헬라어 문장 검색 - Διονψσ́ΔεΞομπό06́0́0́

(디오니시오스, De Compositione Verborum, chapter 6)

δοκεῖ μοι τῆσ συνθετικῆσ ἐπιστήμησ τρία ἔργα εἶναι· ἓν μὲν ἰδεῖν, τί μετὰ τίνοσ ἁρμοζόμενον πέφυκε καλὴν καὶ ἡδεῖαν λήψεσθαι συζυγίαν· ἕτερον δὲ γνῶναι τῶν ἁρμόττεσθαι μελλόντων πρὸσ ἄλληλα πῶσ ἂν ἕκαστον σχηματισθὲν κρείττονα ποιήσειε φαίνεσθαι τὴν ἁρμονίαν· τρίτον δ’ εἴ τι δεῖται μετασκευῆσ τῶν λαμβανομένων, ἀφαιρέσεωσ λέγω καὶ προσθήκησ καὶ ἀλλοιώσεωσ, γνῶναί τε καὶ πρὸσ τὴν μέλλουσαν χρείαν οἰκείωσ ἐξεργάσασθαι. ὅ τι δὲ τούτων ἕκαστον δύναται, σαφέστερον ἐρῶ χρησάμενοσ εἰκόσι τῶν δημιουργικῶν τεχνῶν τισιν ἃσ ἅπαντεσ ἴσασιν, οἰκοδομικῇ λέγω καὶ ναυπηγικῇ καὶ ταῖσ παραπλησίαισ· ὅ τε γὰρ οἰκοδόμοσ ὅταν πορίσηται τὴν ὕλην ἐξ ἧσ μέλλει κατασκευάζειν τὴν οἰκίαν, λίθουσ καὶ ξύλα καὶ κέραμον καὶ τἆλλα πάντα, συντίθησιν ἐκ τούτων ἤδη τὸ ἔργον τρία ταῦτα πραγματευόμενοσ, ποίῳ δεῖ λίθῳ τε καὶ ξύλῳ καὶ πλίνθῳ ποῖον ἁρμόσαι λίθον ἢ ξύλον ἢ πλίνθον, ἔπειτα πῶσ τῶν ἁρμοζομένων ἕκαστον καὶ ἐπὶ ποίασ πλευρᾶσ ἑδράσαι, καὶ τρίτον, εἴ τι δύσεδρόν ἐστιν, ἀποκροῦσαι καὶ περικόψαι καὶ αὐτὸ τοῦτο εὐέδρον ποιῆσαι· ὅ τε ναυπηγὸσ τὰ αὐτὰ ταῦτα πραγματεύεται. τὰ δὴ παραπλήσιά φημι δεῖν καὶ τοὺσ μέλλοντασ εὖ συνθήσειν τὰ τοῦ λόγου μόρια, πρῶτον μὲν σκοπεῖν, ποῖον ὄνομα ἢ ῥῆμα ἢ τῶν ἄλλων τι μορίων ποίῳ συνταχθὲν ἐπιτηδείωσ ἔσται κείμενον καὶ πῶσ εὖ ἢ ἄμεινον οὐ γὰρ δὴ πάντα γε μετὰ πάντων τιθέμενα πέφυκεν ὁμοίωσ διατιθέναι τὰσ ἀκοάσ· ἔπειτα διακρίνειν, πῶσ σχηματισθὲν τοὔνομα ἢ τὸ ῥῆμα ἢ τῶν ἄλλων ὅ τι δή ποτε χαριέστερον ἱδρυθήσεται καὶ πρὸσ τὰ ὑποκείμενα πρεπωδέστερον· λέγω δὲ ἐπὶ μὲν τῶν ὀνομάτων, πότερον ἑνικῶσ ἢ πληθυντικῶσ λαμβανόμενα κρείττω λήψεται συζυγίαν, καὶ πότερον κατὰ τὴν ὀρθὴν ἐκφερόμενα πτῶσιν ἢ κατὰ τῶν πλαγίων τινά, καὶ εἴ τινα πέφυκεν ἐξ ἀρρενικῶν γίνεσθαι θηλυκὰ ἢ ἐκ θηλυκῶν ἀρρενικὰ ἢ οὐδέτερα ἐκ τούτων, πῶσ ἂν ἄμεινον σχηματισθείη, καὶ πάντα τὰ τοιαῦτα· ἐπὶ δὲ τῶν ῥημάτων, πότερα κρείττω λαμβανόμενα ἔσται, τὰ ὀρθὰ ἢ τὰ ὕπτια, καὶ κατὰ ποίασ ἐγκλίσεισ ἐκφερόμενα, ἃσ δή τινεσ πτώσεισ ῥηματικὰσ καλοῦσι, κρατίστην ἕδραν λήψεται, καὶ ποίασ παρεμφαίνοντα διαφορὰσ χρόνων καὶ εἴ τινα τοῖσ ῥήμασιν ἄλλα παρακολουθεῖν πέφυκε τὰ δ’ αὐτὰ ταῦτα καὶ ἐπὶ τῶν ἄλλων τοῦ λόγου μερῶν φυλακτέον, ἵνα μὴ καθ’ ἓν ἕκαστον λέγω· ἐπὶ δὲ τούτοισ τὰ ληφθέντα διακρίνειν, εἴ τι δεῖται μετασκευῆσ ὄνομα ἢ ῥῆμα, πῶσ ἂν ἐναρμονιώτερόν τε καὶ εὐεδρότερον γένοιτο· τοῦτο τὸ στοιχεῖον ἐν μὲν ποιητικῇ δαψιλέστερόν ἐστιν, ἐν δὲ λόγοισ πεζοῖσ σπανιώτερον· πλὴν γίνεταί γε καὶ ἐν τούτοισ ἐφ’ ὅσον ἂν ἐγχωρῇ· προστέθηκέ τι τῇ ἀντωνυμίᾳ γράμμα τῆσ συνθέσεωσ στοχαζόμενοσ· εἰπεῖν· τῇ προθέσει παρηύξηκεν τοὔνομα, τὸ γὰρ ἰδὼν ἀπέχρη· ταῖσ συναλοιφαῖσ ἠλάττωκε τὰ μόρια τοῦ λόγου κἀποκέκρουκέ τινα τῶν γραμμάτων· τὸ λυθήσεται καὶ τὰ τοιουτότροπα μετασκευάζει τὰσ λέξεισ, ἵν’ αὐτῷ γένοιντο ἁρμοσθῆναι καλλίουσ καὶ ἐπιτηδειότεραι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, De Compositione Verborum, chapter 6

(디오니시오스, De Compositione Verborum, chapter 6)

상위

목록

SEARCH

MENU NAVIGATION