호흡부호 보기
강세부호 보기
장단부호 보기
작은 Iota 보기
모든 부호 보기
τῆσ τοῦ φιλοσόφου πραγματείασ εἶναι νομίζομεν, εἴπερ ἄλλην τινά, καὶ τὴν γεωγραφικήν, ἣν νῦν προῃρήμεθα ἐπισκοπεῖν. ὅτι δ’ οὐ φαύλωσ νομίζομεν ἐκ πολλῶν δῆλον· οἵ τε γὰρ πρῶτοι θαρρήσαντεσ αὐτῆσ ἅψασθαι τοιοῦτοί τινεσ ὑπῆρξαν, Ὅμηρόσ τε καὶ Ἀναξίμανδροσ ὁ Μιλήσιοσ καὶ Ἑκαταῖοσ, ὁ πολίτησ αὐτοῦ, καθὼσ καὶ Ἐρατοσθένησ φησί· καὶ Δημόκριτοσ δὲ καὶ Εὔδοξοσ καὶ Δικαίαρχοσ καὶ Ἔφοροσ καὶ ἄλλοι πλείουσ· ἔτι δὲ οἱ μετὰ τούτουσ, Ἐρατοσθένησ τε καὶ Πολύβιοσ καὶ Ποσειδώνιοσ, ἄνδρεσ φιλόσοφοι. ἥ τε πολυμάθεια, δι’ ἧσ μόνησ ἐφικέσθαι τοῦδε τοῦ ἔργου δυνατόν, οὐκ ἄλλου τινόσ ἐστιν ἢ τοῦ τὰ θεῖα καὶ τὰ ἀνθρώπεια ἐπιβλέποντοσ, ὧνπερ τὴν φιλοσοφίαν ἐπιστήμην φασίν. ὡσ δ’ αὕτωσ καὶ ἡ ὠφέλεια ποικίλη τισ οὖσα, ἡ μὲν πρὸσ τὰ πολιτικὰ καὶ τὰσ ἡγεμονικὰσ πράξεισ, ἡ δὲ πρὸσ ἐπιστήμην τῶν τε οὐρανίων καὶ τῶν ἐπὶ γῆσ καὶ θαλάττησ ζῴων καὶ φυτῶν καὶ καρπῶν καὶ τῶν ἄλλων ὅσα ἰδεῖν παρ’ ἑκάστοισ ἔστι, τὸν αὐτὸν ὑπογράφει ἄνδρα, τὸν φροντίζοντα τῆσ περὶ τὸν βίον τέχνησ καὶ εὐδαιμονίασ.
호흡부호 보기
강세부호 보기
장단부호 보기
작은 Iota 보기
모든 부호 보기