헬라어 문장 검색 - ΣτραβόΓεογραπ́04́03́

(스트라본, 지리학, book 4, chapter 3)

μετὰ δὲ τὴν Ἀκυιτανὴν μερίδα καὶ τὴν Ναρβωνῖτιν ἡ ἐφεξῆσ ἐστι μέχρι τοῦ Ῥήνου παντὸσ ἀπὸ τοῦ Λίγηροσ ποταμοῦ καὶ τοῦ Ῥοδανοῦ, καθ’ ὃ συνάπτει πρὸσ τὸ Λούγδουνον ἀπὸ τῆσ πηγῆσ κατενεχθεὶσ ὁ Ῥοδανόσ. ταύτησ δὲ τῆσ χώρασ τὰ μὲν ἄνω μέρη τὰ πρὸσ ταῖσ πηγαῖσ τῶν ποταμῶν, τοῦ τε Ῥήνου καὶ τοῦ Ῥοδανοῦ, μέχρι μέσων σχεδόν τι τῶν πεδίων ὑπὸ τῷ Λουγδούνῳ τέτακται, τὰ δὲ λοιπὰ καὶ παρωκεανιτικὰ ὑπ’ ἄλλῃ τέτακται μερίδι, ἣν ἰδίωσ Βέλγαισ προσνέμουσιν· ἡμεῖσ δὲ κοινότερον τὰ καθ’ ἕκαστα δηλώσομεν. αὐτὸ μὲν δὴ τὸ Λούγδουνον ἐκτισμένον ὑπὸ λόφῳ κατὰ τὴν συμβολὴν τοῦ τε Ἄραροσ τοῦ ποταμοῦ καὶ τοῦ Ῥοδανοῦ κατέχουσι Ῥωμαῖοι.

εὐανδρεῖ δὲ μάλιστα τῶν ἄλλων πλὴν Νάρβωνοσ· καὶ γὰρ ἐμπορίῳ χρῶνται καὶ τὸ νόμισμα χαράττουσιν ἐνταῦθα τό τε ἀργυροῦν καὶ τὸ χρυσοῦν οἱ τῶν Ῥωμαίων ἡγεμόνεσ. τό τε ἱερὸν τὸ ἀναδειχθὲν ὑπὸ πάντων κοινῇ τῶν Γαλατῶν Καίσαρι τῷ Σεβαστῷ πρὸ ταύτησ ἵδρυται τῆσ πόλεωσ ἐπὶ τῇ συμβολῇ τῶν ποταμῶν· ἔστι δὲ βωμὸσ ἀξιόλογοσ ἐπιγραφὴν ἔχων τῶν ἐθνῶν ἑξήκοντα τὸν ἀριθμὸν καὶ εἰκόνεσ τούτων ἑκάστου μία καὶ ἄλλοσ [ἀνδριὰσ] μέγασ. προκάθηται δὲ τοῦ ἔθνουσ τοῦ Σεγοσιανῶν ἡ πόλισ αὕτη, κειμένου μεταξὺ τοῦ Ῥοδανοῦ καὶ τοῦ Λίγηροσ· τὰ δ’ ἑξῆσ ἔθνη τὰ συντείνοντα πρὸσ τὸν Ῥῆνον, τὰ μὲν ὑπὸ τοῦ Δούβιοσ ὁρίζεται τὰ δ’ ὑπὸ τοῦ Ἄραροσ. οὗτοι μὲν οὖν, ὡσ εἴρηται πρότερον, ἀπὸ τῶν Ἄλπεων καὶ αὐτοὶ κατενεχθέντεσ ἔπειτ’ εἰσ ἓν ῥεῖθρον συμπεσόντεσ εἰσ τὸν Ῥοδανὸν καταφέρονται· ἄλλοσ δ’ ἐστὶν ὁμοίωσ ἐν ταῖσ Ἄλπεσι τὰσ πηγὰσ ἔχων, Σηκοάνασ ὄνομα. ῥεῖ δ’ εἰσ τὸν ὠκεανὸν παράλληλοσ τῷ Ῥήνῳ διὰ ἔθνουσ ὁμωνύμου, συνάπτοντοσ τῷ Ῥήνῳ τὰ πρὸσ ἑώ, τὰ δ’ εἰσ τἀναντία τῷ Ἄραρι, ὅθεν αἱ κάλλισται ταριχεῖαι τῶν ὑείων κρεῶν εἰσ τὴν Ῥώμην κατακομίζονται. μεταξὺ μὲν οὖν τοῦ Λίγηροσ καὶ τοῦ Ἄραροσ οἰκεῖ τὸ τῶν Αἰδούων ἔθνοσ, πόλιν ἔχον Καβυλλῖνον ἐπὶ τῷ Ἄραρι καὶ φρούριον Βίβρακτα. οἱ δὲ Αἴδουοι καὶ συγγενεῖσ Ῥωμαίων ὠνομάζοντο καὶ πρῶτοι τῶν ταύτῃ προσῆλθον πρὸσ τὴν φιλίαν καὶ συμμαχίαν. πέραν δὲ τοῦ Ἄραροσ οἰκοῦσιν οἱ Σηκοανοί, διάφοροι καὶ τοῖσ Ῥωμαίοισ ἐκ πολλοῦ γεγονότεσ καὶ τοῖσ Αἰδούοισ, ὅτι πρὸσ Γερμανοὺσ προσεχώρουν πολλάκισ κατὰ τὰσ ἐφόδουσ αὐτῶν τὰσ ἐπὶ τὴν Ἰταλίαν, καὶ ἐπεδείκνυντό γε οὐ τὴν τυχοῦσαν δύναμιν, ἀλλὰ καὶ κοινωνοῦντεσ αὐτοῖσ ἐποίουν μεγάλουσ καὶ ἀφιστάμενοι μικρούσ· πρὸσ δὲ τοὺσ Αἰδούουσ καὶ διὰ ταῦτα μέν, ἀλλ’ ἐπέτεινε τὴν ἔχθραν ἡ τοῦ ποταμοῦ ἔρισ τοῦ διείργοντοσ αὐτούσ, ἑκατέρου τοῦ ἔθνουσ ἴδιον ἀξιοῦντοσ εἶναι τὸν Ἄραρα καὶ ἑαυτῷ προσήκειν τὰ διαγωγικὰ τέλη· νυνὶ δ’ ὑπὸ τοῖσ Ῥωμαίοισ ἅπαντ’ ἐστί. τὴν δ’ ἐπὶ τῷ Ῥήνῳ πρῶτοι τῶν ἁπάντων οἰκοῦσιν Ἐλουήττιοι, παρ’ οἷσ εἰσιν αἱ πηγαὶ τοῦ ποταμοῦ ἐν τῷ Ἀδούλᾳ ὄρει.

τοῦτο δ’ ἐστὶ μέροσ τῶν Ἄλπεων, ὅθεν καὶ ὁ Ἀδούασ εἰσ τἀναντία μέρη ῥεῖ τὰ πρὸσ τὴν ἐντὸσ Κελτικὴν καὶ πληροῖ τὴν Λάριον λίμνην, πρὸσ ᾗ ἔκτισται τὸ Κῶμον, εἶτ’ ἐνθένδε εἰσ τὸν Πάδον συμβάλλει, περὶ ὧν ὕστερον ἐροῦμεν. καὶ ὁ Ῥῆνοσ δὲ εἰσ ἕλη μεγάλα καὶ λίμνην ἀναχεῖται μεγάλην, ἧσ ἐφάπτονται καὶ Ῥαιτοὶ καὶ Ουἰνδολικοὶ τῶν Ἀλπείων τινὲσ καὶ τῶν ὑπεραλπείων. φησὶ δὲ τὸ μῆκοσ αὐτοῦ σταδίων ἑξακισχιλίων Ἀσίνιοσ, οὐκ ἔστι δέ· ἀλλ’ ἐπ’ εὐθείασ μὲν τοῦ ἡμίσουσ ὀλίγον ἂν ὑπερβάλλοι, τοῖσ δὲ σκολιώμασι καὶ χίλιοι προστεθέντεσ ἱκανῶσ ἂν ἔχοιεν· καὶ γὰρ ὀξύσ ἐστι, διὰ τοῦτο δὲ καὶ δυσγεφύρωτοσ καὶ διὰ πεδίων ὕπτιοσ φέρεται τὸ λοιπὸν καταβὰσ ἀπὸ τῶν ὀρῶν· πῶσ οὖν οἱο͂́ν τε μένειν ὀξὺν καὶ βίαιον, εἰ τῷ ὑπτιασμῷ προσδοίημεν καὶ σκολιότητασ πολλὰσ καὶ μακράσ; φησὶ δὲ καὶ δίστομον εἶναι μεμψάμενοσ τοὺσ πλείω λέγοντασ· ἐγκυκλοῦνται μὲν δή τινα χώραν ταῖσ σκολιότησι καὶ οὗτοσ καὶ ὁ Σηκοάνασ, οὐ τοσαύτην [δέ]. ἀμφότεροι δὲ ῥέουσιν ἐπὶ τὰσ ἄρκτουσ ἀπὸ τῶν νοτίων μερῶν· πρόκειται δ’ αὐτῶν ἡ Βρεττανική, τοῦ μὲν Ῥήνου καὶ ἐγγύθεν ὥστε καθορᾶσθαι τὸ Κάντιον, ὅπερ ἐστὶ τὸ ἑῷον ἄκρον τῆσ νήσου, τοῦ δὲ Σηκοάνα μικρὸν ἀπωτέρω· ἐνταῦθα δὲ καὶ τὸ ναυπήγιον συνεστήσατο Καῖσαρ ὁ θεὸσ πλέων εἰσ τὴν Βρεττανικήν. τοῦ δὲ Σηκοάνα τὸ πλεόμενον ὑπὸ τῶν ἐκ τοῦ Ἄραροσ δεχομένων τὰ φορτία μικρῷ πλέον ἐστὶν ἢ τὸ τοῦ Λίγηροσ καὶ τὸ τοῦ Γαρούνα· τὸ δὲ ἀπὸ Λουγδούνου μέχρι τοῦ Σηκοάνα χιλίων σταδίων ἐστίν, ἔλαττον δ’ ἢ διπλάσιον τούτου [τὸ] ἀπὸ τῶν εἰσβολῶν τοῦ Ῥοδανοῦ μέχρι Λουγδούνου. φασὶ δὲ καὶ πολυχρύσουσ τοὺσ Ἐλουηττίουσ, μηδὲν μέντοι ἧττον ἐπὶ λῃστείαν τραπέσθαι τὰσ τῶν Κίμβρων εὐπορίασ ἰδόντασ· ἀφανισθῆναι δ’ αὐτῶν τὰ δύο φῦλα τριῶν ὄντων κατὰ στρατείασ. ὅμωσ δ’ ἐκ τῶν λοιπῶν τὸ τῶν ἐπιγόνων πλῆθοσ ἐδήλωσεν ὁ πρὸσ Καίσαρα τὸν θεὸν πόλεμοσ, ἐν ᾧ περὶ τετταράκοντα μυριάδεσ σωμάτων διεφθάρησαν, τοὺσ δὲ λοιποὺσ σώζεσθαι μεθῆκεν εἰσ ὀκτακισχιλίουσ, ὅπωσ μὴ τοῖσ Γερμανοῖσ ὁμόροισ οὖσιν ἔρημον τὴν χώραν ἀφῇ. μετὰ δὲ τοὺσ Ἐλουηττίουσ Σηκοανοὶ καὶ Μεδιοματρικοὶ κατοικοῦσι τὸν Ῥῆνον, ἐν οἷσ ἵδρυται Γερμανικὸν ἔθνοσ περαιωθὲν ἐκ τῆσ οἰκείασ Τρίβοκχοι.

ἐν δὲ τοῖσ Σηκοανοῖσ ἐστι τὸ ὄροσ ὁ Ιοὐράσιοσ, διορίζει δ’ Ἐλουηττίουσ καὶ Σηκοανούσ. ὑπὲρ οὖν τῶν Ἐλουηττίων καὶ τῶν Σηκοανῶν Αἴδουοι καὶ Λίγγονεσ οἰκοῦσι πρὸσ δύσιν, ὑπὲρ δὲ τῶν Μεδιοματρικῶν Λεῦκοι καὶ τῶν Λιγγόνων τι μέροσ. τὰ δὲ μεταξὺ ἔθνη τοῦ τε Λίγηροσ καὶ τοῦ Σηκοάνα ποταμοῦ τὰ πέραν τοῦ Ῥοδανοῦ τε καὶ τοῦ Ἄραροσ παράκειται πρὸσ ἄρκτον τοῖσ τε Ἀλλόβριξι καὶ τοῖσ περὶ τὸ Λούγδουνον· τούτων δ’ ἐπιφανέστατόν ἐστι τὸ τῶν Ἀρουέρνων καὶ τὸ τῶν Καρνούτων, δι’ ὧν ἀμφοῖν ἐνεχθεὶσ ὁ Λίγηρ εἰσ τὸν ὠκεανὸν ἔξεισι. δίαρμα δ’ ἐστὶν εἰσ τὴν Βρεττανικὴν ἀπὸ τῶν ποταμῶν τῆσ Κελτικῆσ εἴκοσι καὶ τριακόσιοι στάδιοι· ὑπὸ γὰρ τὴν ἄμπωτιν ἀφ’ ἑσπέρασ ἀναχθέντεσ τῇ ὑστεραίᾳ περὶ ὀγδόην ὡρ́αν καταίρουσιν εἰσ τὴν νῆσον. μετὰ δὲ τοὺσ Μεδιοματρικοὺσ καὶ Τριβόκχουσ παροικοῦσι τὸν Ῥῆνον Τρήουιροι, καθ’ οὓσ πεποίηται τὸ ζεῦγμα ὑπὸ τῶν Ῥωμαίων νυνὶ τῶν στρατηγούντων τὸν Γερμανικὸν πόλεμον. πέραν δὲ ᾤκουν Οὔβιοι κατὰ τοῦτον τὸν τόπον, οὓσ μετήγαγεν Ἀγρίππασ ἑκόντασ εἰσ τὴν ἐντὸσ τοῦ Ῥήνου. Τρηουίροισ δὲ συνεχεῖσ Νέρουιοι, καὶ τοῦτο Γερμανικὸν ἔθνοσ· τελευταῖοι δὲ Μενάπιοι πλησίον τῶν ἐκβολῶν ἐφ’ ἑκάτερα τοῦ ποταμοῦ κατοικοῦντεσ ἕλη καὶ δρυμοὺσ οὐχ ὑψηλῆσ ἀλλὰ πυκνῆσ ὕλησ καὶ ἀκανθώδουσ. κατὰ τούτουσ δ’ ἵδρυνται Σούγαμβροι Γερμανοί. πάσησ δ’ ὑπέρκεινται τῆσ ποταμίασ ταύτησ οἱ Σόηβοι προσαγορευόμενοι Γερμανοὶ καὶ δυνάμει καὶ πλήθει διαφέροντεσ τῶν ἄλλων, ὑφ’ ὧν οἱ ἐξελαυνόμενοι κατέφευγον εἰσ τὴν ἐντὸσ τοῦ Ῥήνου νυνί· καὶ ἄλλοι δὲ κατ’ ἄλλουσ τόπουσ δυναστεύουσι καὶ διαδέχονται τὰ ζώπυρα τοῦ πολέμου τῶν πρώτων ἀεὶ καταλυομένων. τῶν δὲ Τρηουίρων καὶ Νερουίων Σένονεσ καὶ Ῥῆμοι πρὸσ ἑσπέραν οἰκοῦσιν, ἔτι δ’ Ἀτρεβάτιοι καὶ Ἐβούρωνεσ·

ἀξιολογώτατον δ’ ἐστὶν ἔθνοσ τῶν ταύτῃ Ῥῆμοι, καὶ ἡ μητρόπολισ αὐτῶν Δουρικορτόρα μάλιστα συνοικεῖται καὶ δέχεται τοὺσ τῶν Ῥωμαίων ἡγεμόνασ. τοῖσ Μεναπίοισ δ’ εἰσὶ συνεχεῖσ ἐπὶ τῇ θαλάττῃ Μορῖνοι καὶ Βελλοάκοι καὶ Ἀμβιανοὶ καὶ Σουεσσίωνεσ καὶ Κάλετοι μέχρι τῆσ ἐκβολῆσ τοῦ Σηκοάνα ποταμοῦ. ἐμφερὴσ δ’ ἐστὶ τῇ τῶν Μεναπίων ἥ τε τῶν Μορίνων καὶ ἡ τῶν Ἀτρεβατίων καὶ Ἐβουρώνων· ὕλη γάρ ἐστιν οὐχ ὑψηλῶν δένδρων πολλὴ μὲν οὐ τοσαύτη δὲ ὅσην οἱ συγγραφεῖσ εἰρήκασι, τετρακισχιλίων σταδίων, καλοῦσι δ’ αὐτὴν Ἀρδουένναν· κατὰ δὲ τὰσ πολεμικὰσ ἐφόδουσ συμπλέκοντεσ τὰσ τῶν θάμνων λύγουσ βατώδεισ οὔσασ ἀπέφραττον τὰσ παρόδουσ. ἔστι δ’ ὅπου καὶ σκόλοπασ κατέπηττον, αὐτοὶ δὲ κατέδυνον εἰσ τὰ βάθη πανοίκιοι, νησίδια ἔχοντεσ ἐν τοῖσ ἕλεσι· ἐν μὲν οὖν ταῖσ ἐπομβρίαισ ἀσφαλεῖσ τὰσ καταφυγὰσ εἶχον, ἐν δὲ τοῖσ αὐχμοῖσ ἡλίσκοντο ῥᾳδίωσ· νυνὶ δ’ ἅπαντεσ οἱ ἐντὸσ Ῥήνου καθ’ ἡσυχίαν ὄντεσ ὑπακούουσι Ῥωμαίων. περὶ δὲ τὸν Σηκοάναν ποταμόν εἰσι καὶ οἱ Παρίσιοι, νῆσον ἔχοντεσ ἐν τῷ ποταμῷ καὶ πόλιν Λουκοτοκίαν, καὶ Μέλδοι καὶ Ληξόουιοι, παρωκεανῖται οὗτοι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Strabo, Geography, book 4, chapter 3

(스트라본, 지리학, book 4, chapter 3)

상위

목록

SEARCH

MENU NAVIGATION