Plutarch, De Alexandri magni fortuna aut virtute, chapter 1, section 4 1:

ἀλλὰ τοῖσ μὲν γράφουσιν, ὡσ Ἀλέξανδροσ ἔφη ποτὲ τὴν Ἰλιάδα καὶ τὴν Ὀδύσσειαν ἀκολουθεῖν αὐτῷ τῆσ στρατείασ ἐφόδιον, πιστεύομεν, Ὅμηρον σεμνύνοντεσ· ἂν δέ τισ φῇ τὴν Ἰλιάδα καὶ τὴν Ὀδύσσειαν παραμύθιον πόνου καὶ διατριβὴν ἕπεσθαι σχολῆσ γλυκείασ, ἐφόδιον δ’ ἀληθῶσ γεγονέναι τὸν ἐκ φιλοσοφίασ λόγον καὶ τοὺσ περὶ ἀφοβίασ καὶ ἀνδρείασ ἔτι δὲ σωφροσύνησ καὶ μεγαλοψυχίασ ὑπομνηματισμούσ, καταφρονοῦμεν;