헬라어 문장 검색 - Διονψσ́ΔεΞομπό10́0́0́

(디오니시오스, De Compositione Verborum, chapter 10)

διωρισμένων δή μοι τούτων ἀκόλουθον ἂν εἰή λέγειν, τίνα ἐστὶν ὧν δεῖ στοχάζεσθαι τὸν βουλόμενον συντιθέναι τὴν λέξιν εὖ καὶ διὰ τίνων θεωρημάτων τυγχάνοι τισ ἂν ὧν βούλεται. ἡ δὲ Ἡροδότου σύνθεσισ ἀμφότερα ταῦτα ἔχει, καὶ γὰρ ἡδεῖά ἐστι καὶ καλή. δοκεῖ δέ μοι δύο ταῦτ’ εἶναι τὰ γενικώτατα, ὧν ἐφίεσθαι δεῖ τοὺσ συντιθέντασ μέτρα τε καὶ λόγουσ, ἥ τε ἡδονὴ καὶ τὸ καλόν· ἀμφότερα γὰρ ἐπιζητεῖ ταῦτα ἡ ἀκοή, ὅμοιόν τι πάσχουσα τῇ ὁράσει· καὶ γὰρ ἐκείνη πλάσματα καὶ γραφὰσ καὶ γλυφὰσ καὶ ὅσα δημιουργήματα χειρῶν ἐστιν ἀνθρωπίνων ὁρῶσα ὅταν εὑρίσκῃ τό τε ἡδὺ ἐνὸν ἐν αὐτοῖσ καὶ τὸ καλόν, ἀρκεῖται καὶ οὐδὲν ἔτι ποθεῖ. καὶ μὴ παράδοξον ἡγήσηταί τισ, εἰ δύο ποιῶ τέλη καὶ χωρίζω τὸ καλὸν ἀπὸ τῆσ ἡδονῆσ, μηδ’ ἄτοπον εἶναι νομίσῃ, εἴ τινα ἡγοῦμαι λέξιν ἡδέωσ μὲν συγκεῖσθαι, μὴ καλῶσ δέ, ἢ καλῶσ μέν, οὐ μὴν καὶ ἡδέωσ· φέρει γὰρ ἡ ἀλήθεια τὸ τοιοῦτον καὶ οὐδὲν ἀξιῶ καινόν· ἥ γέ τοι Θουκυδίδου λέξισ καὶ Ἀντιφῶντοσ τοῦ Ῥαμνουσίου καλῶσ μὲν σύγκειται νὴ Δία, εἴ πέρ τινεσ καὶ ἄλλαι, καὶ οὐκ ἄν τισ αὐτὰσ ἔχοι μέμψασθαι κατὰ τοῦτο, οὐ μὴν ἡδέωσ γε πάνυ· ἡ δέ γε τοῦ Κνιδίου συγγραφέωσ Κτησίου καὶ ἡ τοῦ Σωκρατικοῦ Ξενοφῶντοσ ἡδέωσ μὲν ὡσ ἔνι μάλιστα, οὐ μὴν καλῶσ γ’ ἐφ’ ὅσον ἔδει· λέγω δὲ κοινότερον, ἀλλ’ οὐχὶ καθάπαξ, ἐπεὶ καὶ παρ’ ἐκείνοισ ἡρ́μοσταί τινα ἡδέωσ καὶ παρὰ τούτοισ καλῶσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, De Compositione Verborum, chapter 10

(디오니시오스, De Compositione Verborum, chapter 10)

상위

목록

SEARCH

MENU NAVIGATION