헬라어 문장 검색 - Σοπηοξ́Αςαχ́05́

(소포클레스, Ajax, episode)

ἀλλ’ εἰ πέπαυται, κάρτ’ ἂν εὐτυχεῖν δοκῶ· φρούδου γὰρ ἤδη τοῦ κακοῦ μείων λόγοσ. πότερα δ’ ἄν, εἰ νέμοι τισ αἱρ́εσιν, λάβοισ, φίλουσ ἀνιῶν αὐτὸσ ἡδονὰσ ἔχειν, ἢ κοινὸσ ἐν κοινοῖσι λυπεῖσθαι ξυνών; τό τοι διπλάζον, ὦ γύναι, μεῖζον κακόν. ἡμεῖσ ἄρ’ οὐ νοσοῦντεσ ἀτώμεσθα νῦν. πῶσ τοῦτ’ ἔλεξασ; οὐ κάτοιδ’ ὅπωσ λέγεισ. ἁνὴρ ἐκεῖνοσ, ἡνίκ’ ἦν ἐν τῇ νόσῳ, αὐτὸσ μὲν ἥδεθ’ οἷσιν εἴχετ’ ἐν κακοῖσ, ἡμᾶσ δὲ τοὺσ φρονοῦντασ ἠνία ξυνών· νῦν δ’ ὡσ ἔληξε κἀνέπνευσε τῆσ νόσου, κεῖνόσ τε λύπῃ πᾶσ ἐλήλαται κακῇ ἡμεῖσ θ’ ὁμοίωσ οὐδὲν ἧσσον ἢ πάροσ. ἆρ’ ἔστι ταῦτα δὶσ τόσ’ ἐξ ἁπλῶν κακά; ξύμφημι δή σοι καὶ δέδοικα μὴ ’κ θεοῦ πληγή τισ ἥκῃ. πῶσ γάρ, εἰ πεπαυμένοσ μηδέν τι μᾶλλον ἢ νοσῶν εὐφραίνεται; ὡσ ὧδ’ ἐχόντων τῶνδ’ ἐπίστασθαί σε χρή. τίσ γάρ ποτ’ ἀρχὴ τοῦ κακοῦ προσέπτατο; δήλωσον ἡμῖν τοῖσ ξυναλγοῦσιν τύχασ. ἅπαν μαθήσει τοὔργον ὡσ κοινωνὸσ ὤν. κεῖνοσ γὰρ ἄκρασ νυκτόσ, ἡνίχ’ ἕσπεροι λαμπτῆρεσ οὐκέτ’ ᾖθον, ἄμφηκεσ λαβὼν ἐμαίετ’ ἔγχοσ ἐξόδουσ ἑρ́πειν κενάσ. κἀγὼ ’πιπλήσσω καὶ λέγω· τί χρῆμα δρᾷσ, Αἰάσ; τί τήνδ’ ἄκλητοσ οὔθ’ ὑπ’ ἀγγέλων κληθεὶσ ἀφορμᾷσ πεῖραν οὔτε τοῦ κλύων σάλπιγγοσ; ἀλλὰ νῦν γε πᾶσ εὕδει στρατόσ. ὁ δ’ εἶπε πρόσ με βαί’, ἀεὶ δ’ ὑμνούμενα· γύναι, γυναιξὶ κόσμον ἡ σιγὴ φέρει. κἀγὼ μαθοῦσ’ ἔληξ’, ὁ δ’ ἐσσύθη μόνοσ. καὶ τὰσ ἐκεῖ μὲν οὐκ ἔχω λέγειν πάθασ· ἔσω δ’ ἐσῆλθε συνδέτουσ ἄγων ὁμοῦ ταύρουσ, κύνασ βοτῆρασ, εὐέρόν τ’ ἄγραν. καὶ τοὺσ μὲν ηὐχένιζε, τοὺσ δ’ ἄνω τρέπων ἔσφαζε κἀρράχιζε, τοὺσ δὲ δεσμίουσ ᾐκίζεθ’ ὥστε φῶτασ ἐν ποίμναισ πίτνων. τέλοσ δ’ ὑπᾴξασ διὰ θυρῶν σκιᾷ τινι λόγουσ ἀνέσπα, τοὺσ μὲν Ἀτρειδῶν κάτα, τοὺσ δ’ ἀμφ’ Ὀδυσσεῖ, συντιθεὶσ γέλων πολύν, ὅσην κατ’ αὐτῶν ὕβριν ἐκτίσαιτ’ ἰών· κἄπειτ’ ἐπᾴξασ αὖθισ ἐσ δόμουσ πάλιν, ἔμφρων μόλισ πωσ ξὺν χρόνῳ καθίσταται, καὶ πλῆρεσ ἄτησ ὡσ διοπτεύει στέγοσ, παίσασ κάρα ’θώϋξεν· ἐν δ’ ἐρειπίοισ νεκρῶν ἐρειφθεὶσ ἕζετ’ ἀρνείου φόνου, κόμην ἀπρὶξ ὄνυξι συλλαβὼν χερί. καὶ τὸν μὲν ἧστο πλεῖστον ἄφθογγοσ χρόνον· ἔπειτ’ ἐμοὶ τὰ δείν’ ἐπηπείλησ’ ἔπη, εἰ μὴ φανοίην πᾶν τὸ συντυχὸν πάθοσ, κἀνήρετ’ ἐν τῷ πράγματοσ κυροῖ ποτέ. κἀγώ, φίλοι, δείσασα τοὐξειργασμένον ἔλεξα πᾶν ὅσονπερ ἐξηπιστάμην. ὁ δ’ εὐθὺσ ἐξῴμωξεν οἰμωγὰσ λυγράσ, ἃσ οὔποτ’ αὐτοῦ πρόσθεν εἰσήκουσ’ ἐγώ· πρὸσ γὰρ κακοῦ τε καὶ βαρυψύχου γόουσ τοιούσδ’ ἀεί ποτ’ ἀνδρὸσ ἐξηγεῖτ’ ἔχειν· ἀλλ’ ἀψόφητοσ ὀξέων κωκυμάτων ὑπεστέναζε ταῦροσ ὣσ βρυχώμενοσ. νῦν δ’ ἐν τοιᾷδε κείμενοσ κακῇ τύχῃ ἄσιτοσ ἁνήρ, ἄποτοσ, ἐν μέσοισ βοτοῖσ σιδηροκμῆσιν ἥσυχοσ θακεῖ πεσών· καὶ δῆλόσ ἐστιν ὥσ τι δρασείων κακόν. τοιαῦτα γάρ πωσ καὶ λέγει κὠδύρεται. ἀλλ’, ὦ φίλοι, τούτων γὰρ οὕνεκ’ ἐστάλην, ἀρήξατ’ εἰσελθόντεσ, εἰ δύνασθέ τι· φίλων γὰρ οἱ τοιοίδε νικῶνται λόγοισ. Τέκμησσα, δεινά, παῖ Τελεύταντοσ, λέγεισ ἡμῖν, τὸν ἄνδρα διαπεφοιβάσθαι κακοῖσ.

ἰώ μοί μοι. τάχ’, ὡσ ἐοίκε, μᾶλλον· ἢ οὐκ ἠκούσατε Αἰάντοσ οἱάν τήνδε θωύ̈σσει βοήν; ἰώ μοί μοι. ἁνὴρ ἐοίκεν ἢ νοσεῖν ἢ τοῖσ πάλαι νοσήμασιν ξυνοῦσι λυπεῖσθαι παρών. ἰὼ παῖ παῖ. ὤμοι τάλαιν’· Εὐρύσακεσ, ἀμφὶ σοὶ βοᾷ. τί ποτε μενοινᾷ; ποῦ ποτ’ εἶ; τάλαιν’ ἐγώ. Τεῦκρον καλῶ. ποῦ Τεῦκροσ; ἢ τὸν εἰσαεὶ λεηλατήσει χρόνον, ἐγὼ δ’ ἀπόλλυμαι; ἁνὴρ φρονεῖν ἐοίκεν. ἀλλ’ ἀνοίγετε. τάχ’ ἄν τιν’ αἰδῶ κἀπ’ ἐμοὶ βλέψασ λάβοι. ἰδού, διοίγω· προσβλέπειν δ’ ἔξεστί σοι τὰ τοῦδε πράγη, καὐτὸσ ὡσ ἔχων κυρεῖ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Sophocles, Ajax, episode

(소포클레스, Ajax, episode)

상위

목록

SEARCH

MENU NAVIGATION