헬라어 문장 검색 - Διογεν́Λιϝεσοφ́8́04́

(디오게네스 라에르티오스, Lives of Eminent Philosophers, h, Kef. d'. ARXUTAS)

Ἀρχύτασ Μνησαγόρου Ταραντῖνοσ, ὡσ δὲ Ἀριστόξενοσ, Ἑστιαίου, Πυθαγορικὸσ καὶ αὐτόσ. οὗτόσ ἐστιν ὁ Πλάτωνα ῥυσάμενοσ δι’ ἐπιστολῆσ παρὰ Διονυσίου μέλλοντ’ ἀναιρεῖσθαι. ἐθαυμάζετο δὲ καὶ παρὰ τοῖσ πολλοῖσ ἐπὶ πάσῃ ἀρετῇ· καὶ δὴ ἑπτάκισ τῶν πολιτῶν ἐστρατήγησε, τῶν ἄλλων μὴ πλέον ἐνιαυτοῦ στρατηγούντων διὰ τὸ κωλύειν τὸν νόμον. πρὸσ τοῦτον καὶ Πλάτων γέγραφεν ἐπιστολὰσ δύο, ἐπειδήπερ αὐτῷ πρότεροσ ἐγεγράφει τοῦτον τὸν τρόπον· "Ἀρχύτασ Πλάτωνι ὑγιαίνειν. "Καλῶσ ποιέεισ ὅτι ἀποπέφευγασ ἐκ τᾶσ ἀρρωστίασ·

ταῦτα γὰρ αὐτόσ τυ ἐπέσταλκασ καὶ τοὶ περὶ Λαμίσκον ἀπάγγελον. περὶ δὲ τῶν ὑπομνημάτων ἐπεμελήθημεσ καὶ ἀνήλθομεσ ὡσ Λευκανὼσ καὶ ἐνετύχομεσ τοῖσ Ὀκκέλω ἐκγόνοισ. τὰ μὲν ὦν Περὶ νόμω καὶ Βασιληίασ καὶ Ὁσιότατοσ καὶ τᾶσ τῶ παντὸσ γενέσιοσ αὐτοί τ’ ἔχομεσ καὶ τὶν ἀπεστάλκαμεσ· τὰ δὲ λοιπὰ οὔτοι νῦν γα δύναται εὑρεθῆμεν, αἰ δέ κα εὑρεθῇ, ἥξει τοι. " Ὧδε μὲν ὁ Ἀρχύτασ· ὁ δὲ Πλάτων ἀντεπιστέλλει τοῦτον τὸν τρόπον· "Πλάτων Ἀρχύτᾳ εὖ πράττειν. "Τὰ μὲν παρὰ σοῦ ἐλθόντα ὑπομνήματα θαυμαστῶσ ἄσμενοί τε ἐλάβομεν καὶ τοῦ γράψαντοσ αὐτὰ ἠγάσθημεν ὡσ ἔνι μάλιστα, καὶ ἔδοξεν ἡμῖν ἁνὴρ ἄξιοσ ἐκείνων τῶν παλαιῶν προγόνων.

λέγονται γὰρ δὴ οἱ ἄνδρεσ οὗτοι Μυραῖοι εἶναι· οὗτοι δ’ ἦσαν τῶν ἐπὶ Λαομέδοντοσ ἐξαναστάντων Τρώων ἄνδρεσ ἀγαθοί, ὡσ ὁ παραδεδομένοσ μῦθοσ δηλοῖ. τὰ δὲ παρ’ ἐμοῦ ὑπομνήματα, περὶ ὧν ἐπέστειλασ, ἱκανῶσ μὲν οὔπω ἔχει· ὡσ δέ ποτε τυγχάνει ἔχοντα ἀπέσταλκά σοι. περὶ δὲ τῆσ φυλακῆσ ἀμφότεροι συμφωνοῦμεν, ὥστε οὐδὲν δεῖ παρακελεύεσθαι. ἔρρωσο. " Καὶ ὧδε μὲν πρὸσ ἀλλήλουσ αὐτοῖσ ἔχουσιν αἱ ἐπιστολαί. Γεγόνασι δ’ Ἀρχύται τέτταρεσ·

πρῶτοσ αὐτὸσ οὗτοσ, δεύτεροσ Μυτιληναῖοσ μουσικόσ, τρίτοσ Περὶ γεωργίασ συγγεγραφώσ, τέταρτοσ ἐπιγραμματοποιόσ. ἔνιοι καὶ πέμπτον ἀρχιτέκτονά φασιν, οὗ φέρεται βιβλίον Περὶ μηχανῆσ, ἀρχὴν ἔχον ταύτην, "τάδε παρὰ Τεύκρου Καρχηδονίου διήκουσα. " περὶ δὲ τοῦ μουσικοῦ φέρεται καὶ τόδε, ὡσ ὀνειδιζόμενοσ ἐπὶ τῷ μὴ ἐξακουεσθαι εἴποι, "τὸ γὰρ ὄργανον ὑπὲρ ἐμοῦ διαγωνιζόμενον λαλεῖ. " Τὸν δὲ Πυθαγορικὸν Ἀριστόξενόσ φησι μηδέποτε στρατηγοῦντα ἡττηθῆναι· φθονούμενον δ’ ἅπαξ ἐκχωρῆσαι τῆσ στρατηγίασ καὶ τοὺσ αὐτίκα ληφθῆναι. Οὗτοσ πρῶτοσ τὰ μηχανικὰ ταῖσ μαθηματικαῖσ προσχρησάμενοσ ἀρχαῖσ μεθώδευσε καὶ πρῶτοσ κίνησιν ὀργανικὴν διαγράμματι γεωμετρικῷ προσήγαγε, διὰ τῆσ τομῆσ τοῦ ἡμικυλίνδρου δύο μέσασ ἀνὰ λόγον λαβεῖν ζητῶν εἰσ τὸν τοῦ κύβου διπλασιασμόν.

κἀν γεωμετρίᾳ πρῶτοσ κύβον εὑρ͂εν, ὥσ φησι Πλάτων ἐν Πολιτείᾳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diogenes Laertius, Lives of Eminent Philosophers, h, Kef. d'. ARXUTAS

(디오게네스 라에르티오스, Lives of Eminent Philosophers, h, Kef. d'. ARXUTAS)

상위

목록

SEARCH

MENU NAVIGATION