헬라어 문장 검색 - ΣτραβόΓεογραπ́01́04́010́

(스트라본, 지리학, book 1, chapter 4 10:)

διαμαρτὼν δὲ τοῦ πλάτουσ ἠνάγκασται καὶ τοῦ μήκουσ ἀστοχεῖν. προστίθησί τε τοῖσ εἰρημένοισ τοῦ μήκουσ διαστήμασιν ἄλλουσ σταδίουσ δισχιλίουσ μὲν πρὸσ τῇ δύσει, δισχιλίουσ δὲ πρὸσ τῇ ἀνατολῇ, ἵνα σώσῃ τὸ πλέον ἢ διπλάσιον τὸ μῆκοσ τοῦ πλάτουσ εἶναι. ὅτι μὲν γὰρ πλέον ἢ διπλάσιον τὸ γνώριμον μῆκόσ ἐστι τοῦ γνωρίμου πλάτουσ, ὁμολογοῦσι καὶ οἱ ὕστερον καὶ τῶν παλαιῶν οἱ χαριέστατοι· λέγω δὲ τὸ ἀπὸ τῶν ἄκρων τῆσ Ἰνδικῆσ ἐπὶ τὰ ἄκρα τῆσ Ἰβηρίασ, τοῦ ἀπ’ Αἰθιόπων ἑώσ τοῦ κατὰ Ιἔρνην κύκλου. ὁρίσασ δὲ τὸ λεχθὲν πλάτοσ, τὸ ἀπὸ τῶν ἐσχάτων Αἰθιόπων μέχρι τοῦ διὰ Θούλησ ἐκτείνει πλέον ἢ δεῖ τὸ μῆκοσ, ἵνα ποιήσῃ πλέον ἢ διπλάσιον τοῦ λεχθέντοσ πλάτουσ. φησὶ δ’ οὖν τὸ μὲν τῆσ Ἰνδικῆσ μέχρι τοῦ Ἰνδοῦ ποταμοῦ τὸ στενώτατον σταδίων μυρίων ἑξακισχιλίων τὸ γὰρ ἐπὶ τὰ ἀκρωτήρια τεῖνον τρισχιλίοισ εἶναι μεῖζον, τὸ δὲ ἔνθεν ἐπὶ Κασπίουσ πύλασ μυρίων τετρακισχιλίων, εἶτ’ ἐπὶ τὸν Εὐφράτην μυρίων, ἐπὶ δὲ τὸν Νεῖλον ἀπὸ τοῦ Εὐφράτου πεντακισχιλίων, ἄλλουσ δὲ χιλίουσ καὶ τριακοσίουσ μέχρι Κανωβικοῦ στόματοσ, εἶτα μέχρι τῆσ Καρχηδόνοσ μυρίουσ τρισχιλίουσ πεντακοσίουσ, εἶτα μέχρι στηλῶν ὀκτακισχιλίουσ τοὐλάχιστον· ὑπεραίρειν δὴ τῶν ἑπτὰ μυριάδων ὀκτακοσίουσ. δεῖν δὲ ἔτι προσθεῖναι τὸ ἐκτὸσ Ἡρακλείων στηλῶν κύρτωμα τῆσ Εὐρώπησ, ἀντικείμενον μὲν τοῖσ Ἴβηρσι προπεπτωκὸσ δὲ πρὸσ τὴν ἑσπέραν, οὐκ ἔλαττον σταδίων τρισχιλίων, καὶ τὰ ἀκρωτήρια τά τε ἄλλα καὶ τὸ τῶν Ὠστιμίων, ὃ καλεῖται Κάβαιον, καὶ τὰσ κατὰ τοῦτο νήσουσ, ὧν τὴν ἐσχάτην Οὐξισάμην φησὶ Πυθέασ ἀπέχειν ἡμερῶν τριῶν πλοῦν. ταῦτα δ’ εἰπὼν τὰ τελευταῖα οὐδὲν πρὸσ τὸ μῆκοσ συντείνοντα προσέθηκε τὰ περὶ τῶν ἀκρωτηρίων καὶ τῶν Ὠστιμίων καὶ τῆσ Οὐξισάμησ καὶ ὧν φησι νήσων· ταῦτα γὰρ πάντα προσάρκτιά ἐστι καὶ Κελτικά, οὐκ Ἰβηρικά, μᾶλλον δὲ Πυθέου πλάσματα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Strabo, Geography, book 1, chapter 4 10:

(스트라본, 지리학, book 1, chapter 4 10:)

상위

목록

SEARCH

MENU NAVIGATION