헬라어 문장 검색 - Πλυταρ́Δεσεραν́03́0́00́

(플루타르코스, De sera numinis vindicta, section 3)

"ὦ Πατροκλέα, πηλίκον αἱ περὶ ταῦτα τοῦ θείου διατριβαὶ καὶ μελλήσεισ ἄτοπον ἔχουσιν, ὅτι τὴν πίστιν, ἡ βραδυτὴσ ἀφαιρεῖται τῆσ προνοίασ, καὶ τὸ μὴ παρ’ ἕκαστον ἀδίκημα τοῖσ πονηροῖσ ἐπακολουθοῦν κακὸν ἀλλ’ ὕστερον εἰσ ἀτυχήματοσ χώραν τιθέμενοι, καὶ συμφορὰν οὐ τιμωρίαν ὀνομάζοντεσ, οὐδὲν ὠφελοῦνται, τοῖσ μὲν συμβαίνουσιν ἀχθόμενοι τοῖσ δὲ πεπραγμένοισ μὴ μεταμελόμενοι; "καθάπερ γὰρ ἵππον ἡ παραχρῆμα τὸ πταῖσμα καὶ τὴν ἁμαρτίαν διώκουσα πληγὴ καὶ νύξισ ἐπανορθοῖ καὶ μετάγει πρὸσ τὸ δέον, οἱ δ’ ὕστερον καὶ μετὰ χρόνον σπαραγμοὶ καὶ ἀνακρούσεισ καὶ περιψοφήσεισ ἑτέρου τινὸσ ἕνεκα μᾶλλον δοκοῦσι, γίγνεσθαι ἢ διδασκαλίασ, διὸ τὸ λυποῦν ἄνευ τοῦ παιδεύειν ἔχουσιν· "οὕτωσ ἡ καθ’ ἕκαστον ὧν πταίει καὶ προσπίπτει ῥαπιζομένη καὶ ἀνακρουομένη τῷ κολάζεσθαι κακία μάλιστ’ ἂν γένοιτο σύννουσ καὶ ταπεινὴ καὶ κατάφοβοσ πρὸσ τὸν θεόν, ὡσ ἐφεστῶτα τοῖσ ἀνθρωπίνοισ πράγμασι καὶ πάθεσιν οὐχ ὑπερήμερον δικαιωτήν· "ἡ δ’ ἀτρέμα καὶ βραδεῖ ποδί κατ’ Εὐριπίδην καὶ ὡσ ἔτυχεν ἐπιπίπτουσα Δίκη τοῖσ πονηροῖσ ταὐτομάτῳ μᾶλλον ἢ τῷ κατὰ πρόνοιαν ὅμοιον ἔχει τὸ πεπλανημένον καὶ ὑπερήμερον καὶ ἄτακτον. "ὥστ’ οὐχ ὁρῶ, τί χρήσιμον ἔνεστι τοῖσ ὀψὲ δὴ τούτοισ ἀλεῖν λεγομένοισ μύλοισ τῶν θεῶν καὶ ποιοῦσι τὴν δίκην ἀμαυρὰν καὶ τὸν φόβον ἐξίτηλον τῆσ κακίασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De sera numinis vindicta, section 3

(플루타르코스, De sera numinis vindicta, section 3)

상위

목록

SEARCH

MENU NAVIGATION