Plutarch, De Alexandri magni fortuna aut virtute, chapter 1, section 10

καὶ μὴν εἴ ποτε γένοιτο τῶν Ὁμήρου σύγκρισισ ἐπῶν . ἐν ταῖσ διατριβαῖσ ἢ παρὰ τὰ συμπόσια, ἄλλον ἄλλου στίχον προκρίνοντοσ, αὐτὸσ ὡσ διαφέροντα πάντων ἐνέκρινε τοῦτον, ἀμφότερον βασιλεύσ τ’ ἀγαθὸσ κρατερόσ τ’ αἰχμητήσ, ὃν ἄλλοσ ἔπαινον τῷ χρόνῳ προέλαβε, τοῦτον αὑτῷ νόμον κεῖσθαι λογιζόμενοσ, ὥστ’ εἰπεῖν Ὅμηρον ὅτι τῷ αὐτῷ μέτρῳ τὴν μὲν Ἀγαμέμνονοσ ἀνδραγαθίαν κεκόσμηκε, τὴν δ’ Ἀλεξάνδρου μεμάντευται.