헬라어 문장 검색 - Διοδορ́Λιβραρψ́1́24́

(디오도로스 시켈로스, Library, fragmenta libri ix, chapter 27)

ἠρώτησε δὲ τὸν Σόλωνα τίνα τῶν ὄντων εὐδαιμονέστατον ἑώρακεν, ὡσ τοῦτό γε πάντωσ ἀποδοθησόμενον ἑαυτῷ. τοῦ δὲ εἰπόντοσ ὡσ οὐδένα δικαίωσ ἂν εἰπεῖν ἔχοι διὰ τὸ μηδενὸσ τῶν ὄντων ἑωρακέναι τὸ τέλοσ τοῦ βίου, οὗ χωρὶσ οὐδεὶσ ἂν προσηκόντωσ μακάριοσ νομίζοιτο· πολλάκισ γὰρ οἱ τὸν ἔμπροσθεν πάντα βίον εὐδαίμονεσ δόξαντεσ εἶναι πρὸσ αὐτῇ τῇ τοῦ βίου καταστροφῇ μεγίσταισ περιέπεσον συμφοραῖσ. ὁ δὲ βασιλεύσ, οὐδὲ πλουσιώτατον ἄρα με κρίνεισ;

ἔφη. καὶ ὁ Σόλων τὴν αὐτὴν ἀπόκρισιν ποιησάμενοσ ἐδίδασκεν ὡσ οὐ τοὺσ πλεῖστα κεκτημένουσ, ἀλλὰ τοὺσ πλείστου ἀξίαν τὴν φρόνησιν ἡγουμένουσ νομιστέον πλουσιωτάτουσ· ἡ δὲ φρόνησισ οὐδενὶ τῶν ἄλλων ἀντίρροποσ οὖσα μόνουσ ποιεῖ τοὺσ αὐτὴν περὶ πολλοῦ ποιουμένουσ μέγιστον καὶ βεβαιότατον ἔχειν πλοῦτον. ἠρώτησε καὶ τὸν Βίαντα, πότερον ὀρθῶσ ἐποιήσατο τὴν ἀπόκρισιν ὁ Σόλων ἢ διήμαρτεν.

ὁ δὲ ὑπειπών, ὀρθῶσ, ἔφη· τὰ γὰρ ἔν σοι βούλεται θεωρήσασ ἀγαθὰ διαγνῶναι, νυνὶ δὲ τὰ παρά σοι μόνον ἑώρακεν· εἶναι δὲ δι’ ἐκεῖνα μᾶλλον ἢ ταῦτα τοὺσ ἀνθρώπουσ εὐδαίμονασ. ὁ δὲ βασιλεύσ, ἀλλ’ εἰ τὸν τῶν χρημάτων, ἔφησε, πλοῦτον μὴ προτιμᾷσ, τό γε πλῆθοσ τῶν φίλων ὁρᾷσ τοσοῦτον ὑπάρχον ὅσον οὐδενὶ τῶν ἄλλων. ὁ δὲ καὶ τοῦτον ἀπεφήνατο τὸν ἀριθμὸν ἄδηλον εἶναι διὰ τὴν εὐτυχίαν. πρὸσ δὲ Πιττακὸν εἰπεῖν φασι, ποίαν ἑώρακασ ἀρχὴν κρατίστην;

τὸν δὲ ἀποκριθῆναι, τὴν τοῦ ποικίλου ξύλου, διασημαίνοντα τοὺσ νόμουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Diodorus Siculus, Library, fragmenta libri ix, chapter 27

(디오도로스 시켈로스, Library, fragmenta libri ix, chapter 27)

상위

목록

SEARCH

MENU NAVIGATION