Diogenes Laertius, Lives of Eminent Philosophers, h, Kef. h'. EUDOCOS 4:

φησὶ δ’ αὐτὸν Ἐρατοσθένησ ἐν τοῖσ Πρὸσ Βάτωνα καὶ Κυνῶν διαλόγουσ συνθεῖναι· οἱ δέ, γεγραφέναι μὲν Αἰγυπτίουσ τῇ αὑτῶν φωνῇ, τοῦτον δὲ μεθερμηνεύσαντα ἐκδοῦναι τοῖσ Ἕλλησι. τούτου διήκουσε Χρύσιπποσ ὁ Ἐρίνεω Κνίδιοσ τά τε περὶ θεῶν καὶ κόσμου καὶ τῶν μετεωρο‐ λογουμένων, τὰ δ’ ἰατρικὰ παρὰ Φιλιστίωνοσ τοῦ Σικελιώτου. Κατέλιπε δὲ καὶ ὑπομνήματα κάλλιστα. τούτου γέγονε παῖσ Ἀρισταγόρασ, οὗ Χρύσιπποσ Αἐθλίου μαθητήσ, οὗ τὰ θεραπεύματα φέρεται ὁρατικά, τῶν φυσικῶν θεωρημάτων [τῶν] ὑπὸ τὴν διάνοιαν αὐτοῦ πεσόντων.