헬라어 문장 검색 - ΕυριπίΙον́7́0́0́

(에우리피데스, Ion, episode)

ὦ πρέσβυ παιδαγώγ’ Ἐρεχθέωσ πατρὸσ τοὐμοῦ ποτ’ ὄντοσ, ἡνίκ’ ἦν ἔτ’ ἐν φάει, ἔπαιρε σαυτὸν πρὸσ θεοῦ χρηστήρια, ὥσ μοι συνησθῇσ, εἴ τι Λοξίασ ἄναξ θέσπισμα παίδων ἐσ γονὰσ ἐφθέγξατο. σὺν τοῖσ φίλοισ γὰρ ἡδὺ μὲν πράσσειν καλῶσ· ἃ μὴ γένοιτο δ’, εἴ τι τυγχάνοι κακόν, ἐσ ὄμματ’ εὔνου φωτὸσ ἐμβλέψαι γλυκύ. ἐγὼ δέ σ’, ὥσπερ καὶ σὺ πατέρ’ ἐμόν ποτε, δέσποιν’ ὅμωσ οὖσ’ ἀντικηδεύω πατρόσ. ὦ θύγατερ, ἄξι’ ἀξίων γεννητόρων ἤθη φυλάσσεισ, κοὐ καταισχύνασ’ ἔχεισ τοὺσ σοὺσ παλαιούσ, ἐκγόνουσ αὐτόχθονασ. ἕλχ’ ἕλκε πρὸσ μέλαθρα καὶ κόμιζέ με. αἰπεινά τοι μαντεῖα· τοῦ γήρωσ δέ μοι συνεκπονοῦσα κῶλον ἰατρὸσ γενοῦ. ἕπου νυν· ἴχνοσ δ’ ἐκφύλασσ’ ὅπου τίθησ. ἰδού. τὸ τοῦ ποδὸσ μὲν βραδύ, τὸ τοῦ δὲ νοῦ ταχύ. βάκτρῳ δ’ ἐρείδου περιφερῆ στίβον χθονόσ. καὶ τοῦτο τυφλόν, ὅταν ἐγὼ βλέπω βραχύ. ὀρθῶσ ἔλεξασ· ἀλλὰ μὴ παρῇσ κόπῳ. οὔκουν ἑκών γε· τοῦ δ’ ἀπόντοσ οὐ κρατῶ. γυναῖκεσ, ἱστῶν τῶν ἐμῶν καὶ κερκίδοσ δούλευμα πιστόν, τίνα τύχην λαβὼν πόσισ βέβηκε παίδων, ὧνπερ οὕνεχ’ ἥκομεν; σημήνατ’· εἰ γὰρ ἀγαθά μοι μηνύσετε, οὐκ εἰσ ἀπίστουσ δεσπότασ βαλεῖσ χάριν. ἰὼ δαῖμον. τὸ φροίμιον μὲν τῶν λόγων οὐκ εὐτυχέσ. ἰὼ τλᾶμον. ἀλλ’ ἦ τι θεσφάτοισι δεσποτῶν νοσῶ; εἰε͂̔ν· τί δρῶμεν; θάνατοσ ὧν κεῖται πέρι . . . τίσ ἥδε μοῦσα, χὡ φόβοσ τίνων πέρι; εἴπωμεν ἢ σιγῶμεν; ἢ τί δράσομεν; εἴφ’· ὡσ ἔχεισ γε συμφοράν τιν’ εἰσ ἐμέ. εἰρήσεταί τοι, κεἰ θανεῖν μέλλω διπλῇ. οὐκ ἔστι σοι, δέσποιν’, ἐπ’ ἀγκάλαισ λαβεῖν τέκν’, οὐδὲ μαστῷ σῷ προσαρμόσαι ποτέ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, Ion, episode

(에우리피데스, Ion, episode)

상위

목록

SEARCH

MENU NAVIGATION