헬라어 문장 검색 - ΕυριπίΙον́9́5́

(에우리피데스, Ion, episode, lyric)

ἰὼ ἰώ, λαμπρᾶσ αἰθέροσ ἀμπτυχαί, τίν’ αὐδὰν ἀύσω, βοάσω; πόθεν μοι συνέκυρσ’ ἀδόκητοσ ἡδονά; πόθεν ἐλάβομεν χαράν; ἐμοὶ γενέσθαι πάντα μᾶλλον ἄν ποτε, μῆτερ, παρέστη τῶνδ’, ὅπωσ σόσ εἰμ’ ἐγώ. ἔτι φόβῳ τρέμω. μῶν οὐκ ἔχειν μ’ ἔχουσα; τὰσ γὰρ ἐλπίδασ ἀπέβαλον πρόσω. ἰὼ γύναι, πόθεν πόθεν ἔλαβεσ ἐμὸν βρέφοσ ἐσ ἀγκάλασ; τίν’ ἀνὰ χεῖρα δόμον ἔβα Λοξίου; θεῖον τόδ’· ἀλλὰ τἀπίλοιπα τῆσ τύχησ εὐδαιμονοῖμεν, ὡσ τὰ πρόσθε δυστυχῆ. τέκνον, οὐκ ἀδάκρυτοσ ἐκλοχεύῃ, γόοισ δὲ ματρὸσ ἐκ χερῶν ὁρίζῃ· νῦν δὲ γενειάσιν παρὰ σέθεν πνέω μακαριωτάτασ τυχοῦσ’ ἡδονᾶσ. τοὐμὸν λέγουσα καὶ τὸ σὸν κοινῶσ λέγεισ. ἄπαιδεσ οὐκέτ’ ἐσμὲν οὐδ’ ἄτεκνοι· δῶμ’ ἑστιοῦται, γᾶ δ’ ἔχει τυράννουσ· ἀνηβᾷ δ’ Ἐρεχθεύσ, ὅ τε γηγενέτασ δόμοσ οὐκέτι νύκτα δέρκεται, ἀελίου δ’ ἀναβλέπει λαμπάσιν. μῆτερ, παρών μοι καὶ πατὴρ μετασχέτω τῆσ ἡδονῆσ τῆσδ’ ἧσ ἔδωχ’ ὑμῖν ἐγώ. ὦ τέκνον, τί φῄσ; οἱο͂ν οἱο͂ν ἀνελέγχομαι. πῶσ εἶπασ; ἄλλοθεν γέγονασ, ἄλλοθεν. ὤμοι· νόθον με παρθένευμ’ ἔτικτε σόν; οὐχ ὑπὸ λαμπάδων οὐδὲ χορευμάτων ὑμέναιοσ ἐμόσ, τέκνον, ἔτικτε σὸν κάρα. αἰαῖ· πέφυκα δυσγενήσ. μῆτερ, πόθεν; ἴστω Γοργοφόνα ‐ τί τοῦτ’ ἔλεξασ; ἃ σκοπέλοισ ἐπ’ ἐμοῖσ τὸν ἐλαιοφυῆ πάγον θάσσει ‐ λέγεισ μοι δόλια κοὐ σαφῆ τάδε. παρ’ ἀηδόνιον πέτραν Φοίβῳ ‐ τί Φοῖβον αὐδᾷσ; κρυπτόμενον λέχοσ ηὐνάσθην . . . λέγ’· ὡσ ἐρεῖσ τι κεδνὸν εὐτυχέσ τέ μοι. δεκάτῳ δέ σε μηνὸσ ἐν κύκλῳ κρύφιον ὠδῖν’ ἔτεκον Φοίβῳ. ὦ φίλτατ’ εἰποῦσ’, εἰ λέγεισ ἐτήτυμα. παρθένια δ’ ἐμᾶσ <λάθρα> ματέροσ σπάργαν’ ἀμφίβολά σοι τάδ’ ἐνῆψα, κερ‐ κίδοσ ἐμᾶσ πλάνουσ. γάλακτι δ’ οὐκ ἐπέσχον, οὐδὲ μαστῷ τροφεῖα ματρὸσ οὐδὲ λουτρὰ χειροῖν, ἀνὰ δ’ ἄντρον ἔρημον οἰωνῶν γαμφηλαῖσ φόνευμα θοίναμά τ’ εἰσ Αἵδαν ἐκβάλλῃ. ὦ δεινὰ τλᾶσα μῆτερ. ἐν φόβῳ, τέκνον, καταδεθεῖσα σὰν ἀπέβαλον ψυχάν· ἔκτεινά σ’ ἄκουσ’. ἐξ ἐμοῦ τ’ οὐχ ὅσι’ ἔθνῃσκεσ. ἰώ· δειναὶ μὲν τότε τύχαι, δεινὰ δὲ καὶ τάδ’· ἑλισσόμεσθ’ ἐκεῖθεν ἐνθάδε δυστυχίαισιν εὐτυχίαισ τε πάλιν, μεθίσταται δὲ πνεύματα. μενέτω· τὰ πάροιθεν ἅλισ κακά· νῦν δὲ γένοιτό τισ οὖροσ ἐκ κακῶν, ὦ παῖ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, Ion, episode, lyric

(에우리피데스, Ion, episode, lyric)

상위

목록

SEARCH

MENU NAVIGATION