헬라어 문장 검색 - ΕυριπίΙον́9́4́1́

(에우리피데스, Ion, episode, iambics 1:)

ἀπεννέπω σε μὴ κατακτείνειν ἐμὲ ὑπέρ τ’ ἐμαυτῆσ τοῦ θεοῦ θ’ ἵν’ ἕσταμεν. τί δ’ ἐστὶ Φοίβῳ σοί τε κοινὸν ἐν μέσῳ; ἱερὸν τὸ σῶμα τῷ θεῷ δίδωμ’ ἔχειν. κἄπειτ’ ἔκαινεσ φαρμάκοισ τὸν τοῦ θεοῦ; ἀλλ’ οὐκέτ’ ἦσθα Λοξίου, πατρὸσ δὲ σοῦ. ἀλλ’ ἐγενόμεσθα πατρόσ· οὐσίαν λέγω. οὐκοῦν τότ’ ἦσθα· νῦν δ’ ἐγώ, σὺ δ’ οὐκέτι. οὐκ εὐσεβεῖσ γε· τἀμὰ δ’ εὐσεβῆ τότ’ ἦν. ἔκτεινά σ’ ὄντα πολέμιον δόμοισ ἐμοῖσ. οὔτοι σὺν ὅπλοισ ἦλθον ἐσ τὴν σὴν χθόνα. μάλιστα· κἀπίμπρησ γ’ Ἐρεχθέωσ δόμουσ. ποίοισι πανοῖσ ἢ πυρὸσ ποίᾳ φλογί; ἔμελλεσ οἰκεῖν τἄμ’, ἐμοῦ βίᾳ λαβών. πατρόσ γε γῆν διδόντοσ ἣν ἐκτήσατο. τοῖσ Αἰόλου δὲ πῶσ μετῆν τῶν Παλλάδοσ; ὅπλοισιν αὐτήν, οὐ λόγοισ ἐρρύσατο. ἐπίκουροσ οἰκήτωρ γ’ ἂν οὐκ εἰή χθονόσ. κἄπειτα τοῦ μέλλειν μ’ ἀπέκτεινεσ φόβῳ; ὡσ μὴ θάνοιμί γ’, εἰ σὺ μὴ μέλλων τύχοισ. φθονεῖσ ἄπαισ οὖσ’, εἰ πατὴρ ἐξηῦρέ με. σὺ τῶν ἀτέκνων δῆτ’ ἀναρπάσεισ δόμουσ; ἡμῖν δέ γ’ ἀλλὰ πατρικῆσ οὐκ ἦν μέροσ; ὅσ’ ἀσπὶσ ἔγχοσ θ’· ἥδε σοι παμπησία. ἔκλειπε βωμὸν καὶ θεηλάτουσ ἕδρασ. τὴν σὴν ὅπου σοι μητέρ’ ἐστὶ νουθέτει. σὺ δ’ οὐχ ὑφέξεισ ζημίαν, κτείνουσ’ ἐμέ; ἤν γ’ ἐντὸσ ἀδύτων τῶνδέ με σφάξαι θέλῃσ. τίσ ἡδονή σοι θεοῦ θανεῖν ἐν στέμμασι; λυπήσομέν τιν’, ὧν λελυπήμεσθ’ ὕπο. φεῦ. δεινόν γε, θνητοῖσ τοὺσ νόμουσ ὡσ οὐ καλῶσ ἔθηκεν ὁ θεὸσ οὐδ’ ἀπὸ γνώμησ σοφῆσ· τοὺσ μὲν γὰρ ἀδίκουσ βωμὸν οὐχ ἵζειν ἐχρῆν, ἀλλ’ ἐξελαύνειν· οὐδὲ γὰρ ψαύειν καλὸν θεῶν πονηρὰν χεῖρα· τοῖσι δ’ ἐνδίκοισ ‐ ἱερὰ καθίζειν, ὅστισ ἠδικεῖτ’, ἐχρῆν· καὶ μὴ ’πὶ ταὐτὸ τοῦτ’ ἰόντ’ ἔχειν ἴσον τόν τ’ ἐσθλὸν ὄντα τόν τε μὴ θεῶν πάρα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, Ion, episode, iambics 1:

(에우리피데스, Ion, episode, iambics 1:)

상위

목록

SEARCH

MENU NAVIGATION