Plutarch, De garrulitate, section 8 5:

ὅθεν ὁ Πιττακὸσ οὐ κακῶσ, τοῦ Αἰγυπτίων βασιλέωσ πέμψαντοσ ἱερεῖον αὐτῷ καὶ κελεύσαντοσ τὸ κάλλιστον καὶ χείριστον ἐξελεῖν κρέασ, ἔπεμψεν ἐξελὼν τὴν γλῶτταν ὡσ ὄργανον μὲν ἀγαθῶν ὄργανον δὲ κακῶν τῶν μεγίστων οὖσαν, ἡ δ’ Εὐριπίδειοσ Ἰνὼ παρρησίαν ἄγουσα περὶ αὑτῆσ εἰδέναι φησί, σιγᾶν θ’ ὅπου δεῖ καὶ λέγειν ἵν’ ἀσφαλέσ. οἱ γὰρ εὐγενοῦσ καὶ βασιλικῆσ τῷ ὄντι παιδείασ τυχόντεσ πρῶτον σιγᾶν εἶτα λαλεῖν μανθάνουσιν.