Plutarch, De cohibenda ira, section 4

καθάπερ οὖν τὴν φλόγα θριξὶ λαγῴαισ ἀναπτομένην καὶ θρυαλλίσι καὶ συρφετῷ ῥᾴδιόν ἐστιν ἐπισχεῖν ἐὰν δ’ ἐπιλάβηται τῶν στερεῶν καὶ βάθοσ ἐχόντων, ταχὺ διέφθειρε καὶ συνεῖλεν ὑψηλὸν ἡβήσασα τεκτόνων πόνον ὥσ φησιν Αἰσχύλοσ· οὕτωσ ὁ τῷ θυμῷ προσέχων ἐν ἀρχῇ καὶ κατὰ μικρὸν ἔκ τινοσ λαλιᾶσ καὶ βωμολοχίασ συρφετώδουσ ὁρῶν καπνιῶντα καὶ διακαιόμενον οὐ μεγάλησ δεῖται πραγματείασ, ἀλλὰ πολλάκισ αὐτῷ τῷ σιωπῆσαι καὶ καταμελῆσαι κατέπαυσε.