헬라어 문장 검색 - Πλυταρ́Δεδεφεξ́34́0́0́

(플루타르코스, De defectu oraculorum, section 34)

"πιθανώτερον οὐδὲν ἔχω λέγειν ἔν γε τῷ παρόντι· "βέλτιον δ’ ἴσωσ ἐστὶν ἰδίασ εὐθύνασ ὑπέχειν δόξησ ἢ ἀλλοτρίασ; ". λέγω τοίνυν αὖθισ ἐξ ἀρχῆσ, ὅτι δυεῖν ὑποκειμένων φύσεων, τῆσ μὲν αἰσθητῆσ ἐν γενέσει καὶ φθορᾷ μεταβόλου καὶ φορητῆσ ἄλλοτ’ ἄλλωσ, ἑτέρασ δ’ ἐν οὐσίᾳ νοητῆσ ἀεὶ κατὰ ταὐτὰ ὡσαύτωσ ἐχούσησ, δεινόν ἐστιν, ὦ ἑταῖρε, τὴν μὲν νοητὴν διωρίσθαι καὶ διαφορὰν ἔχειν ἐν ἑαυτῇ, τὴν δὲ σωματικὴν καὶ παθητικὴν εἰ μὴ μίαν τισ ἀπολείπει συμπεφυκυῖαν αὑτῇ καὶ συννεύουσαν ἀλλὰ χωρίζει καὶ διίστησιν, ἀγανακτεῖν καὶ δυσχεραίνειν. "τὰ γὰρ μόνιμα καὶ θεῖα δήπου μᾶλλον αὑτῶν ἔχεσθαι προσήκει καὶ φεύγειν ὡσ ἀνυστόν ἐστι τομὴν ἅπασαν καὶ διάστασιν. "ἀλλὰ καὶ τούτων ἡ τοῦ ἑτέρου δύναμισ ἁπτομένη μείζονασ ἐνείργασται τῶν κατὰ τόπον διαστάσεων τοῖσ νοητοῖσ τὰσ κατὰ λόγον καὶ ἰδέαν ἀνομοιότητασ. "ὅθεν ἐνιστάμενοσ τοῖσ ἓν τὸ πᾶν ἀποφαίνουσιν ὁ Πλάτων, τὸ τ’ ὂν εἶναί φησι καὶ τὸ ταὐτὸν καὶ τὸ ἕτερον, ἐπὶ πᾶσι δὲ κίνησιν καὶ στάσιν. "ὄντων οὖν πέντε τούτων , οὐ θαυμαστὸν ἦν, εἰ τῶν πέντε σωματικῶν στοιχείων ἐκείνων ἕκαστον ἑκάστου μίμημα τῇ φύσει; "καὶ εἴδωλόν ἐστι γεγενημένον οὐκ ἄμικτον οὐδ’ εἰλικρινέσ, ἀλλὰ τῷ μάλιστα μετέχειν ἕκαστον ἑκάστησ δυνάμεωσ. "ὁ μέν γε κύβοσ ἐμφανῶσ στάσεωσ οἰκεῖόν ἐστι σῶμα διὰ τὴν τῶν ἐπιπέδων ἀσφάλειαν καὶ βεβαιότητα· "τῆσ δὲ πυραμίδοσ πᾶσ ἄν τισ τὸ πυροειδὲσ καὶ κινητικὸν ἐν τῇ λεπτότητι τῶν πλευρῶν καὶ τῇ τῶν γωνιῶν ὀξύτητι κατανοήσειεν· "ἡ δὲ τοῦ δωδεκαέδρου φύσισ, περιληπτικὴ τῶν ἄλλων σχημάτων οὖσα τοῦ ὄντοσ εἰκὼν πρὸσ πᾶν ἂν τὸ σωματικὸν γεγονέναι δόξειε· "τῶν δὲ λοιπῶν δυεῖν τὸ μὲν εἰκοσάεδρον τῆσ τοῦ ἑτέρου τὸ δ’ ὀκτάεδρον μάλιστα τῆσ ταὐτοῦ μετείληχεν ἰδέασ. "διὸ τοῦτο μὲν ἀέρα σχετικὸν οὐσίασ πάσησ ἐν μιᾷ μορφῇ, θάτερον δ’ ὕδωρ ἐπὶ πλεῖστα τῷ κεράννυσθαι γένη ποιοτήτων τρεπόμενον παρεῖχεν. "εἴπερ οὖν ἡ φύσισ ἀπαιτεῖ τὴν ἰσονομίαν ἐν πᾶσι, καὶ κόσμουσ εἰκόσ ἐστι μήτε πλείουσ γεγονέναι μήτ’ ἐλάττουσ τῶν παραδειγμάτων, ὅπωσ ἕκαστον ἐν ἑκάστῳ τάξιν ἡγεμονικὴν ἔχῃ καὶ δύναμιν, ὥσπερ ἐν ταῖσ συστάσεσι τῶν σωμάτων ἔσχηκεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De defectu oraculorum, section 34

(플루타르코스, De defectu oraculorum, section 34)

상위

목록

SEARCH

MENU NAVIGATION