헬라어 문장 검색 - ΕυριπίΙον́7́3́3́

(에우리피데스, Ion, episode, lyric 3:)

οἴμοι, μέγασ θησαυρὸσ ὡσ ἀνοίγνυται κακῶν, ἐφ’ οἷσι πᾶσ ἂν ἐκβάλοι δάκρυ. ὦ θύγατερ, οὔτοι σὸν βλέπων ἐμπίμπλαμαι πρόσωπον, ἔξω δ’ ἐγενόμην γνώμησ ἐμῆσ. κακῶν γὰρ ἄρτι κῦμ’ ὑπεξαντλῶν φρενί, πρύμνηθεν αἴρει μ’ ἄλλο σῶν λόγων ὕπο, οὓσ ἐκβαλοῦσα τῶν παρεστώτων κακῶν μετῆλθεσ ἄλλων πημάτων κακὰσ ὁδούσ. τί φῄσ; τίνα λόγον Λοξίου κατηγορεῖσ; ποῖον τεκεῖν φῂσ παῖδα; ποῦ θεῖναι πόλεωσ θηρσὶν φίλον τύμβευμ’; ἄνελθέ μοι πάλιν. αἰσχύνομαι μέν σ’, ὦ γέρον, λέξω δ’ ὅμωσ. ὡσ συστενάζειν γ’ οἶδα γενναίωσ φίλοισ. ἄκουε τοίνυν· οἶσθα Κεκροπίασ πέτρασ πρόσβορρον ἄντρον, ἃσ Μακρὰσ κικλήσκομεν; οἶδ’, ἔνθα Πανὸσ ἄδυτα καὶ βωμοὶ πέλασ. ἐνταῦθ’ ἀγῶνα δεινὸν ἠγωνίσμεθα. τίν’; ὡσ ἀπαντᾷ δάκρυά μοι τοῖσ σοῖσ λόγοισ. Φοίβῳ ξυνῆψ’ ἄκουσα δύστηνον γάμον. ὦ θύγατερ, ἆρ’ ἦν ταῦθ’ ἅ γ’ ᾐσθόμην ἐγώ; οὐκ οἶδ’· ἀληθῆ δ’ εἰ λέγεισ φαίημεν ἄν. νόσον κρυφαίαν ἡνίκ’ ἔστενεσ λάθρα; τότ’ ἦν ἃ νῦν σοι φανερὰ σημαίνω κακά. κᾆτ’ ἐξέκλεψασ πῶσ Ἀπόλλωνοσ γάμουσ; ἔτεκον ‐ ἀνάσχου ταῦτ’ ἐμοῦ κλύων, γέρον. ποῦ; τίσ λοχεύει σ’; ἢ μόνη μοχθεῖσ τάδε; μόνη κατ’ ἄντρον οὗπερ ἐζεύχθην γάμοισ. ὁ παῖσ δὲ ποῦ ’στιν; ἵνα σὺ μηκέτ’ ᾖσ ἄπαισ. τέθνηκεν, ὦ γεραιέ, θηρσὶν ἐκτεθείσ. τέθνηκ’; Ἀπόλλων δ’ ὁ κακὸσ οὐδὲν ἤρκεσεν; οὐκ ἤρκεσ’· Αἵδου δ’ ἐν δόμοισ παιδεύεται. τίσ γάρ νιν ἐξέθηκεν; οὐ γὰρ δὴ σύ γε. ἡμεῖσ, ἐν ὄρφνῃ σπαργανώσαντεσ πέπλοισ. οὐδὲ ξυνῄδει σοί τισ ἔκθεσιν τέκνου; αἱ ξυμφοραί γε καὶ τὸ λανθάνειν μόνον. καὶ πῶσ ἐν ἄντρῳ παῖδα σὸν λιπεῖν ἔτλησ; πῶσ δ’ οἰκτρὰ πολλὰ στόματοσ ἐκβαλοῦσ’ ἔπη ‐ φεῦ· τλήμων σὺ τόλμησ, ὁ δὲ θεὸσ μᾶλλον σέθεν. εἰ παῖδά γ’ εἶδεσ χεῖρασ ἐκτείνοντά μοι. μαστὸν διώκοντ’ ἦ πρὸσ ἀγκάλαισ πεσεῖν; ἐνταῦθ’, ἵν’ οὐκ ὢν ἄδικ’ ἔπασχεν ἐξ ἐμοῦ. σοὶ δ’ ἐσ τί δόξ’ ἐσῆλθεν ἐκβαλεῖν τέκνον; ὡσ τὸν θεὸν σῴζοντα τόν γ’ αὑτοῦ γόνον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, Ion, episode, lyric 3:

(에우리피데스, Ion, episode, lyric 3:)

상위

목록

SEARCH

MENU NAVIGATION