헬라어 문장 검색 - Πλυταρ́Δεδεφεξ́33́0́0́

(플루타르코스, De defectu oraculorum, section 33)

καὶ ὁ Ἀμμώνιοσ; "ταῦτα τῷ Θεοδώρῳ καὶ φιλοτίμωσ διαπεπόνηται θαυμάσαιμι δ’ ἄν, εἰ μὴ δόξειε χρῆσθαι λήμμασιν ἀναιρετικοῖσ ἀλλήλων. "ἀξιοῖ γὰρ ἅμα πᾶσι τοῖσ πέντε μὴ γίγνεσθαι τὴν σύστασιν, ἀλλὰ τὸ λεπτότατον ἀεὶ καὶ δι’ ἐλάττονοσ πραγματείασ συνιστάμενον προεκπίπτειν εἰσ γένεσιν. "εἶθ’ ὥσπερ ἀκόλουθον οὐ μαχόμενον τούτῳ τίθησι τὸ μὴ πᾶσαν ὕλην πρῶτον εἰσφέρειν τὸ λεπτότατον καὶ ἁπλούστατον, ἀλλ’ ἐνιαχῆ τὰ ἐμβριθῆ καὶ πολυμερῆ φθάνειν προανίσχοντα ταῖσ γενέσεσιν ἐκ τῆσ ὕλησ. "ἄνευ δὲ τούτου, πέντε σωμάτων πρώτων ὑποκειμένων καὶ διὰ τοῦτο κόσμων λεγομένων εἶναι τοσούτων, πρὸσ μόνα τὰ τέσσαρα τῇ πιθανότητι χρῆται, τὸν δὲ κύβον ὥσπερ ἐν παιδιᾷ ψήφων ὑφῄρηται, μήτ’ αὐτὸν εἰσ ἐκεῖνα μεταβάλλειν πεφυκότα μήτ’ ἐκείνοισ παρέχειν μεταβολὴν εἰσ ἑαυτόν, ἅτε δὴ τῶν τριγώνων οὐχ ὁμογενῶν ὄντων. "ἐκείνοισ μὲν γὰρ ὑπόκειται κοινὸν ἐν πᾶσι τὸ ἡμιτρίγωνον, ἐν τούτῳ δ’ ἴδιον μόνῳ τὸ ἰσοσκελέσ, οὐ ποιοῦν πρὸσ ἐκεῖνο σύννευσιν οὐδὲ σύγκρασιν ἑνωτικήν. εἴπερ οὖν πέντε σωμάτων ὄντων καὶ πέντε κόσμων, ἓν ἐν ἑκάστῳ τὴν ἡγεμονίαν ἔχει τῆσ γενέσεωσ, ὅπου γέγονεν ὁ κύβοσ πρῶτοσ, οὐδὲν ἔσται τῶν ἄλλων εἰσ οὐδὲν γὰρ ἐκείνων μεταβάλλειν πέφυκεν. "ἐῶ γάρ, ὅτι καὶ τὸ τοῦ καλουμένου δωδεκαέδρου στοιχεῖον ἄλλο ποιοῦσιν, οὐκ ἐκεῖνο τὸ σκαληνόν, ἐξ οὗ τὴν πυραμίδα καὶ τὸ ὀκτάεδρον καὶ τὸ εἰκοσάεδρον ὁ Πλάτων συνίστησιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De defectu oraculorum, section 33

(플루타르코스, De defectu oraculorum, section 33)

상위

목록

SEARCH

MENU NAVIGATION