헬라어 문장 검색 - ΣτραβόΓεογραπ́04́04́002́

(스트라본, 지리학, book 4, chapter 4 2:)

μετὰ δὲ τὰ λεχθέντα ἔθνη τὰ λοιπὰ Βελγῶν ἐστιν ἔθνη τῶν παρωκεανιτῶν, ὧν Ουἔνετοι μέν εἰσιν οἱ ναυμαχήσαντεσ πρὸσ Καίσαρα· ἕτοιμοι γὰρ ἦσαν κωλύειν τὸν εἰσ τὴν Βρεττανικὴν πλοῦν χρώμενοι τῷ ἐμπορίῳ. κατεναυμάχησε δὲ ῥᾳδίωσ, οὐκ ἐμβόλοισ χρώμενοσ ἦν γὰρ παχέα τὰ ξύλα ἀλλ’ ἀνέμῳ φερομένων ἐπ’ αὐτὸν κατέσπων οἱ Ῥωμαῖοι τὰ ἱστία δορυδρεπάνοισ· ἦν γὰρ σκύτινα διὰ τὴν βίαν τῶν ἀνέμων· ἁλύσεισ δ’ ἔτεινον ἀντὶ κάλων. πλατύπυγα δὲ ποιοῦσι καὶ ὑψίπρυμνα καὶ ὑψόπρῳρα διὰ τὰσ ἀμπώτεισ, δρυί̈νησ ὕλησ ἧσ ἐστιν εὐπορία· διόπερ οὐ συνάγουσι τὰσ ἁρμονίασ τῶν σανίδων, ἀλλ’ ἀραιώματα καταλείπουσι· ταῦτα δὲ βρύοισ διανάττουσι τοῦ μὴ κατὰ τὰσ νεωλκίασ καπυροῦσθαι τὴν ὕλην μὴ νοτιζομένην, τοῦ μὲν βρύου νοτιωτέρου ὄντοσ τῇ φύσει, τῆσ δὲ δρυὸσ ξηρᾶσ καὶ ἀλιποῦσ. τούτουσ οἶμαι τοὺσ Ουἐνέτουσ οἰκιστὰσ εἶναι τῶν κατὰ τὸν Ἀδρίαν· καὶ γὰρ οἱ ἄλλοι πάντεσ σχεδόν τι οἱ ἐν τῇ Ἰταλίᾳ Κελτοὶ μετανέστησαν ἐκ τῆσ ὑπὲρ τῶν Ἄλπεων γῆσ, καθάπερ καὶ οἱ Βόιοι καὶ Σένονεσ· διὰ δὲ τὴν ὁμωνυμίαν Παφλαγόνασ φασὶν αὐτούσ. λέγω δ’ οὐκ ἰσχυριζόμενοσ· ἀρκεῖ γὰρ περὶ τῶν τοιούτων τὸ εἰκόσ. Ὀσίσμιοι δ’ εἰσίν, οὓσ [Ὠσ]τιμίουσ ὀνομάζει Πυθέασ, ἐπί τινοσ προπεπτωκυίασ ἱκανῶσ ἄκρασ εἰσ τὸν ὠκεανὸν οἰκοῦντεσ, οὐκ ἐπὶ τοσοῦτον δὲ ἐφ’ ὅσον ἐκεῖνοσ φησι καὶ οἱ πιστεύσαντεσ ἐκείνῳ. τῶν δὲ μεταξὺ ἐθνῶν τοῦ τε Σηκοάνα καὶ τοῦ Λίγηροσ οἱ μὲν τοῖσ Σηκοανοῖσ οἱ δὲ τοῖσ Ἀρουέρνοισ ὁμοροῦσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Strabo, Geography, book 4, chapter 4 2:

(스트라본, 지리학, book 4, chapter 4 2:)

상위

목록

SEARCH

MENU NAVIGATION