Plutarch, De cohibenda ira, section 11 5:

ὡσ γὰρ δι’ ὁμίχλησ τὰ σώματα, καὶ δι’ ὀργῆσ τὰ πράγματα μείζονα φαίνεται. διὸ δεῖ ταχὺ συμμνημονεύειν τῶν ὁμοίων, καὶ τοῦ πάθουσ ἔξωθεν ὄντασ ἀνυπόπτωσ, ἂν καθαρῷ τῷ λογισμῷ καὶ καθεστῶτι φαίνηται μοχθηρόν, ἐπιστραφῆναι καὶ μὴ προέσθαι τότε μηδ’ ἀφεῖναι τὴν κόλασιν, ὥσπερ σιτίων ἀνορέκτουσ γεγονότασ. οὐδὲν γὰρ οὕτωσ αἴτιόν ἐστι τοῦ παρούσησ ὀργῆσ κολάζειν, ὡσ τὸ παυσαμένησ μὴ κολάζειν ἀλλ’ ἐκλελύσθαι, καὶ ταὐτὸν πεπονθέναι τοῖσ ἀργοῖσ κωπηλάταισ, οἳ γαλήνησ ὁρμοῦσιν εἶτα κινδυνεύουσιν ἀνέμῳ πλέοντεσ.