헬라어 문장 검색 - Πλυταρ́Δεδεφεξ́05́0́0́

(플루타르코스, De defectu oraculorum, section 5)

"περὶ τοῦ μαντείου δίελθ’ ἡμῖν, ὦ Κλεόμβροτε· "μεγάλη γὰρ ἡ παλαιὰ δόξα τῆσ ἐπεῖ θειότητοσ, τὰ δὲ νῦν ἐοίκεν ὑπομαραίνεσθαι. "δεῖ περὶ τῶν ἐπεῖ πυνθάνεσθαι καὶ διαπορεῖν τὴν ἐνταῦθα τῶν χρηστηρίων ἀμαύρωσιν, μᾶλλον δὲ πλὴν ἑνὸσ ἢ δυεῖν ἁπάντων ἔκλειψιν ὁρῶντασ· "ἀλλ’ ἐκεῖνο σκοπεῖν, δι’ ἣν αἰτίαν οὕτωσ ἐξησθένηκε. "τὰ γὰρ ἄλλα τί δεῖ λέγειν, ὅπου τὴν Βοιωτίαν ἕνεκα χρηστηρίων πολύφωνον οὖσαν ἐν τοῖσ πρότερον χρόνοισ νῦν ἐπιλέλοιπε κομιδῇ καθάπερ νάματα, καὶ πολὺσ ἐπέσχηκε μαντικῆσ αὐχμὸσ τὴν χώραν; "οὐδαμοῦ γὰρ ἀλλαχόθι νῦν ἢ περὶ Λεβάδειαν ἡ Βοιωτία παρέχει τοῖσ χρῄζουσιν ἀρύσασθαι μαντικῆσ, τῶν δ’ ἄλλων τὰ μὲν σιγὴ τὰ δὲ παντελὴσ ἐρημία κατέσχηκε. "καίτοι γε περὶ τὰ Μηδικὰ μὲν εὐδοκίμησεν οὐχ ἧττον ἢ τὸ τοῦ Ἀμφιάρεω καὶ ἀπεπειράθη Μῦσ ὡσ ἐοίκεν ἀμφοτέρων. "ὁ μὲν οὖν τοῦ Πτῴου μαντείου προφήτησ φωνῇ Αἰολίδι χρώμενοσ τὸ πρὸ τοῦ τότε τῇ τῶν βαρβάρων χρησμὸν ἐξήνεγκεν, ὥστε μηδένα ξυνεῖναι ἁγίων τῶν παρόντων ὃν ἐκεῖνον, ὡσ τοῦ ἐνθουσιασμοῦ τι τοῖσ βαρβάροισ οὐκ ἔστιν οὐδὲ δέδοται φωνὴν Ἑλληνίδα λαβεῖν τὸ προσταττόμενον ὑπηρετοῦσαν. "ὁ δὲ πεμφθεὶσ εἰσ Ἀμφιάρεω δοῦλοσ ἔδοξε κατὰ τοὺσ ὕπνουσ ὑπηρέτην τοῦ θεοῦ φανέντα , πρῶτον μὲν ἀπὸ φωνῆσ ἐκβάλλειν αὐτόν, ὡσ τοῦ θεοῦ μὴ παριέντοσ, ἔπειτα ταῖσ χερσὶν ὠθεῖν ἐπιμένοντοσ δέ, λίθον εὐμεγέθη λαβόντα τὴν κεφαλὴν πατάξαι. "ταῦτα δ’ ἦν ὥσπερ ἀντίφωνα τῶν γενησομένων · "ἡττήθη γὰρ ὁ Μαρδόνιοσ, οὐ βασιλέωσ ἀλλ’ ἐπιτρόπου καὶ διακόνου βασιλέωσ ἡγουμένου τῶν Ἑλλήνων, καὶ λίθῳ πληγεὶσ ἔπεσεν, ὥσπερ ὁ Λυδὸσ ἔδοξε πληγῆναι κατὰ τοὺσ ὕπνουσ. "ἤκμαζε δὲ τότε καὶ τὸ περὶ τὰσ Τεγύρασ χρηστήριον, ὅπου καὶ γενέσθαι τὸν θεὸν ἱστοροῦσι, καὶ ναμάτων δυεῖν παραρρεόντων τὸ μὲν Φοίνικα θάτερον δ’ Ἐλαίαν ἄχρι νῦν ὡσ ἔνιοι λέγουσιν. "ἐν μὲν οὖν τοῖσ Μηδικοῖσ Ἐχεκράτουσ προφητεύοντοσ, ἀνεῖλε νίκην καὶ κράτοσ πολέμου τοῖσ Ἕλλησιν ὁ θεόσ· "ἐν δὲ τῷ Πελοποννησιακῷ πολέμῳ Δηλίοισ ἐκπεσοῦσι τῆσ νήσου φασὶ χρησμὸν ἐκ Δελφῶν κομισθῆναι, προστάττοντα τὸν τόπον ἀνευρεῖν, ἐν ᾧ γέγονεν ὁ Ἀπόλλων, καὶ θυσίασ τινὰσ ἐκεῖ τελέσαι. "θαυμαζόντων δὲ καὶ διαπορούντων, εἰ μὴ παρ’ αὐτοῖσ ὁ θεὸσ ἀλλ’ ἑτέρωθι γεγόνοι, τὴν Πυθίαν προσανελεῖν, ὅτι κορώνη φράσει τὸ χωρίον αὐτοῖσ. ἀπιόντασ οὖν ἐν Χαιρωνείᾳ γενέσθαι, καὶ τῆσ πανδοκευτρίασ ἀκοῦσαι πρόσ τινασ ξένουσ βαδίζοντασ εἰσ Τεγύρασ περὶ τοῦ χρηστηρίου διαλεγομένησ· "τῶν δὲ ξένων, ὡσ ἀπῄεσαν, ἀσπαζομένων καὶ προσαγορευόντων τὴν ἄνθρωπον, ὅπερ ὠνομάζετο, Κορώνην, συνεῖναι τὸ λόγιον, καὶ θύσαντασ ἐν ταῖσ Τεγύραισ τυχεῖν καθόδου μετ’ ὀλίγον χρόνον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De defectu oraculorum, section 5

(플루타르코스, De defectu oraculorum, section 5)

상위

목록

SEARCH

MENU NAVIGATION