헬라어 문장 검색 - Διονψσ́ΔεΞομπό02́0́0́

(디오니시오스, De Compositione Verborum, chapter 2)

ἡ σύνθεσισ ἔστι μέν, ὥσπερ καὶ αὐτὸ δηλοῖ τοὔνομα, ποιά τισ θέσισ παρ’ ἄλληλα τῶν τοῦ λόγου μορίων, ἃ δὴ καὶ στοιχεῖά τινεσ τῆσ λέξεωσ καλοῦσιν. ταῦτα δὲ Θεοδέκτησ μὲν καὶ Ἀριστοτέλησ καὶ οἱ κατ’ ἐκείνουσ φιλοσοφήσαντεσ τοὺσ χρόνουσ ἄχρι τριῶν προήγαγον, ὀνόματα καὶ ῥήματα καὶ συνδέσμουσ πρῶτα μέρη τῆσ λέξεωσ ποιοῦντεσ. οἱ δὲ μετὰ τούτουσ γενόμενοι, καὶ μάλιστα οἱ τῆσ Στωικῆσ αἱρέσεωσ ἡγεμόνεσ, ἑώσ τεττάρων προὐβίβασαν, χωρίσαντεσ ἀπὸ τῶν συνδέσμων τὰ ἄρθρα. εἶθ’ οἱ μεταγενέστεροι τὰ προσηγορικὰ διελόντεσ ἀπὸ τῶν ὀνοματικῶν πέντε ἀπεφήναντο τὰ πρῶτα μέρη. ἕτεροι δὲ καὶ τὰσ ἀντονομασίασ ἀποζεύξαντεσ ἀπὸ τῶν ὀνομάτων ἕκτον στοιχεῖον τοῦτ’ ἐποίησαν. οἳ δὲ καὶ τὰ ἐπιρρήματα διελόντεσ ἀπὸ τῶν ῥημάτων καὶ τὰσ προθέσεισ ἀπὸ τῶν συνδέσμων καὶ τὰσ μετοχὰσ ἀπὸ τῶν προσηγορικῶν, οἳ δὲ καὶ ἄλλασ τινὰσ προσαγαγόντεσ τομὰσ πολλὰ τὰ πρῶτα μόρια τῆσ λέξεωσ ἐποίησαν· ὑπὲρ ὧν οὐ μικρὸσ ἂν εἰή λόγοσ. πλὴν ἥ γε τῶν πρώτων εἴτε τριῶν ἢ τεττάρων εἴθ’ ὅσων δή ποτε ὄντων μερῶν πλοκὴ καὶ παράθεσισ τὰ λεγόμενα ποιεῖ κῶλα, ἔπειθ’ ἡ τούτων ἁρμονία τὰσ καλουμένασ συμπληροῖ περιόδουσ, αὗται δὲ τὸν σύμπαντα τελειοῦσι λόγον. ἔστι δὴ τῆσ συνθέσεωσ ἔργα τά τε ὀνόματα οἰκείωσ θεῖναι παρ’ ἄλληλα καὶ τοῖσ κώλοισ ἀποδοῦναι τὴν προσήκουσαν ἁρμονίαν καὶ ταῖσ περιόδοισ διαλαβεῖν εὖ τὸν λόγον. δευτέρα δ’ οὖσα μοῖρα τῶν περὶ τὸν λεκτικὸν τόπον θεωρημάτων κατὰ γοῦν τὴν τάξιν ἡγεῖται γὰρ ἡ τῶν ὀνομάτων ἐκλογὴ καὶ προὑφίσταται ταύτησ κατὰ φύσιν ἡδονὴν καὶ πειθὼ καὶ κράτοσ ἐν τοῖσ λόγοισ οὐκ ὀλίγῳ κρείττον’ ἐκείνησ ἔχει. καὶ μηδεὶσ ἡγήσηται παράδοξον, εἰ πολλῶν καὶ μεγάλων ὄντων θεωρημάτων περὶ τὴν ἐκλογήν, ὑπὲρ ὧν πολὺσ ἐγένετο φιλοσόφοισ τε καὶ πολιτικοῖσ ἀνδράσι λόγοσ, ἡ σύνθεσισ δευτέραν ἔχουσα χώραν τῇ τάξει καὶ λόγων οὐδὲ πολλοῦ δεῖ τῶν ἴσων ἐκείνῃ τυχοῦσα τοσαύτην ἰσχὺν ἔχει καὶ δύναμιν ὥστε περιεῖναι πάντων τῶν ἐκείνησ ἔργων καὶ κρατεῖν, ἐνθυμούμενοσ ὅτι καὶ ἐπὶ τῶν ἄλλων τεχνῶν, ὅσαι διαφόρουσ ὕλασ λαμβάνουσαι συμφορητὸν ἐκ τούτων ποιοῦσι τὸ τέλοσ, ὡσ οἰκοδομική τε καὶ τεκτονικὴ καὶ ποικιλτικὴ καὶ ὅσαι ταύταισ εἰσὶν ὁμοιογενεῖσ, αἱ συνθετικαὶ δυνάμεισ τῇ μὲν τάξει δεύτεραι τῶν ἐκλεκτικῶν εἰσι, τῇ δὲ δυνάμει πρότεραι· ὥστ’ εἰ καὶ τῷ λόγῳ τὸ αὐτὸ συμβέβηκεν, οὐκ ἄτοπον ἡγητέον. οὐδὲν δὲ κωλύει καὶ πίστεισ παρασχεῖν τοῦ προκειμένου, μή τι δόξωμεν ἐξ ἑτοίμου λαμβάνειν τῶν ἀμφισβήτησιν ἐχόντων λόγων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, De Compositione Verborum, chapter 2

(디오니시오스, De Compositione Verborum, chapter 2)

상위

목록

SEARCH

MENU NAVIGATION