τὰ ψαιστά, ἐκεῖνον νικᾶν. ταῦτα μὲν οὖν μυθωδέστερα λέγει, περὶ δὲ τῆσ Δήμητροσ καὶ Κόρησ πιστότερα, ὅτι φησὶν εἶναι νῆσον πρὸσ τῇ Βρεττανικῇ, καθ’ ἣν ὅμοια τοῖσ ἐν Σαμοθρᾴκῃ περὶ τὴν Δήμητρα καὶ τὴν Κόρην ἱεροποιεῖται. καὶ τοῦτο δὲ τῶν πιστευομένων ἐστίν, ὅτι ἐν τῇ Κελτικῇ φύεται δένδρον ὅμοιον συκῇ, καρπὸν δ’ ἐκφέρει παραπλήσιον κιοκράνῳ κορινθιουργεῖ· ἐπιτμηθεὶσ δ’ οὗτοσ ἀφίησιν ὀπὸν θανάσιμον πρὸσ τὰσ ἐπιχρίσεισ τῶν βελῶν. καὶ τοῦτο δὲ τῶν θρυλουμένων ἐστίν, ὅτι πάντεσ Κελτοὶ ἡδόνικοί τέ εἰσι καὶ οὐ νομίζεται παρ’ αὐτοῖσ αἰσχρὸν τὸ τῆσ ἀκμῆσ ἀφειδεῖν τοὺσ νέουσ. Ἔφοροσ δὲ ὑπερβάλλουσάν τε τῷ μεγέθει λέγει τὴν Κελτικήν, ὥστε ἧσπερ νῦν Ἰβηρίασ καλοῦμεν ἐκείνοισ τὰ πλεῖστα προσνέμειν μέχρι Γαδείρων, φιλέλληνάσ τε ἀποφαίνει τοὺσ ἀνθρώπουσ, καὶ πολλὰ ἰδίωσ λέγει περὶ αὐτῶν οὐκ ἐοικότα τοῖσ νῦν. ἴδιον δὲ καὶ τοῦτο· ἀσκεῖν γὰρ αὐτοὺσ μὴ παχεῖσ εἶναι μηδὲ προγάστορασ, τὸν δ’ ὑπερβαλλόμενον τῶν νέων τὸ τῆσ ζώνησ μέτρον ζημιοῦσθαι. ταῦτα μὲν περὶ τῆσ ὑπὲρ τῶν Ἄλπεων Κελτικῆσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Strabo, Geography, book 4, chapter 4 12:

(스트라본, 지리학, book 4, chapter 4 12:)

상위

목록

SEARCH

MENU NAVIGATION