Diodorus Siculus, Library, fragmenta libri ix, chapter 3 3:

ἔκγονε Μιλήτου, τρίποδοσ πέρι Φοῖβον ἐρωτᾷσ; ὃσ σοφίᾳ πρῶτοσ πάντων, τούτου τρίποδ’ αὐδῶ. οἱ δέ φασιν ἄλλωσ ὅτι πολέμου γενομένου τοῖσ Ιὤσι πρὸσ ἀλλήλουσ, καὶ τοῦ τρίποδοσ παρὰ σαγηνέων ἀνενεχθέντοσ, ἐπερωτῆσαι τὸν θεὸν περὶ τῆσ καταλύσεωσ τοῦ πολέμου. ἡ δὲ ἔφη, οὔποτε μὴ λήξῃ πόλεμοσ Μερόπων καὶ Ιὤνων, πρὶν τρίποδα χρύσειον, ὃν Ἥφαιστοσ κάμε τεύχων, ἐκ μέσσου πέμψητε, καὶ ἐσ δόμον ἀνδρὸσ ἵκηται ὃσ σοφίᾳ τά τ’ ἐόντα τά τ’ ἐσσόμενα προδέδορκεν.