헬라어 문장 검색 - Πλυταρ́ΔεΑλεχά1́03́

(플루타르코스, De Alexandri magni fortuna aut virtute, chapter 1, section 3)

καὶ μὴν τὰ μὲν αὐτῆσ τῆσ στρατείασ, χειμῶνεσ, αὐχμοί, βάθη ποταμῶν, ἀόρνα ὕψη, θηρίων ὑπερφυεῖσ ὄψεισ, ἄγριοι δίαιται, μεταβολαὶ δυναστῶν, παλιμπροδοσίαι τὰ δὲ πρὸ τῆσ στρατείασ, ἔτι τοῖσ Φιλιππικοῖσ πολέμοισ ἐπέσπαιρεν ἡ Ἑλλάσ, ἀπεσείοντο δ’ αἱ Θῆβαι τῶν ὅπλων τὴν Χαιρωνικὴν κόνιν ἐκ τοῦ πτώματοσ ἀνιστάμεναι, καὶ συνῆπτον αἱ Ἀθῆναι τὰσ χεῖρασ ὀρέγουσαι· πᾶσα δ’ ὕπουλοσ ἦν Μακεδονία πρὸσ Ἀμύνταν ἀποβλέπουσα καὶ τοὺσ Αἐρόπου παῖδασ· ἀνερρήγνυντο δ’ Ἰλλυριοί, καὶ τὰ Σκυθῶν ἐπῃωρεῖτο τοῖσ προσοίκοισ νεωτερίζουσι τὸ δὲ Περσικὸν χρυσίον διὰ τῶν ἑκασταχοῦ δημαγωγῶν ῥέον ἐκίνει τὴν Πελοπόννησον κενοὶ δ’ οἱ Φιλίππου θησαυροὶ χρημάτων, καὶ προσῆν ἔτι δάνειον, ὡσ Ὀνησίκριτοσ ἱστορεῖ, διακοσίων ταλάντων. ἐν τοσαύτῃ πενίᾳ καὶ πράγμασι ταραχὰσ ἔχουσι μειράκιον ἄρτι τὴν παιδικὴν παραλλάττον ἡλικίαν ἐθάρρησεν ἐλπίσαι Βαβυλῶνα καὶ Σοῦσα, μᾶλλον δὲ τὴν πάντων ἀνθρώπων ἀρχὴν εἰσ νοῦν ἐμβαλέσθαι, τοῖσ τρισμυρίοισ οἷσ ἔσχε πεζοῖσ καὶ τετρακισχιλίοισ ἱππεῦσι πιστεύσασ τοσοῦτοι γὰρ ἦσαν, ὡσ Ἀριστόβουλόσ φησιν ὡσ δὲ Πτολεμαῖοσ ὁ βασιλεύσ, τρισμύριοι πεζοὶ πεντακισχίλιοι δ’ ἱππεῖσ·

ὡσ δ’ Ἀναξιμένησ, τετρακισμύριοι πεζοὶ καὶ τρισχίλιοι, πεντακισχίλιοι δὲ καὶ πεντακόσιοι ἱππεῖσ.

τὸ δὲ λαμπρὸν αὐτῷ καὶ μέγα παρασκευασθὲν ὑπὸ τῆσ Τύχησ ἐφόδιον ἑβδομήκοντα τάλαντ’ ἦν, ὥσ φησιν Ἀριστόβουλοσ· ὡσ δὲ Δοῦρισ, τριάκοντα μόνον ἡμερῶν ἐπισιτισμόσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, De Alexandri magni fortuna aut virtute, chapter 1, section 3

(플루타르코스, De Alexandri magni fortuna aut virtute, chapter 1, section 3)

상위

목록

SEARCH

MENU NAVIGATION