헬라어 문장 검색 - Πλυταρ́Δεδεφεξ́39́0́2́

(플루타르코스, De defectu oraculorum, section 39 2:)

"καὶ μὴν ἀπὸ τύχησ τινόσ, ὦ Ἀμμώνιε, τοῖσ τότε λόγοισ αὐτὸσ ἀρχήν τινα καὶ πάροδον ἐνδέδωκασ. "εἰ γὰρ αἱ διακριθεῖσαι σώματοσ ἢ μὴ μετασχοῦσαι τὸ παράπαν ψυχαὶ δαίμονέσ εἰσι κατὰ σὲ καὶ τὸν θεῖον Ἡσίοδον ἁγνοὶ ἐπιχθόνιοι φύλακεσ θνητῶν ἀνθρώπων διὰ τί τὰσ ἐν τοῖσ σώμασι ψυχὰσ; "ἐκείνησ τῆσ δυνάμεωσ ἀποστεροῦμεν, ᾗ τὰ μέλλοντα καὶ προγιγνώσκειν πεφύκασι καὶ προδηλοῦν οἱ δαίμονεσ; "οὔτε γὰρ δύναμιν οὔτε μέροσ οὐδὲν ἐπιγίγνεσθαι ταῖσ ψυχαῖσ, ὅταν ἀπολίπωσι τὸ σῶμα , μὴ κεκτημέναισ πρότερον εἰκόσ ἐστιν· "ἀλλ’ ἀεὶ μὲν ἔχειν ἔχειν δὲ φαυλότερα τῷ σώματι μεμιγμένασ, καὶ τὰ μὲν ὅλωσ ἄδηλα καὶ κεκρυμμένα τὰ δ’ ἀσθενῆ καὶ ἀμαυρὰ καὶ τοῖσ δι’ ὁμίχλησ ὁρῶσιν ἢ κινουμένοισ ἐν ὑγρῷ παραπλησίωσ δύσεργα καὶ βραδέα, καὶ πολλὴν ποθοῦντα θεραπείαν τοῦ οἰκείου καὶ ἀνάληψιν ἀφαίρεσιν δὲ καὶ κάθαρσιν τοῦ καλύπτοντοσ. "ὥσπερ γὰρ ὁ ἥλιοσ οὐχ ὅταν διαφύγῃ τὰ νέφη γίγνεται λαμπρόσ, ἀλλ’ ἔστι μὲν ἀεὶ φαίνεται δ’ ἡμῖν ἐν ὁμίχλῃ δυσφαὴσ καὶ ἀμαυρόσ· "οὕτωσ ἡ ψυχὴ τὴν μαντικὴν οὐκ ἐπικτᾶται δύναμιν ἐκβᾶσα τοῦ σώματοσ ὥσπερ νέφουσ, ἀλλ’ ἔχουσα καὶ νῦν τυφλοῦται διὰ τὴν πρὸσ τὸ θνητὸν ἀνάμιξιν αὐτῆσ καὶ σύγχυσιν. "οὐ δεῖ δὲ θαυμάζειν οὐδ’ ἀπιστεῖν ὁρῶντασ, εἰ μηδὲν ἄλλο, τῆσ ψυχῆσ τὴν ἀντίστροφον τῇ μαντικῇ δύναμιν, ἣν μνήμην καλοῦμεν, ἡλίκον ἔργον ἀποδείκνυται τῷ σῴζειν τὰ παρῳχημένα καὶ φυλάττειν, μᾶλλον δὲ τὰ μηδὲ ὄντα· "τῶν γὰρ γεγονότων οὐδὲν ἔστιν οὐδ’ ὑφέστηκεν, ἀλλ’ ἅμα γίγνεται πάντα καὶ φθείρεται, καὶ πράξεισ καὶ λόγοι καὶ παθήματα, τοῦ χρόνου καθάπερ ῥεύματοσ ἕκαστα παραφέροντοσ αὕτη δὲ τῆσ ψυχῆσ ἡ δύναμισ οὐκ οἶδ’ ὅντινα τρόπον ἀντιλαμβανομένη τοῖσ μὴ παροῦσι φαντασίαν καὶ οὐσίαν περιτίθησιν. "ὁ μὲν γὰρ Θεσσαλοῖσ περὶ Ἄρνησ δοθεὶσ χρησμὸσ ἐκέλευε φράζειν κωφοῦ τ’ ἀκοὴν τυφλοῖό τε δέρξιν ἡ δὲ μνήμη καὶ κωφῶν πραγμάτων ἀκοὴ καὶ τυφλῶν ὄψισ ἡμῖν ἐστιν. "ὅθεν, ὡσ ἔφην, οὐκ ἔστι θαυμαστόν, εἰ κρατοῦσα τῶν μηκέτ’ ὄντων προλαμβάνει πολλὰ τῶν μηδέπω γεγονότων· "ταῦτα γὰρ αὐτῇ μᾶλλον προσήκει καὶ τούτοισ συμπαθήσ ἐστι· "καὶ γὰρ ἐπιβάλλεται καὶ προτίθεται πρὸσ τὰ μέλλοντα καὶ παρῳχημένων καὶ τέλοσ ἐχόντων ἀπήλλακται πλὴν τοῦ μνημονεύειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De defectu oraculorum, section 39 2:

(플루타르코스, De defectu oraculorum, section 39 2:)

상위

목록

SEARCH

MENU NAVIGATION