헬라어 문장 검색 - Πλυταρ́Δεδεφεξ́28́0́0́

(플루타르코스, De defectu oraculorum, section 28)

"ὃν μὲν γὰρ ἔξω τοῦ κόσμου λίθον ὑποτίθενταί τινεσ οὔτε μονῆσ εὐπόρωσ παρέχει νόησιν οὔτε κινήσεωσ. "πῶσ γὰρ ἢ μενεῖ βάροσ ἔχων ἢ κινήσεται πρὸσ τὸν κόσμον, ὥσπερ τὰ λοιπὰ βάρη, μήτε μέροσ ὢν αὐτοῦ μήτε συντεταγμένοσ εἰσ τὴν οὐσίαν; "γῆν δ’ ἐν ἑτέρῳ κόσμῳ περιεχομένην καὶ συνδεδεμένην οὐκ ἔδει διαπορεῖν ὅπωσ οὐκ ἐνταῦθα μεταχωρεῖ διὰ βάροσ ἀπορραγεῖσα τοῦ ὅλου, τὴν φύσιν ὁρῶντασ καὶ τὸν τόνον ὑφ’ οὗ συνέχεται τῶν μερῶν ἕκαστον. "ἐπεὶ μὴ πρὸσ τὸν κόσμον ἀλλ’ ἐκτὸσ αὐτοῦ τὸ κάτω καὶ ἄνω λαμβάνοντεσ, ἐν ταῖσ αὐταῖσ ἀπορίαισ Ἐπικούρῳ γενησόμεθα κινοῦντι τὰσ ἀτόμουσ ἁπάσασ εἰσ τοὺσ ὑπὸ πόδασ τόπουσ, ὥσπερ ἢ τοῦ κενοῦ πόδασ ἔχοντοσ ἢ τῆσ ἀπειρίασ ἐν αὑτῇ κάτω τε καὶ ἄνω νοῆσαι διδούσησ, διὸ καὶ Χρύσιππον ἔστι θαυμάζειν, μᾶλλον δ’ ὅλωσ διαπορεῖν, ὅ τι δὴ παθὼν τὸν κόσμον ἐν μέσῳ φησὶν ἱδρῦσθαι, καὶ τὴν οὐσίαν αὐτοῦ τὸν μέσον τόπον ἀιδίωσ κατειληφυῖαν, οὐχ ἥκιστα τούτῳ συνείργεσθαι πρὸσ διαμονὴν καὶ οἱονεὶ ἀφθαρσίαν. "ταυτὶ γὰρ ἐν τῷ τετάρτῳ περὶ Δυνατῶν λέγει, μέσον τε τοῦ ἀπείρου τόπον οὐκ ὀρθῶσ ὀνειρώττων ἀτοπωτέραν τε τῆσ διαμονῆσ τοῦ κόσμου τῷ ἀνυπάρκτῳ μέσῳ τὴν αἰτίαν ὑποτιθείσ· "καὶ ταῦτα πολλάκισ εἰρηκὼσ ἑτέροισ, ὅτι ταῖσ εἰσ τὸ αὑτῆσ μέσον ἡ οὐσία καὶ ταῖσ ἀπὸ τοῦ αὑτῆσ μέσου διοικεῖται καὶ συνέχεται κινήσεσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De defectu oraculorum, section 28

(플루타르코스, De defectu oraculorum, section 28)

상위

목록

SEARCH

MENU NAVIGATION