헬라어 문장 검색 - Διονψσ́ΔεΞομπό04́0́0́

(디오니시오스, De Compositione Verborum, chapter 4)

ἵνα δὲ πολὺ μᾶλλον αἴσθηταί τισ, ὅσην ἔχει ῥώμην ἡ συνθετικὴ δύναμισ ἔν τε ποιήμασι καὶ λόγοισ, λήψομαί τινασ εὖ ἔχειν δοκούσασ λέξεισ, ὧν τὰσ ἁρμονίασ μεταθεὶσ ἀλλοῖα φαίνεσθαι ποιήσω καὶ τὰ μέτρα καὶ τοὺσ λόγουσ. λαμβανέσθω δὲ πρῶτον μὲν ἐκ τῶν Ὁμηρικῶν ταῦτα· ἀλλ’ ἔχεν ὥστε τάλαντα γυνὴ χερνῆτισ ἀληθήσ, ἥ τε σταθμὸν ἔχουσα καὶ εἴριον ἀμφὶσ ἀνέλκει ἰσάζουσ’, ἵνα παισὶν ἀεικέα μισθὸν ἄροιτο. τοῦτο τὸ μέτρον ἡρῷόν ἐστιν ἑξάπουν τέλειον, κατὰ δάκτυλον πόδα βαινόμενον. ἐγὼ δὴ τῶν ὀνομάτων τούτων μετακινήσασ τὴν σύνθεσιν τοὺσ αὐτοὺσ στίχουσ ἀντὶ μὲν ἑξαμέτρων ποιήσω τετραμέτρουσ, ἀντὶ δὲ ἡρωϊκῶν προσοδιακοὺσ τὸν τρόπον τοῦτον· ἀλλ’ ἔχεν ὥστε γυνὴ χερνῆτισ τάλαντ’ ἀληθήσ, ἥ τισ εἴριον ἀμφὶ καὶ σταθμὸν ἔχουσ’ ἀνέλκει ἰσάζουσ’, ἵν’ ἀεικέα παισὶν ἄροιτο μισθόν. τοιαῦτά ἐστι τὰ πριάπεια λεγόμενα ταυτί· οὐ βέβηλοσ, ὦ τελέται τοῦ νέου Διονύσου . . . κἀγὼ δ’ ἐξ εὐεργεσίησ ὠργιασμένοσ ἥκω. ἄλλουσ πάλιν λαβὼν στίχουσ Ὁμηρικούσ, οὔτε προσθεὶσ αὐτοῖσ οὐδὲν οὔτε ἀφελών, τὴν δὲ σύνθεσιν ἀλλάξασ μόνον ἕτερον ἀποδώσω γένοσ τὸ τετράμετρον καλούμενον Ιὠνικόν· ὣσ ὃ πρόσθ’ ἵππων καὶ δίφρου κεῖτο τανυσθείσ, βεβρυχώσ, κόνιοσ δεδραγμένοσ αἱματοέσσησ. ὣσ ὃ πρόσθ’ ἵππων καὶ δίφρου κεῖτο τανυσθείσ, αἱματοέσσησ κόνιοσ δεδραγμένοσ, βεβρυχώσ. τοιαῦτ’ ἐστὶ τὰ Σωτάδεια ταυτί· ἔνθ’ οἳ μὲν ἐπ’ ἄκραισι πυραῖσ νέκυεσ ἔκειντο γῆσ ἐπὶ ξένησ, ὀρφανὰ τείχεα προλιπόντεσ Ἑλλάδοσ ἱερῆσ καὶ μυχὸν ἑστίησ πατρῴησ, ἥβην τ’ ἐρατὴν καὶ καλὸν ἡλίου πρόσωπον. ἐδυνάμην δ’ ἂν ἔτι πολλὰσ ἰδέασ μέτρων καὶ διαφόρουσ εἰσ τὸν ἡρωϊκὸν ἐμπιπτούσασ στίχον ἐπιδεικνύναι, τὸ δ’ αὐτὸ καὶ τοῖσ ἄλλοισ ὀλίγου δεῖν πᾶσι συμβεβηκὸσ μέτροισ τε καὶ ῥυθμοῖσ ἀποφαίνειν, ὥστε τῆσ μὲν ἐκλογῆσ τῶν ὀνομάτων τῆσ αὐτῆσ μενούσησ, τῆσ δὲ συνθέσεωσ μόνησ μεταπεσούσησ τά τε μέτρα μεταρρυθμίζεσθαι καὶ συμμεταπίπτειν αὐτοῖσ τὰ σχήματα, τὰ χρώματα, τὰ ἤθη, τὰ πάθη, τὴν ὅλην τῶν ποιημάτων ἀξίωσιν· ἀλλ’ ἀναγκασθήσομαι πλειόνων ἅψασθαι θεωρημάτων, ὧν ἔνια ὀλίγοισ πάνυ ἐστὶ γνώριμα. ἐπὶ πολλῶν δ’ ἴσωσ καὶ οὐχ ἥκιστα ἐπὶ τῶν τοιούτων καλῶσ ἂν ἔχοι τὰ Εὐριπίδεια ταῦτα ἐπενεγκεῖν· μή μοι λεπτῶν θίγγανε μύθων, ψυχή· τί περισσὰ φρονεῖσ; εἰ μὴ μέλλεισ σεμνύνεσθαι παρ’ ὁμοίοισ. ταῦτα μὲν οὖν ἐάσειν μοι δοκῶ κατὰ τὸ παρόν. ὅτι δὲ καὶ ἡ πεζὴ λέξισ τὸ αὐτὸ δύναται παθεῖν τῇ ἐμμέτρῳ μενόντων μὲν τῶν ὀνομάτων, ἀλλαττομένησ δὲ τῆσ συνθέσεωσ, πάρεστι τῷ βουλομένῳ σκοπεῖν. λήψομαι δ’ ἐκ τῆσ Ἡροδότου λέξεωσ τὴν ἀρχὴν τῆσ ἱστορίασ, ἐπειδὴ καὶ γνώριμόσ ἐστι τοῖσ πολλοῖσ, μεταθεὶσ τὸν χαρακτῆρα τῆσ διαλέκτου μόνον. "Κροῖσοσ ἦν Λυδὸσ μὲν γένοσ, παῖσ δ’ Ἀλυάττου, τύραννοσ δ’ ἐθνῶν τῶν ἐντὸσ Ἅλυοσ ποταμοῦ· . μετατίθημι τῆσ λέξεωσ ταύτησ τὴν ἁρμονίαν, καὶ γενήσεταί μοι οὐκέτι ὑπαγωγικὸν τὸ πλάσμα οὐδ’ ἱστορικόν, ἀλλ’ ὀρθὸν μᾶλλον καὶ ἐναγώνιον· "Κροῖσοσ ἦν υἱὸσ μὲν Ἀλυάττου, γένοσ δὲ Λυδόσ, τύραννοσ δὲ τῶν ἐντὸσ Ἅλυοσ ποταμοῦ ἐθνῶν· "ὃσ ἀπὸ μεσημβρίασ ῥέων μεταξὺ Σύρων καὶ Παφλαγόνων εἰσ τὸν Εὔξεινον καλούμενον πόντον ἐκδίδωσι πρὸσ βορέαν ἄνεμον. οὗτοσ ὁ χαρακτὴρ οὐ πολὺ ἀπέχειν ἂν δόξειεν τῶν Θουκυδίδου τούτων· "Ἐπίδαμνόσ ἐστι πόλισ ἐν δεξιᾷ εἰσπλέοντι τὸν Ιὄνιον κόλπον· "προσοικοῦσι δ’ αὐτὴν Ταυλάντιοι βάρβαροι, Ἰλλυρικὸν ἔθνοσ. πάλιν δὲ ἀλλάξασ τὴν αὐτὴν λέξιν ἑτέραν αὐτῇ μορφὴν ἀποδώσω τὸν τρόπον τοῦτον· "Ἀλυάττου μὲν υἱὸσ ἦν Κροῖσοσ, γένοσ δὲ Λυδόσ, τῶν δ’ ἐντὸσ Ἅλυοσ ποταμοῦ τύραννοσ ἐθνῶν· . Ἡγησιακὸν τὸ σχῆμα τοῦτο τῆσ συνθέσεωσ, μικρόκομψον, ἀγεννέσ, μαλθακόν· τούτων γὰρ τῶν λήρων ἱερεὺσ ἐκεῖνοσ ἁνὴρ τοιαῦτα γράφων· "ἐξ ἀγαθῆσ ἑορτῆσ ἀγαθὴν ἄγομεν ἄλλην. "ἀπὸ Μαγνησίασ εἰμὶ τῆσ μεγάλησ Σιπυλεύσ. "οὐ γὰρ μικρὰν εἰσ Θηβαίων ὕδωρ ἔπτυσεν ὁ Διόνυσοσ· "ἡδὺ μὲν γάρ ἐστι, ποιεῖ δὲ μαίνεσθαι. ἅλισ ἔστω παραδειγμάτων. ἱκανῶσ γὰρ οἰόμαι πεποιηκέναι φανερὸν ὃ προὔκειτό μοι, ὅτι μείζονα ἰσχὺν ἔχει τῆσ ἐκλογῆσ ἡ σύνθεσισ. καί μοι δοκεῖ τισ οὐκ ἂν ἁμαρτεῖν εἰκάσασ αὐτὴν τῇ Ὁμηρικῇ Ἀθηνᾷ· ἐκείνη τε γὰρ τὸν Ὀδυσσέα τὸν αὐτὸν ὄντα ἄλλοτε ἀλλοῖον ἐποίει φαίνεσθαι, τοτὲ μὲν μικρὸν καὶ ῥυσὸν καὶ αἰσχρὸν πτωχῷ λευγαλέῳ ἐναλίγκιον ἠδὲ γέροντι, τοτὲ δὲ τῇ αὐτῇ ῥάβδῳ πάλιν ἐφαψαμένη μείζονά τ’ εἰσιδέειν καὶ πάσσονα θῆκεν ἰδέσθαι, κὰδ δὲ κάρητοσ οὔλασ ἧκε κόμασ ὑακινθίνῳ ἄνθει ὁμοίασ. αὕτη τε τὰ αὐτὰ λαμβάνουσα ὀνόματα τοτὲ μὲν ἄμορφα καὶ ταπεινὰ καὶ πτωχὰ ποιεῖ φαίνεσθαι τὰ νοήματα, τοτὲ δ’ ὑψηλὰ καὶ πλούσια καὶ καλά. καὶ τοῦτ’ ἦν σχεδὸν ᾧ μάλιστα διαλλάττει ποιητήσ τε ποιητοῦ καὶ ῥήτωρ ῥήτοροσ, τὸ συντιθέναι δεξιῶσ τὰ ὀνόματα. τοῖσ μὲν οὖν ἀρχαίοισ ὀλίγου δεῖν πᾶσι πολλὴ ἐπιτήδευσισ ἦν αὐτοῦ, παρ’ ὃ καὶ καλά ἐστιν αὐτῶν τά τε μέτρα καὶ τὰ μέλη καὶ οἱ λόγοι· τοῖσ δὲ μεταγενεστέροισ οὐκέτι πλὴν ὀλίγων· χρόνῳ δ’ ὕστερον παντάπασιν ἠμελήθη καὶ οὐδεὶσ ᾤετο δεῖν ἀναγκαῖον αὐτὸ εἶναι οὐδὲ συμβάλλεσθαί τι τῷ κάλλει τῶν λόγων· τοιγάρτοι τοιαύτασ συντάξεισ κατέλιπον οἱάσ οὐδεὶσ ὑπομένει μέχρι κορωνίδοσ διελθεῖν, Φύλαρχον λέγω καὶ Δοῦριν καὶ Πολύβιον καὶ Ψάωνα καὶ τὸν Καλλατιανὸν Δημήτριον Ιἑρώνυμόν τε καὶ Ἀντίγονον καὶ Ἡρακλείδην καὶ Ἡγησιάνακτα καὶ ἄλλουσ μυρίουσ· ὁ τῆσ ἡμέρασ χρόνοσ. καὶ τί δεῖ τούτουσ θαυμάζειν, ὅπου γε καὶ οἱ φιλοσοφίαν ἐπαγγελλόμενοι καὶ τὰσ διαλεκτικὰσ ἐκφέροντεσ τέχνασ οὕτωσ εἰσὶν ἄθλιοι περὶ τὴν σύνθεσιν τῶν ὀνομάτων ὥστε αἰδεῖσθαι καὶ λέγειν; ἀπόχρη δὲ τεκμηρίῳ χρήσασθαι τοῦ λόγου Χρυσίππῳ τῷ Στωϊκῷ περαιτέρῳ γὰρ οὐκ ἂν προβαῖεν· τούτου γὰρ οὔτ’ ἄμεινον οὐδεὶσ τὰσ διαλεκτικὰσ τέχνασ ἠκρίβωσεν οὔτε ἁρμονίᾳ χείρονι συνταχθέντασ ἐξήνεγκε λόγουσ τῶν γοῦν ὀνόματοσ καὶ δόξησ ἀξιωθέντων. καίτοι σπουδάζεσθαί γέ τινεσ προσεποιήθησαν αὐτῶν καὶ περὶ τοῦτο τὸ μέροσ ὡσ ἀναγκαῖον ὂν τῷ λόγῳ καὶ τέχνασ γέ τινασ ἔγραψαν ὑπὲρ τῆσ συντάξεωσ τῶν τοῦ λόγου μορίων· ἀλλὰ πολύ τι πάντεσ ἀπὸ τῆσ ἀληθείασ ἀπεπλάγχθησαν καὶ οὐδ’ ὄναρ εἶδον, τί ποτ’ ἐστὶ τὸ ποιοῦν ἡδεῖαν καὶ καλὴν τὴν σύνθεσιν. ἐγώ γ’ οὖν ὅτ’ ἔγνων συντάττεσθαι ταύτην τὴν ὑπόθεσιν, ἐζήτουν εἴ τι τοῖσ πρότερον εἴρηται περὶ αὐτῆσ καὶ μάλιστα τοῖσ ἀπὸ τῆσ Στοᾶσ φιλοσόφοισ, εἰδὼσ τοὺσ ἄνδρασ οὐ μικρὰν φροντίδα τοῦ λεκτικοῦ τόπου ποιουμένουσ· δεῖ γὰρ αὐτοῖσ τἀληθῆ μαρτυρεῖν. οὐ ῥητορικὴν θεωρίαν ἐχούσασ ἀλλὰ διαλεκτικήν, ὡσ ἴσασιν οἱ τὰσ βύβλουσ ἀνεγνωκότεσ, ὑπὲρ ἀξιωμάτων συντάξεωσ ἀληθῶν τε καὶ ψευδῶν καὶ δυνατῶν καὶ ἀδυνάτων ἐνδεχομένων τε καὶ μεταπιπτόντων καὶ ἀμφιβόλων καὶ ἄλλων τινῶν τοιουτοτρόπων, οὐδεμίαν οὔτ’ ὠφέλειαν οὔτε χρείαν τοῖσ πολιτικοῖσ λόγοισ συμβαλλομένασ εἰσ γοῦν ἡδονὴν καὶ κάλλοσ ἑρμηνείασ, ὧν δεῖ στοχάζεσθαι τὴν σύνθεσιν· ταύτησ μὲν τῆσ πραγματείασ ἀπέστην, ἐσκόπουν δ’ αὐτὸσ ἐπ’ ἐμαυτοῦ γενόμενοσ, εἴ τινα δυναίμην εὑρεῖν φυσικὴν ἀφορμήν, ἐπειδὴ παντὸσ πράγματοσ καὶ πάσησ ζητήσεωσ αὕτη δοκεῖ κρατίστη εἶναι ἀρχή. ἁψάμενοσ δέ τινων θεωρημάτων καὶ δόξασ ὁδῷ μοι τὸ πρᾶγμα χωρεῖν ὡσ ἔμαθον ἑτέρωσέ ποι ταύτην ἄγουσαν ἐμὲ τὴν ὁδόν, οὐχ ὅποι ἐπορευόμην καὶ ἀναγκαῖον ἦν ἐλθεῖν, ἀπέστην. κωλύσει δ’ οὐδὲν ἴσωσ κἀκείνησ ἅψασθαι τῆσ θεωρίασ καὶ τὰσ αἰτίασ εἰπεῖν δι’ ἃσ ἐξέλιπον αὐτήν, ἵνα μή με δόξῃ τισ ἀγνοίᾳ παρελθεῖν αὐτὴν ἀλλὰ προαιρέσει.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, De Compositione Verborum, chapter 4

(디오니시오스, De Compositione Verborum, chapter 4)

상위

목록

SEARCH

MENU NAVIGATION