헬라어 문장 검색 - Πλυταρ́Δεδεφεξ́10́0́0́

(플루타르코스, De defectu oraculorum, section 10)

"ὀρθῶσ λέγεισ ἀλλ’ ἐπεὶ λαβεῖν καὶ διορίσαι, πῶσ χρηστέον καὶ μέχρι τίνων τῇ προνοίᾳ, χαλεπόν, οἱ μὲν οὐδενὸσ; "ἁπλῶσ θεὸν οἱ δ’ ὁμοῦ τι πάντων αἴτιον ποιοῦντεσ ἀστοχοῦσι τοῦ μετρίου καὶ πρέποντοσ. "εὖ μὲν οὖν λέγουσι καὶ οἱ λέγοντεσ, ὅτι Πλάτων τὸ ταῖσ γεννωμέναισ ποιότησιν ὑποκείμενον στοιχεῖον ἐξευρών, ὃ νῦν ὕλην καὶ φύσιν καλοῦσιν, πολλῶν ἀπήλλαξε καὶ μεγάλων ἀποριῶν τοὺσ φιλοσόφουσ· "ἐμοὶ δὲ δοκοῦσι πλείονασ λῦσαι καὶ μείζονασ ἀπορίασ οἱ τὸ τῶν δαιμόνων γένοσ ἐν μέσῳ θέντεσ θεῶν καὶ ἀνθρώπων καὶ τρόπου τινὰ τὴν κοινωνίαν ἡμῶν συνάγον εἰσ ταὐτὸ καὶ συνάπτον ἐξευρόντεσ· "εἴτε μάγων τῶν περὶ Ζωροάστρην ὁ λόγοσ οὗτόσ ἐστιν, εἴτε Θρᾴκιοσ ἀπ’ Ὀρφέωσ εἴτ’ Αἰγύπτιοσ ἢ Φρύγιοσ, ὡσ τεκμαιρόμεθα ταῖσ ἑκατέρωθι τελεταῖσ ἀναμεμιγμένα πολλὰ θνητὰ καὶ πένθιμα τῶν ὀργιαζομένων καὶ δρωμένων ἱερῶν ὁρῶντεσ. "Ἑλλήνων δ’ Ὅμηροσ μὲν ἔτι φαίνεται κοινῶσ ἀμφοτέροισ χρώμενοσ τοῖσ ὀνόμασι καὶ τοὺσ θεοὺσ ἔστιν ὅτε δαίμονασ προσαγορεύων· "Ἡσίοδοσ δὲ καθαρῶσ καὶ διωρισμένωσ πρῶτοσ ἐξέθηκε τῶν λογικῶν τέσσαρα γένη, θεοὺσ εἶτα δαίμονασ εἶθ’ ἡρ́ωασ, τὸ δ’ ἐπὶ πᾶσιν ἀνθρώπουσ, ἐξ ὧν ἐοίκε ποιεῖν τὴν μεταβολήν, τοῦ μὲν χρυσοῦ γένουσ εἰσ δαίμονασ πολλοὺσ κἀγαθοὺσ τῶν δ’ ἡμιθέων εἰσ ἡρ́ωασ ἀποκριθέντων. "ἕτεροι δὲ μεταβολὴν τοῖσ τε σώμασιν ὁμοίωσ ποιοῦσι καὶ ταῖσ ψυχαῖσ ὥσπερ γὰρ ἐκ γῆσ ὕδωρ ἐκ δ’ ὕδατοσ ἀὴρ ἐκ δ’ ἀέροσ πῦρ γεννώμενον ὁρᾶται, τῆσ οὐσίασ ἄνω φερομένησ· "οὕτωσ; "ἐκ μὲν ἀνθρώπων εἰσ ἡρ́ωασ ἐκ δ’ ἡρώων εἰσ δαίμονασ αἱ βελτίονεσ ψυχαὶ τὴν μεταβολὴν λαμβάνουσιν. "ἐκ δὲ δαιμόνων ὀλίγαι μὲν ἐν χρόνῳ πολλῷ δι’ ἀρετῆσ καθαρθεῖσαι παντάπασι θειότητοσ μετέσχον· "ἐνίαισ δὲ συμβαίνει μὴ κρατεῖν ἑαυτῶν, ἀλλ’ ὑφιεμέναισ καὶ ἐνδυομέναισ πάλιν σώμασι θνητοῖσ ἀλαμπῆ καὶ ἀμυδρὰν ζωὴν ὥσπερ ἀναθυμίασιν ἴσχειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De defectu oraculorum, section 10

(플루타르코스, De defectu oraculorum, section 10)

상위

목록

SEARCH

MENU NAVIGATION