헬라어 문장 검색 - ΕυριπίΙον́7́2́

(에우리피데스, Ion, episode, iambic)

εἰ ταὐτὰ πράσσων δεσπότησ τῆσ συμφορᾶσ κοινωνόσ ἐστιν, ἢ μόνη σὺ δυστυχεῖσ. κείνῳ μέν, ὦ γεραιέ, παῖδα Λοξίασ ἔδωκεν, ἰδίᾳ δ’ εὐτυχεῖ ταύτησ δίχα. τόδ’ ἐπὶ τῷδε κακὸν ἄκρον ἔλακεσ ἄχοσ ἐμοὶ στένειν. πότερα δὲ φῦναι δεῖ γυναικὸσ ἔκ τινοσ τὸν παῖδ’ ὃν εἶπασ, ἢ γεγῶτ’ ἐθέσπισεν; ἤδη πεφυκότ’ ἐκτελῆ νεανίαν δίδωσιν αὐτῷ Λοξίασ· παρῆ δ’ ἐγώ. πῶσ φῄσ; ἄφατον ἄφατον ἀναύδητον λόγον ἐμοὶ θροεῖσ. κἄμοιγε. πῶσ δ’ ὁ χρησμὸσ ἐκπεραίνεται, σαφέστερόν μοι φράζε, χὥστισ ἔσθ’ ὁ παῖσ. ὅτῳ ξυναντήσειεν ἐκ θεοῦ συθεὶσ πρώτῳ πόσισ σόσ, παῖδ’ ἔδωκ’ αὐτῷ θεόσ. ὀττοτοττοτοῖ· τὸν δ’ ἐμὸν ἄτεκνον ἄτεκνον ἔλακεν ἄρα βίοτον; ἐρημίᾳ δ’ ὀρφανοὺσ δόμουσ οἰκήσω. τίσ οὖν ἐχρήσθη; τῷ συνῆψ’ ἴχνοσ ποδὸσ πόσισ ταλαίνησ; πῶσ δὲ ποῦ νιν εἰσιδών; οἶσθ’, ὦ φίλη δέσποινα, τὸν νεανίαν ὃσ τόνδ’ ἔσαιρε ναόν; οὗτοσ ἔσθ’ ὁ παῖσ. ἀν’ ὑγρὸν ἀμπταίην αἰθέρα πόρσω γαί‐ ασ Ἑλλανίασ, ἀστέρασ ἑσπέρουσ, οἱο͂ν οἱο͂ν ἄλγοσ ἔπαθον, φίλαι. ὄνομα δὲ ποῖον αὐτὸν ὀνομάζει πατήρ; οἶσθ’, ἢ σιωπῇ τοῦτ’ ἀκύρωτον μένει; Ιὤν’, ἐπείπερ πρῶτοσ ἤντησεν πατρί. μητρὸσ δ’ ὁποίασ ἐστὶν ‐ οὐκ ἔχω φράσαι. φροῦδοσ δ’ ‐ ἵν’ εἰδῇσ πάντα τἀπ’ ἐμοῦ, γέρον ‐ παιδὸσ προθύσων ξένια καὶ γενέθλια σκηνὰσ ἐσ ἱερὰσ τῆσδε λαθραίωσ πόσισ, κοινὴν ξυνάψων δαῖτα παιδὶ τῷ νέῳ. δέσποινα, προδεδόμεσθα ‐ σὺν γάρ σοι νοσῶ ‐ τοῦ σοῦ πρὸσ ἀνδρόσ, καὶ μεμηχανημένωσ ὑβριζόμεσθα δωμάτων τ’ Ἐρεχθέωσ ἐκβαλλόμεσθα.

καὶ σὸν οὐ στυγῶν πόσιν λέγω, σὲ μέντοι μᾶλλον ἢ κεῖνον φιλῶν· ὅστισ σε γήμασ ξένοσ ἐπεισελθὼν πόλιν καὶ δῶμα καὶ σὴν παραλαβὼν παγκληρίαν, ἄλλησ γυναικὸσ παῖδασ ἐκκαρπούμενοσ λάθρα πέφηνεν· ὡσ λάθρα δ’, ἐγὼ φράσω. ἐπεί σ’ ἄτεκνον ᾔσθετ’, οὐκ ἔστεργέ σοι ὅμοιοσ εἶναι τῆσ τύχησ τ’ ἴσον φέρειν, λαβὼν δὲ δοῦλα λέκτρα νυμφεύσασ λάθρα τὸν παῖδ’ ἔφυσεν, ἐξενωμένον δέ τῳ Δελφῶν δίδωσιν ἐκτρέφειν. ὃ δ’ ἐν θεοῦ δόμοισιν ἄφετοσ, ὡσ λάθοι, παιδεύεται. νεανίαν δ’ ὡσ ᾔσθετ’ ἐκτεθραμμένον, ἐλθεῖν σ’ ἔπεισε δεῦρ’ ἀπαιδίασ χάριν. κᾆθ’ ὁ θεὸσ οὐκ ἐψεύσαθ’, ὅδε δ’ ἐψεύσατο πάλαι τρέφων τὸν παῖδα, κἄπλεκεν πλοκὰσ τοιάσδ’· ἁλοὺσ μὲν ἀνέφερ’ ἐσ τὸν δαίμονα, ἐλθὼν δὲ καὶ τὸν χρόνον ἀμύνεσθαι θέλων τυραννίδ’ αὐτῷ περιβαλεῖν ἔμελλε γῆσ. καινὸν δὲ τοὔνομ’ ἀνὰ χρόνον πεπλασμένον Ιὤν, ἰόντι δῆθεν ὅτι συνήντετο. οἴμοι, κακούργουσ ἄνδρασ ὡσ αἰεὶ στυγῶ, οἳ συντιθέντεσ τἄδικ’ εἶτα μηχαναῖσ κοσμοῦσι. φαῦλον χρηστὸν ἂν λαβεῖν φίλον θέλοιμι μᾶλλον ἢ κακὸν σοφώτερον. καὶ τῶνδ’ ἁπάντων ἔσχατον πείσῃ κακόν·

ἀμήτορ’, ἀναρίθμητον, ἐκ δούλησ τινὸσ γυναικόσ, ἐσ σὸν δῶμα δεσπότην ἄγειν. ἁπλοῦν ἂν ἦν γὰρ τὸ κακόν, εἰ παρ’ εὐγενοῦσ μητρόσ, πιθών σε, σὴν λέγων ἀπαιδίαν, ἐσῴκισ’ οἴκουσ· εἰ δὲ σοὶ τόδ’ ἦν πικρόν, τῶν Αἰόλου νιν χρῆν ὀρεχθῆναι γάμων. ἐκ τῶνδε δεῖ σε δὴ γυναικεῖόν τι δρᾶν· ἢ γὰρ ξίφοσ λαβοῦσαν ἢ δόλῳ τινὶ ἢ φαρμάκοισι σὸν κατακτεῖναι πόσιν καὶ παῖδα, πρὶν σοὶ θάνατον ἐκ κείνων μολεῖν. εἰ γάρ γ’ ὑφήσεισ τοῦδ’, ἀπαλλάξῃ βίου. δυοῖν γὰρ ἐχθροῖν εἰσ ἓν ἐλθόντοιν στέγοσ, ἢ θάτερον δεῖ δυστυχεῖν ἢ θάτερον. ἐγὼ μὲν οὖν σοι καὶ συνεκπονεῖν θέλω, καὶ συμφονεύειν παῖδ’ ἐπεισελθὼν δόμουσ οὗ δαῖθ’ ὁπλίζει, καὶ τροφεῖα δεσπόταισ ἀποδοὺσ θανεῖν τε ζῶν τε φέγγοσ εἰσορᾶν. ἓν γάρ τι τοῖσ δούλοισιν αἰσχύνην φέρει, τοὔνομα· τὰ δ’ ἄλλα πάντα τῶν ἐλευθέρων οὐδὲν κακίων δοῦλοσ, ὅστισ ἐσθλὸσ ᾖ. κἀγώ, φίλη δέσποινα, συμφορὰν θέλω κοινουμένη τήνδ’ ἢ θανεῖν ἢ ζῆν καλῶσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, Ion, episode, iambic

(에우리피데스, Ion, episode, iambic)

상위

목록

SEARCH

MENU NAVIGATION