헬라어 문장 검색 - Σοπηοξ́Αςαχ́09́0́0́

(소포클레스, Ajax, episode)

ἅπανθ’ ὁ μακρὸσ κἀναρίθμητοσ χρόνοσ φύει τ’ ἄδηλα καὶ φανέντα κρύπτεται· κοὐκ ἔστ’ ἀέλπτον οὐδέν, ἀλλ’ ἁλίσκεται χὠ δεινὸσ ὁρ́κοσ χαἰ περισκελεῖσ φρένεσ. κἀγὼ γάρ, ὃσ τὰ δείν’ ἐκαρτέρουν τότε, βαφῇ σίδηροσ ὣσ ἐθηλύνθην στόμα πρὸσ τῆσδε τῆσ γυναικόσ· οἰκτίρω δέ νιν χήραν παρ’ ἐχθροῖσ παῖδά τ’ ὀρφανὸν λιπεῖν. ἀλλ’ εἶμι πρόσ τε λουτρὰ καὶ παρακτίουσ λειμῶνασ, ὡσ ἂν λύμαθ’ ἁγνίσασ ἐμὰ μῆνιν βαρεῖαν ἐξαλύξωμαι θεᾶσ· μολών τε χῶρον ἔνθ’ ἂν ἀστιβῆ κίχω, κρύψω τόδ’ ἔγχοσ τοὐμόν, ἔχθιστον βελῶν, γαίασ ὀρύξασ ἔνθα μή τισ ὄψεται· ἀλλ’ αὐτὸ νὺξ Αἵδησ τε σῳζόντων κάτω. ἐγὼ γὰρ ἐξ οὗ χειρὶ τοῦτ’ ἐδεξάμην παρ’ Ἕκτοροσ δώρημα δυσμενεστάτου, οὔπω τι κεδνὸν ἔσχον Ἀργείων πάρα. ἀλλ’ ἔστ’ ἀληθὴσ ἡ βροτῶν παροιμία, ἐχθρῶν ἄδωρα δῶρα κοὐκ ὀνήσιμα. τοιγὰρ τὸ λοιπὸν εἰσόμεσθα μὲν θεοῖσ εἴκειν, μαθησόμεσθα δ’ Ἀτρείδασ σέβειν. ἄρχοντέσ εἰσιν, ὥσθ’ ὑπεικτέον. τί μήν; καὶ γὰρ τὰ δεινὰ καὶ τὰ καρτερώτατα ἕτοιμ’ ὑπείκει· τοῦτο μὲν νιφοστιβεῖσ χειμῶνεσ ἐκχωροῦσιν εὐκάρπῳ θέρει· ἐξίσταται δὲ νυκτὸσ αἰανὴσ κύκλοσ τῇ λευκοπώλῳ φέγγοσ ἡμέρᾳ φλέγειν· δεινῶν τ’ ἀήμα πνευμάτων ἐκοίμισε στένοντα πόντον· ἐν δ’ ὁ παγκρατὴσ ὕπνοσ λύει πεδήσασ, οὐδ’ ἀεὶ λαβὼν ἔχει. ἡμεῖσ δὲ πῶσ οὐ γνωσόμεσθα σωφρονεῖν; ἔγωγ’· ἐπίσταμαι γὰρ ἀρτίωσ ὅτι ὅ τ’ ἐχθρὸσ ἡμῖν ἐσ τοσόνδ’ ἐχθαρτέοσ, ὡσ καὶ φιλήσων αὖθισ, ἔσ τε τὸν φίλον τοσαῦθ’ ὑπουργῶν ὠφελεῖν βουλήσομαι, ὡσ αἰὲν οὐ μενοῦντα· τοῖσ πολλοῖσι γὰρ βροτῶν ἄπιστόσ ἐσθ’ ἑταιρείασ λιμήν. ἀλλ’ ἀμφὶ μὲν τούτοισιν εὖ σχήσει· σὺ δὲ ἔσω θεοῖσ ἐλθοῦσα διὰ τάχουσ, γύναι, εὔχου τελεῖσθαι τοὐμὸν ὧν ἐρᾷ κέαρ. ὑμεῖσ δ’, ἑταῖροι, ταὐτὰ τῇδέ μοι τάδε τιμᾶτε, Τεύκρῳ τ’, ἢν μόλῃ, σημήνατε μέλειν μὲν ἡμῶν, εὐνοεῖν δ’ ὑμῖν ἅμα. ἐγὼ γὰρ εἶμ’ ἐκεῖσ’ ὅποι πορευτέον· ὑμεῖσ δ’ ἃ φράζω δρᾶτε, καὶ τάχ’ ἄν μ’ ἴσωσ πύθοισθε, κεἰ νῦν δυστυχῶ, σεσωσμένον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Sophocles, Ajax, episode

(소포클레스, Ajax, episode)

상위

목록

SEARCH

MENU NAVIGATION