헬라어 문장 검색 - Πλυταρ́Δεδεφεξ́40́0́0́

(플루타르코스, De defectu oraculorum, section 40)

"ταύτην οὖν ἔχουσαι τὴν δύναμιν αἱ ψυχαὶ σύμφυτον μὲν ἀλλ’ ἀμυδρὰν καὶ δυσφάνταστον, ὅμωσ ἐξανθοῦσι πολλάκισ καὶ ἀναλαμβάνουσιν ἔν τε τοῖσ ἐνυπνίοισ καὶ περὶ τὰσ τελευτὰσ ἔνιαι, καθαροῦ γιγνομένου τοῦ σώματοσ ἤ τινα κρᾶσιν οἰκείαν πρὸσ τοῦτο λαμβάνοντοσ, ἢ τῷ τὸ λογιστικὸν καὶ φροντιστικὸν ἀνίεσθαι καὶ ἀπολύεσθαι τῶν παρόντων τῷ ἀλόγῳ καὶ φαντασιαστικῷ τοῦ μέλλοντοσ ἐπιστρεφόμεναι. "οὐ γάρ, ὡσ ὁ Εὐριπίδησ φησί, μάντισ δ’ ἄριστοσ ὅστισ εἰκάζει καλῶσ,’ ἀλλ’ οὗτοσ ἔμφρων μὲν ἀνὴρ καὶ τῷ νοῦν ἔχοντι τῆσ ψυχῆσ καὶ μετ’ εἰκότοσ ἡγουμένῳ καθ’ ὁδὸν ἑπόμενοσ. "τὸ δὲ μαντικὸν ὥσπερ γραμματεῖον ἄγραφον καὶ ἄλογον καὶ ἀόριστον ἐξ αὑτοῦ, δεκτικὸν δὲ φαντασιῶν πάθεσι καὶ προαισθήσεων, ἀσυλλογίστωσ ἅπτεται τοῦ μέλλοντοσ, ὅταν ἐκστῇ μάλιστα τοῦ παρόντοσ. "ἐξίσταται δὲ κράσει καὶ διαθέσει τοῦ σώματοσ, ἐν μεταβολῇ γιγνόμενον, ὃν ἐνθουσιασμὸν καλοῦμεν. "αὐτὸ μὲν οὖν ἐξ αὑτοῦ τὸ σῶμα τοιαύτην πολλάκισ ἴσχει διάθεσιν ἡ δὲ γῆ πολλῶν μὲν ἄλλων δυνάμεων πηγὰσ ἀνίησιν ἀνθρώποισ, τὰσ μὲν ἐκστατικὰσ καὶ νοσώδεισ καὶ θανατηφόρουσ τὰσ δὲ χρηστὰσ καὶ προσηνεῖσ καὶ ὠφελίμουσ, ὡσ δῆλαι γίγνονται πείρᾳ προστυγχάνουσι. "τὸ δὲ μαντικὸν ῥεῦμα καὶ πνεῦμα θειότατόν ἐστι καὶ ὁσιώτατον, ἄν τε καθ’ ἑαυτὸ δι’ ἀέροσ ἄν τε μεθ’ ὑγροῦ νάματοσ ἀναφέρηται. "καταμιγνύμενον γὰρ εἰσ τὸ σῶμα κρᾶσιν ἐμποιεῖ ταῖσ ψυχαῖσ ἀήθη καὶ ἄτοπον, ἧσ τὴν ἰδιότητα χαλεπὸν εἰπεῖν σαφῶσ, εἰκάσαι δὲ πολλαχῶσ ὁ λόγοσ δίδωσι. "θερμότητι γὰρ καὶ διαχύσει πόρουσ; "τινὰσ ἀνοίγειν φανταστικοὺσ τοῦ μέλλοντοσ εἰκόσ ἐστιν, ὡσ οἶνοσ ἀναθυμιαθεὶσ ἕτερα πολλὰ κινήματα καὶ λόγουσ ἀποκειμένουσ καὶ λανθάνοντασ ἀποκαλύπτει τὸ γὰρ βακχεύσιμον καὶ τὸ μανιῶδεσ μαντικὴν πολλὴν ἔχει κατ’ Εὐριπίδην, ὅταν ἔνθερμοσ ἡ ψυχὴ γενομένη καὶ πυρώδησ ἀπώσηται τὴν εὐλάβειαν, ἣν ἡ θνητὴ φρόνησισ ἐπάγουσα πολλάκισ ἀποστρέφει καὶ κατασβέννυσι τὸν ἐνθουσιασμόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De defectu oraculorum, section 40

(플루타르코스, De defectu oraculorum, section 40)

상위

목록

SEARCH

MENU NAVIGATION