헬라어 문장 검색 - ΕυριπίΙον́9́0́6́

(에우리피데스, Ion, episode 6:)

καὶ ταῖσ μὲν ἄλλαισ ἄνοσοσ ἦν λοιβὴ θεοῦ· ἣ δ’ ἕζετ’ ἔνθ’ ὁ καινὸσ ἔσπεισεν γόνοσ, ποτοῦ τ’ ἐγεύσατ’, εὐθὺσ εὔπτερον δέμασ ἔσεισε κἀβάκχευσεν, ἐκ δ’ ἔκλαγξ’ ὄπα ἀξύνετον αἰάζουσ’· ἐθάμβησεν δὲ πᾶσ θοινατόρων ὅμιλοσ ὄρνιθοσ πόνουσ. θνῄσκει δ’ ἀπασπαίρουσα, φοινικοσκελεῖσ χηλὰσ παρεῖσα. γυμνὰ δ’ ἐκ πέπλων μέλη ὑπὲρ τραπέζησ ἧχ’ ὁ μαντευτὸσ γόνοσ, βοᾷ δέ· Τίσ μ’ ἔμελλεν ἀνθρώπων κτενεῖν; σήμαινε, πρέσβυ· σὴ γὰρ ἡ προθυμία, καὶ πῶμα χειρὸσ σῆσ ἐδεξάμην πάρα. εὐθὺσ δ’ ἐρευνᾷ γραῖαν ὠλένην λαβών, ἐπ’ αὐτοφώρῳ πρέσβυν ὡσ ἔχονθ’ ἕλοι. ὤφθη δὲ καὶ κατεῖπ’ ἀναγκασθεὶσ μόγισ τόλμασ Κρεούσησ πώματόσ τε μηχανάσ. θεῖ δ’ εὐθὺσ ἔξω συλλαβὼν θοινάτορασ ὁ πυθόχρηστοσ Λοξίου νεανίασ, κἀν κοιράνοισι Πυθικοῖσ σταθεὶσ λέγει· Ὦ Γαῖα σεμνή, τῆσ Ἐρεχθέωσ ὕπο, ξένησ γυναικόσ, φαρμάκοισι θνῄσκομεν. Δελφῶν δ’ ἄνακτεσ ὡρ́ισαν πετρορριφῆ θανεῖν ἐμὴν δέσποιναν οὐ ψήφῳ μιᾷ, τὸν ἱερὸν ὡσ κτείνουσαν ἔν τ’ ἀνακτόροισ φόνον τιθεῖσαν. πᾶσα δὲ ζητεῖ πόλισ τὴν ἀθλίωσ σπεύσασαν ἀθλίαν ὁδόν· παίδων γὰρ ἐλθοῦσ’ εἰσ ἔρον Φοίβου πάρα, τὸ σῶμα κοινῇ τοῖσ τέκνοισ ἀπώλεσεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, Ion, episode 6:

(에우리피데스, Ion, episode 6:)

상위

목록

SEARCH

MENU NAVIGATION